Kosningaskrifstofan opnuð

Gísli Marteinn opnaði kosningaskrifstofu sína í gær í Aðalstræti 6. "Það hefur verið góð stemning hér í allan dag," sagði Gísli Marteinn í gær og bætti við að um þrjú hundruð manns hefðu mætt og lýst yfir stuðningi sínum. "Ég hef slegið jákvæðan, uppbyggilegan og bjartsýnan tón í kosningabaráttu mína frá byrjun og hef unnið að því síðan. Ég vil láta þessa baráttu snúast um þau mál sem sameina sjálfstæðismenn og alla borgarbúa." Kosningaskrifstofa hans verður opin frá og með mánudeginum, opnar síðdegis og er opin fram á kvöld.