Skemmtilegt starf er forréttindi 19. apríl 2005 00:01 "Þetta er mjög viðamikið starfsheiti og ég tek á mjög mörgu í mínu starfi. Ég sé um að auglýsa allt sem um er að vera í Kringlunni og ég vinn líka að því að finna eitthvað að gera og skipuleggja viðburði Kringlunnar. Dagatal Kringlunnar er unnið ár fram í tímann í lok hvers árs en það er alltaf eitthvað nýtt að bætast við. Það má því segja að ég sjái um markaðsmál og viðburðastjórnun," segir Hermann. Áður en Hermann kom til starfa hjá Kringlunni hafði hann unnið hjá Olís í tíu ár, allt frá afgreiðslu og upp í markaðsdeild. Hann settist síðan á skólabekk í Viðskiptaháskólanum á Bifröst. "Ég er með BS-gráðu í viðskiptafræði frá Bifröst og mér finnst tvímælalaust að það sé aðalskólinn fyrir þá sem stefna á að vinna við stjórnunarstörf. Síðan stendur alltaf til hjá mér að halda áfram í námi en mér finnst nauðsynlegt fyrir fólk sem vinnur við stjórnun að mennta sig alla tíð. Maður hefur líka gott af því að taka sjálfan sig alltaf skrefinu framar." Þar sem Hermann skipuleggur alls kyns viðburði í starfi sínu þarf hann vissulega að hugsa utan rammans og vera frumlegur en ekki alltaf hugsa um viðskiptahliðina. "Ég verð að vera frjór og fá mikið af hugmyndum en ég er líka með mjög mikið af góðu fólki í kringum mig. Ég vinn með alls kyns fólki úr samfélaginu og er með mjög góð tengsl við fyrirtæki í landinu, eins og til dæmis gosdrykkjaframleiðendur, þannig að það gerir starfið mitt auðveldara," segir Hermann, sem kann vel við sig í stjórnunarstöðu. "Ég nýt starfsins vissulega. Ég hef sjaldan verið í eins fjölbreyttu starfi þar sem ég er í sambandi við hæfileikaríkt fólk á hverjum einasta degi. Ég leiði hugann oft að því hve mikil forréttindi það eru að vera í svona skemmtilegu starfi. En því fylgir auðvitað mikil ábyrgð og ég stend og fell með öllum mínum ákvörðunum. Stundum eru þær réttar og stundum eru þær rangar en ég nýti mér mistökin og læri af þeim. Maður má líka ekki vera hræddur við að gera eitthvað nýtt því þannig verður framþróunin." Atvinna Mest lesið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Aníta Briem og Hafþór eiga von á barni Lífið Ofurskvísur landsins fögnuðu „Heiðarlegri“ fatalínu Heiðar Tíska og hönnun Íslensk lopapeysa flutt milli heimsálfa vegna mestu eftirsjár ævinnar Lífið Tignarleg miðbæjaríbúð Helgu Ólafs til sölu Lífið Á 90 þúsund servíettur í Hafnarfirði Lífið Einstakur Fender Telecaster í Hljóðfærahúsinu Lífið Breytti hænsnahúsi í verkstæði sitt Lífið Frikki Dór er til í allt í þriðja skiptið Tónlist Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
"Þetta er mjög viðamikið starfsheiti og ég tek á mjög mörgu í mínu starfi. Ég sé um að auglýsa allt sem um er að vera í Kringlunni og ég vinn líka að því að finna eitthvað að gera og skipuleggja viðburði Kringlunnar. Dagatal Kringlunnar er unnið ár fram í tímann í lok hvers árs en það er alltaf eitthvað nýtt að bætast við. Það má því segja að ég sjái um markaðsmál og viðburðastjórnun," segir Hermann. Áður en Hermann kom til starfa hjá Kringlunni hafði hann unnið hjá Olís í tíu ár, allt frá afgreiðslu og upp í markaðsdeild. Hann settist síðan á skólabekk í Viðskiptaháskólanum á Bifröst. "Ég er með BS-gráðu í viðskiptafræði frá Bifröst og mér finnst tvímælalaust að það sé aðalskólinn fyrir þá sem stefna á að vinna við stjórnunarstörf. Síðan stendur alltaf til hjá mér að halda áfram í námi en mér finnst nauðsynlegt fyrir fólk sem vinnur við stjórnun að mennta sig alla tíð. Maður hefur líka gott af því að taka sjálfan sig alltaf skrefinu framar." Þar sem Hermann skipuleggur alls kyns viðburði í starfi sínu þarf hann vissulega að hugsa utan rammans og vera frumlegur en ekki alltaf hugsa um viðskiptahliðina. "Ég verð að vera frjór og fá mikið af hugmyndum en ég er líka með mjög mikið af góðu fólki í kringum mig. Ég vinn með alls kyns fólki úr samfélaginu og er með mjög góð tengsl við fyrirtæki í landinu, eins og til dæmis gosdrykkjaframleiðendur, þannig að það gerir starfið mitt auðveldara," segir Hermann, sem kann vel við sig í stjórnunarstöðu. "Ég nýt starfsins vissulega. Ég hef sjaldan verið í eins fjölbreyttu starfi þar sem ég er í sambandi við hæfileikaríkt fólk á hverjum einasta degi. Ég leiði hugann oft að því hve mikil forréttindi það eru að vera í svona skemmtilegu starfi. En því fylgir auðvitað mikil ábyrgð og ég stend og fell með öllum mínum ákvörðunum. Stundum eru þær réttar og stundum eru þær rangar en ég nýti mér mistökin og læri af þeim. Maður má líka ekki vera hræddur við að gera eitthvað nýtt því þannig verður framþróunin."
Atvinna Mest lesið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Aníta Briem og Hafþór eiga von á barni Lífið Ofurskvísur landsins fögnuðu „Heiðarlegri“ fatalínu Heiðar Tíska og hönnun Íslensk lopapeysa flutt milli heimsálfa vegna mestu eftirsjár ævinnar Lífið Tignarleg miðbæjaríbúð Helgu Ólafs til sölu Lífið Á 90 þúsund servíettur í Hafnarfirði Lífið Einstakur Fender Telecaster í Hljóðfærahúsinu Lífið Breytti hænsnahúsi í verkstæði sitt Lífið Frikki Dór er til í allt í þriðja skiptið Tónlist Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira