Skilar ánægðara starfsfólki 2. mars 2005 00:01 Starfsmenn úr hinum ýmsu deildum nokkurra verslunarkeðja hafa sest á skólabekk til að auka hæfni sína, þjónustulund og vöruþekkingu. Námið tekur eitt og hálft ár og er sniðið að þörfum verslunarinnar enda fer það fram í Verzlunarskóla Íslands. Einn af nemendunum er að halda stutta tölu þegar Fréttablaðið ryðst inn í kennslustund með góðfúslegu leyfi verkefnisstjórans Hildar Friðriksdóttur. Ræðumaðurinn lætur ekki slá sig út af laginu og heldur áfram að fjalla um þjónustu við ferðamenn og hinir nemendurnir hlýða á. Hann er starfsmaður á bensínstöð enda er Olíufélagið meðal þeirra fyrirtækja sem standa að náminu með Fræðslumiðstöð atvinnulífsins og Verzlunarskólanum. Hin fyrirtækin eru Samkaup, Hagkaup og Kaupás. Áður en frímínúturnar hefjast tyllum við Hildur okkur í rauða stóla framan við kennslustofuna og hún lýsir fyrirætlunum með náminu. "Verslunarfagnámið er nýtt af nálinni og er sérhannað fyrir almennt starfsfólk í verslunum. Það eru nú hvorki meira né minna en 12 þúsund manns sem vinna í smásölu hér á landi en nú í fyrsta hópnum eru tuttugu. Upphafslotan miðar að því að styrkja sjálfstraust hvers og eins nemanda, til dæmis með því að fá hann til að standa upp og miðla til hinna og oft skapast miklar umræður í tímum. Kennararnir eru bæði úr þessum skóla og úr atvinnulífinu og nemendur læra hver af öðrum líka. Því þótt þetta fólk eigi margt sameiginlegt í starfinu þá kemur það úr ólíkum áttum og hefur margháttaða reynslu. Þetta er fyrsti hópurinn af mörgum en námið á líka að hafa margfeldisáhrif því nemendurnir eiga að miðla þekkingu sinni til samstarfsfólksins hver á sínum vinnustað." Nú fjölgar í setustofunni og við fáum tvo af nemendunum til að setjast hjá okkur, þau Guðbjörgu Kristínu Pálsdóttur, starfsmann í Hagkaup í Smáralind og Davíð Fjölni Ármannsson, starfsmann í Byko við Hringbraut. Þau eru bæði ánægð með að hafa fengið þetta tækifæri til að mennta sig. "Námið breytir að vissu leyti viðhorfum manns til starfsins og víkkar sjóndeildarhringinn," segir Guðbjörg og Davíð tekur undir það. "Þetta er mjög hagnýtt nám sem á örugglega eftir að skila sér í ánægðara og áhugasamara afgreiðslufólki." Tilveran Mest lesið Upplifði svæsið einelti en er í dag yngsti læknir landsins Lífið Stjörnulífið: Hálsklútabyltingin, Gríman og brúðkaup í Boston Lífið Steinunn vill fá Ásdísi með sér í „Kynbombuflokkinn“ Lífið „Mikilvægt að huga að því að þroskast í faginu“ Lífið „Svo góð tilfinning að endurheimta sjálfa sig“ Tónlist Bannaði Snorra að kjósa Arnar Þór Lífið „Ef við erum lausnamiðuð þá sköpum við tækifærin“ Lífið Fékk að heyra að konur ættu ekki heima á sjó Lífið Pula í Króatíu er paradís heim að sækja Lífið samstarf Myndaveisla: Sjómannadagurinn í Reykjavík og Gummi Emil í koddaslag Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Starfsmenn úr hinum ýmsu deildum nokkurra verslunarkeðja hafa sest á skólabekk til að auka hæfni sína, þjónustulund og vöruþekkingu. Námið tekur eitt og hálft ár og er sniðið að þörfum verslunarinnar enda fer það fram í Verzlunarskóla Íslands. Einn af nemendunum er að halda stutta tölu þegar Fréttablaðið ryðst inn í kennslustund með góðfúslegu leyfi verkefnisstjórans Hildar Friðriksdóttur. Ræðumaðurinn lætur ekki slá sig út af laginu og heldur áfram að fjalla um þjónustu við ferðamenn og hinir nemendurnir hlýða á. Hann er starfsmaður á bensínstöð enda er Olíufélagið meðal þeirra fyrirtækja sem standa að náminu með Fræðslumiðstöð atvinnulífsins og Verzlunarskólanum. Hin fyrirtækin eru Samkaup, Hagkaup og Kaupás. Áður en frímínúturnar hefjast tyllum við Hildur okkur í rauða stóla framan við kennslustofuna og hún lýsir fyrirætlunum með náminu. "Verslunarfagnámið er nýtt af nálinni og er sérhannað fyrir almennt starfsfólk í verslunum. Það eru nú hvorki meira né minna en 12 þúsund manns sem vinna í smásölu hér á landi en nú í fyrsta hópnum eru tuttugu. Upphafslotan miðar að því að styrkja sjálfstraust hvers og eins nemanda, til dæmis með því að fá hann til að standa upp og miðla til hinna og oft skapast miklar umræður í tímum. Kennararnir eru bæði úr þessum skóla og úr atvinnulífinu og nemendur læra hver af öðrum líka. Því þótt þetta fólk eigi margt sameiginlegt í starfinu þá kemur það úr ólíkum áttum og hefur margháttaða reynslu. Þetta er fyrsti hópurinn af mörgum en námið á líka að hafa margfeldisáhrif því nemendurnir eiga að miðla þekkingu sinni til samstarfsfólksins hver á sínum vinnustað." Nú fjölgar í setustofunni og við fáum tvo af nemendunum til að setjast hjá okkur, þau Guðbjörgu Kristínu Pálsdóttur, starfsmann í Hagkaup í Smáralind og Davíð Fjölni Ármannsson, starfsmann í Byko við Hringbraut. Þau eru bæði ánægð með að hafa fengið þetta tækifæri til að mennta sig. "Námið breytir að vissu leyti viðhorfum manns til starfsins og víkkar sjóndeildarhringinn," segir Guðbjörg og Davíð tekur undir það. "Þetta er mjög hagnýtt nám sem á örugglega eftir að skila sér í ánægðara og áhugasamara afgreiðslufólki."
Tilveran Mest lesið Upplifði svæsið einelti en er í dag yngsti læknir landsins Lífið Stjörnulífið: Hálsklútabyltingin, Gríman og brúðkaup í Boston Lífið Steinunn vill fá Ásdísi með sér í „Kynbombuflokkinn“ Lífið „Mikilvægt að huga að því að þroskast í faginu“ Lífið „Svo góð tilfinning að endurheimta sjálfa sig“ Tónlist Bannaði Snorra að kjósa Arnar Þór Lífið „Ef við erum lausnamiðuð þá sköpum við tækifærin“ Lífið Fékk að heyra að konur ættu ekki heima á sjó Lífið Pula í Króatíu er paradís heim að sækja Lífið samstarf Myndaveisla: Sjómannadagurinn í Reykjavík og Gummi Emil í koddaslag Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira