Nýr forstjóri Kaupþings banka

Ingólfur Helgason hefur verið ráðinn forstjóri starfsemi Kaupþings banka á Íslandi. Hreiðar Már Sigurðsson forstjóri Kaupþings Banka ætlar að einbeita sér alfarið að rekstri Kaupþings Banka samstæðunnar og heyrir starf Ingólfs beint undir hann, en Ingólfur sinnir eingöngu starfsemi bankans á Íslandi. Hann segir ekki miklar breytingar á döfinni. Ingólfur, sem er þrjátíu og sjö ára gamall, hefur starfað í Kaupþing Banka í tólf ár og þar af sem framkvæmdastjóri tekjusviðs frá árinu 1997. Hann segist munu halda áfram á sömu braut og bankinn hefur fylgt undanfarin ár, að efla þjónustu við viðskiptavini bankans og nýta þann styrk sem bankinn hefur í dag. Hann segist taka við mjög góðu búi og hlakka til að takast á við verkefnin framundan. Samhliða breytingum á yfirstjórn Kaupþings Banka á Íslandi hafa verið ráðnir fjórir nýir framkvæmdastjórar innan bankans á Íslandi.