Kannar hvort efni sé til opinberrar rannsóknar á gjörðum ritstjóra Morgunblaðsins 27. september 2005 00:01 Baugur mun kanna hvort efni sé til opinberrar rannsóknar á gjörðum Styrmis Gunnarssonar, Jónínu Benediktsdóttur, Jóns Geralds Sullenberger, Jóns Steinars Gunnlaugssonar og Kjartans Gunnarssonar.Einnig hvort aðrir tengist þessum hópi, leynt eða ljóst, eftir því sem fram kemur í yfirlýsingu sem Baugur Gruop sendi frá sér í kvöld. Í yfirlýsingunni segir ennfremur að félagið muni meta réttarstöðu sína í sambandi við meiðyrði í þess garð og forsvarsmanna þess, og þá einnig í tengslum við skaðabótamál sem félagið hefur hafið undirbúning að. Í yfirlýsingunni segir að með fréttaflutningi sínum í dag varpi Morgunblaðið grímunni. Blaðið sé ekki sá hlutlausi fjölmiðill sem það hafi þóst vera, heldur hafi það verið notað sem vopn í baráttu ritstjórans og annarra áhrifamanna tengdum Sjálfstæðisflokknum gegn Baugi Group og forsvarsmönnum þess. Nú síðast í dag sem varnargagn í þeirri þröngu stöðu sem ritstjórinn sé kominn í eftir að upp um hann komst. Skoða beri allan fréttaflutning Morgunblaðsins um málefni Baugs Group og tengdra aðila undanfarin þrjú til fjögur ár í þessu ljósi. Yfirlýsing Baugs Group hf. í heild "Morgunblaðið fellir grímuna" Á forsíðu Morgunblaðsins í dag, 27. september, er því slegið upp að forsvarsmenn Baugs Group hafi ráðið einkaspæjara til að rannsaka fjárhag og persónulega hagi Jóns Geralds Sullenberger og haft í hótunum um að ganga ætti frá honum viðskiptalega og fjárhagslega í tengslum við málaferli. Á baksíðunni er greint frá því að þessir sömu aðilar hafi greitt Jóni Gerald 120 milljónir króna með samkomulagi um niðurfellingu málaferla. Með þessum málflutningi gerir Morgunblaðið tilraun til að draga athygli frá aðalatriðum málsins sem eru uppljóstranir um launráð og samsæri gegn Baugi Group og fyrirsvarsmönnum þess með þátttöku ritstjóra Morgunblaðsins. Með fréttaflutningi sínum í dag varpar Morgunblaðið grímunni. Blaðið er ekki sá hlutlausi fjölmiðill sem það hefur þóst vera, heldur hefur það verið notað sem vopn í baráttu ritstjórans og annarra áhrifamanna tengdum Sjálfstæðisflokknum gegn Baugi Group og forsvarsmönnum þess. Nú síðast í dag sem varnargagn í þeirri þröngu stöðu sem ritstjórinn er kominn í eftir að upp um hann komst. Skoða ber allan fréttaflutning Morgunblaðsins um málefni Baugs Group og tengdra aðila undanfarin þrjú til fjögur ár í þessu ljósi. Aðalatriði málsins er sú aðför sem sterkar vísbendingar eru um að skipulögð hafi verið á ritstjórnarskrifstofu Morgunblaðsins til þess að brjóta Baug Group og fyrirsvarsmenn þess á bak aftur í íslensku atvinnulífi, án þess að skeyta nokkuð um afleiðingar þess fyrir félagið, hluthafa þess og þúsundir starfsmanna. Félagið mun kanna hvort efni sé til opinberrar rannsóknar á gjörðum Styrmis Gunnarssonar, Jónínu Benediktsdóttur, Jóns Geralds Sullenberger, Jóns Steinars Gunnlaugssonar og Kjartans Gunnarssonar. Einnig hvort aðrir tengist þessum hópi, leynt eða ljóst. Þá mun félagið meta réttarstöðu sína í sambandi við meiðyrði í þess garð og forsvarsmanna þess, og þá einnig í tengslum við skaðabótamál sem félagið hefur hafið undirbúning að. Vegna framsetningar Morgunblaðsins í morgun er Baugi Group nauðugur einn sá kostur að taka fram eftirfarandi: Í tilefni fullyrðingar þess efnis að Baugur Group hafi ráðið einkaspæjara í Bandaríkjunum er bent á að fyrirtæki Jóns Geralds Sullenberger, Nordica Inc., hóf málaferli á Íslandi í nóvember 2002 vegna slita Baugs Group á viðskiptum við fyrirtækið. Um líkt leyti hóf Baugur Group mál gegn Nordica í Bandaríkjunum vegna viðskiptaskulda. Þarlend lögmannsstofa annaðist þann málarekstur fyrir hönd Baugs Group eftir þeim reglum og venjum sem gilda í Bandaríkjunum, sem eru í ýmsu frábrugðnar íslenskum réttarfarsreglum. Þar í landi er fullkomlega heimilt og alls ekki óvenjulegt að ráða sjálfstæða rannsóknaraðila, sem hafa starfsleyfi sem slíkir, til gagnaöflunar í dómsmálum. Tilraun Morgunblaðsins til að sverta þennan málarekstur af hálfu Baugs Group er því í rauninni ekkert annað en gagnrýni á réttarfar í Bandaríkjunum. Sú mynd sem Styrmir Gunnarsson dregur upp í grein sinni í Morgunblaðinu í dag hefur þann eina tilgang að gera félagið og forráðamenn þess tortryggileg í augum almennings. Þetta er áróðursbragð. Hvers vegna skyldi Baugur Group ekki verja hendur sínar í dómsmálum? Hvort skiptir þar meira máli mismunandi stærð fyrirtækjanna eða rétt niðurstaða í deilumálum? Hitt er annað mál að á öllum tímum fer fram hagsmunamat varðandi slíkan málarekstur, hvort minni hagsmunir eigi að víkja fyrir meiri. Í Bandaríkjunum er vel þekkt að aðilar sem eiga í útistöðum við stærri fyrirtæki leiti leiða til að valda svo miklum óþægindum og leiðindum, auk kostnaðar, að á einhverjum tímapunkti finni gagnaðili sig knúinn til að semja sig frá málinu. Var undanfarandi kæra Jóns Geralds til RLS liður í slíkri aðferðafræði? Samkomulag um lok og niðurfellingu allra málaferla um mitt ár 2003 var gert í góðri trú af hálfu Baugs Group hf. þannig að fyrirtækið fengi starfsfrið um leið og komið var til móts við kröfur gagnaðilans. Það er því rangt sem Morgunblaðið heldur fram Baugur Group hafi borgað sig frá málaferlum sem félagið sjálft hafi stofnað til. Jón Gerald Sullenberger hefur enga réttmæta ástæðu til að dreifa þeim óhróðri um Baug Group og forráðamenn þess sem hann gerir á síðum Morgunblaðsins í dag. Því miður er komið á daginn að það voru mistök að gera slíkan samning við Jón Gerald enda hann augljóslega búin að brjóta þá trúnaðarskyldu sem var hluti hans með því að upplýsa Morgunblaðið um efni samningsins. Að gefnu tilefni skal þó tekið fram að sáttin takmarkaði á engan hátt upplýsingaskyldu aðila þess gagnvart yfirvöldum eða dómstólum og RLS var afhent sáttin af hálfu Baugs Group þegar og hún hafði verið gerð. Forsíðufrétt Morgunblaðsins er að forsvarsmenn Baugs eiga að hafa gefið lögfræðingum skipanir um að ganga frá Jóni Gerald Sullenberger viðskiptalega og fjárhagslega. Ekki hefur tekist betur til en svo að í baksíðufrétt blaðsins er fullyrt að félagið hafi greitt honum 120 milljónir króna fyrir lyktir allra málaferla. Það er með öllu óskiljanlegt hvers vegna útkjáð deilumál eru dregin fram í dagsljósið meir en 2 árum síðar til að sverta annan deiluaðilann en draga taum hins. Eina mögulega skýringin er sú, sem að framan greinir, það er verið að drepa aðalatriðum málsins á dreif og slá ryki í augu almennings. 27. september 2005.F.h. Baugs Group hf.Hreinn Loftsson stjórnarformaður. Baugsmálið Fréttir Innlent Mest lesið Hafnaði hermönnum Trump: „Fullveldið er ekki til sölu“ Erlent Fjórtán börn handtekin eftir að drengur lést í eldsvoða Erlent Segist hafa skipað hæfasta fólkið þvert á athugasemdir verkfræðinga Innlent Bíða með að selja íbúðir frekar en að lækka verðið Innlent „Maður skyldi ætla að það þurfi tiltekið siðferði til að starfa í lögreglunni“ Innlent Afstýrðu sprengjutilræði á tveggja milljóna manna tónleikum Lady Gaga Erlent Ekki nein þörf á notkun kjarnorkuvopna og vonar að svo verði ekki Erlent Föður rafmyntajöfurs rænt og skorinn af honum fingur Erlent Vakinn af „ölvunarsvefni“ inni á baði og brást ókvæða við Innlent Til marks um „skringilega“ skautun víða um heim Erlent Fleiri fréttir Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Mörg hundruð óseldar fasteignir og sótt í sund Rykið dustað af sólbekkjunum Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Sjá meira
Baugur mun kanna hvort efni sé til opinberrar rannsóknar á gjörðum Styrmis Gunnarssonar, Jónínu Benediktsdóttur, Jóns Geralds Sullenberger, Jóns Steinars Gunnlaugssonar og Kjartans Gunnarssonar.Einnig hvort aðrir tengist þessum hópi, leynt eða ljóst, eftir því sem fram kemur í yfirlýsingu sem Baugur Gruop sendi frá sér í kvöld. Í yfirlýsingunni segir ennfremur að félagið muni meta réttarstöðu sína í sambandi við meiðyrði í þess garð og forsvarsmanna þess, og þá einnig í tengslum við skaðabótamál sem félagið hefur hafið undirbúning að. Í yfirlýsingunni segir að með fréttaflutningi sínum í dag varpi Morgunblaðið grímunni. Blaðið sé ekki sá hlutlausi fjölmiðill sem það hafi þóst vera, heldur hafi það verið notað sem vopn í baráttu ritstjórans og annarra áhrifamanna tengdum Sjálfstæðisflokknum gegn Baugi Group og forsvarsmönnum þess. Nú síðast í dag sem varnargagn í þeirri þröngu stöðu sem ritstjórinn sé kominn í eftir að upp um hann komst. Skoða beri allan fréttaflutning Morgunblaðsins um málefni Baugs Group og tengdra aðila undanfarin þrjú til fjögur ár í þessu ljósi. Yfirlýsing Baugs Group hf. í heild "Morgunblaðið fellir grímuna" Á forsíðu Morgunblaðsins í dag, 27. september, er því slegið upp að forsvarsmenn Baugs Group hafi ráðið einkaspæjara til að rannsaka fjárhag og persónulega hagi Jóns Geralds Sullenberger og haft í hótunum um að ganga ætti frá honum viðskiptalega og fjárhagslega í tengslum við málaferli. Á baksíðunni er greint frá því að þessir sömu aðilar hafi greitt Jóni Gerald 120 milljónir króna með samkomulagi um niðurfellingu málaferla. Með þessum málflutningi gerir Morgunblaðið tilraun til að draga athygli frá aðalatriðum málsins sem eru uppljóstranir um launráð og samsæri gegn Baugi Group og fyrirsvarsmönnum þess með þátttöku ritstjóra Morgunblaðsins. Með fréttaflutningi sínum í dag varpar Morgunblaðið grímunni. Blaðið er ekki sá hlutlausi fjölmiðill sem það hefur þóst vera, heldur hefur það verið notað sem vopn í baráttu ritstjórans og annarra áhrifamanna tengdum Sjálfstæðisflokknum gegn Baugi Group og forsvarsmönnum þess. Nú síðast í dag sem varnargagn í þeirri þröngu stöðu sem ritstjórinn er kominn í eftir að upp um hann komst. Skoða ber allan fréttaflutning Morgunblaðsins um málefni Baugs Group og tengdra aðila undanfarin þrjú til fjögur ár í þessu ljósi. Aðalatriði málsins er sú aðför sem sterkar vísbendingar eru um að skipulögð hafi verið á ritstjórnarskrifstofu Morgunblaðsins til þess að brjóta Baug Group og fyrirsvarsmenn þess á bak aftur í íslensku atvinnulífi, án þess að skeyta nokkuð um afleiðingar þess fyrir félagið, hluthafa þess og þúsundir starfsmanna. Félagið mun kanna hvort efni sé til opinberrar rannsóknar á gjörðum Styrmis Gunnarssonar, Jónínu Benediktsdóttur, Jóns Geralds Sullenberger, Jóns Steinars Gunnlaugssonar og Kjartans Gunnarssonar. Einnig hvort aðrir tengist þessum hópi, leynt eða ljóst. Þá mun félagið meta réttarstöðu sína í sambandi við meiðyrði í þess garð og forsvarsmanna þess, og þá einnig í tengslum við skaðabótamál sem félagið hefur hafið undirbúning að. Vegna framsetningar Morgunblaðsins í morgun er Baugi Group nauðugur einn sá kostur að taka fram eftirfarandi: Í tilefni fullyrðingar þess efnis að Baugur Group hafi ráðið einkaspæjara í Bandaríkjunum er bent á að fyrirtæki Jóns Geralds Sullenberger, Nordica Inc., hóf málaferli á Íslandi í nóvember 2002 vegna slita Baugs Group á viðskiptum við fyrirtækið. Um líkt leyti hóf Baugur Group mál gegn Nordica í Bandaríkjunum vegna viðskiptaskulda. Þarlend lögmannsstofa annaðist þann málarekstur fyrir hönd Baugs Group eftir þeim reglum og venjum sem gilda í Bandaríkjunum, sem eru í ýmsu frábrugðnar íslenskum réttarfarsreglum. Þar í landi er fullkomlega heimilt og alls ekki óvenjulegt að ráða sjálfstæða rannsóknaraðila, sem hafa starfsleyfi sem slíkir, til gagnaöflunar í dómsmálum. Tilraun Morgunblaðsins til að sverta þennan málarekstur af hálfu Baugs Group er því í rauninni ekkert annað en gagnrýni á réttarfar í Bandaríkjunum. Sú mynd sem Styrmir Gunnarsson dregur upp í grein sinni í Morgunblaðinu í dag hefur þann eina tilgang að gera félagið og forráðamenn þess tortryggileg í augum almennings. Þetta er áróðursbragð. Hvers vegna skyldi Baugur Group ekki verja hendur sínar í dómsmálum? Hvort skiptir þar meira máli mismunandi stærð fyrirtækjanna eða rétt niðurstaða í deilumálum? Hitt er annað mál að á öllum tímum fer fram hagsmunamat varðandi slíkan málarekstur, hvort minni hagsmunir eigi að víkja fyrir meiri. Í Bandaríkjunum er vel þekkt að aðilar sem eiga í útistöðum við stærri fyrirtæki leiti leiða til að valda svo miklum óþægindum og leiðindum, auk kostnaðar, að á einhverjum tímapunkti finni gagnaðili sig knúinn til að semja sig frá málinu. Var undanfarandi kæra Jóns Geralds til RLS liður í slíkri aðferðafræði? Samkomulag um lok og niðurfellingu allra málaferla um mitt ár 2003 var gert í góðri trú af hálfu Baugs Group hf. þannig að fyrirtækið fengi starfsfrið um leið og komið var til móts við kröfur gagnaðilans. Það er því rangt sem Morgunblaðið heldur fram Baugur Group hafi borgað sig frá málaferlum sem félagið sjálft hafi stofnað til. Jón Gerald Sullenberger hefur enga réttmæta ástæðu til að dreifa þeim óhróðri um Baug Group og forráðamenn þess sem hann gerir á síðum Morgunblaðsins í dag. Því miður er komið á daginn að það voru mistök að gera slíkan samning við Jón Gerald enda hann augljóslega búin að brjóta þá trúnaðarskyldu sem var hluti hans með því að upplýsa Morgunblaðið um efni samningsins. Að gefnu tilefni skal þó tekið fram að sáttin takmarkaði á engan hátt upplýsingaskyldu aðila þess gagnvart yfirvöldum eða dómstólum og RLS var afhent sáttin af hálfu Baugs Group þegar og hún hafði verið gerð. Forsíðufrétt Morgunblaðsins er að forsvarsmenn Baugs eiga að hafa gefið lögfræðingum skipanir um að ganga frá Jóni Gerald Sullenberger viðskiptalega og fjárhagslega. Ekki hefur tekist betur til en svo að í baksíðufrétt blaðsins er fullyrt að félagið hafi greitt honum 120 milljónir króna fyrir lyktir allra málaferla. Það er með öllu óskiljanlegt hvers vegna útkjáð deilumál eru dregin fram í dagsljósið meir en 2 árum síðar til að sverta annan deiluaðilann en draga taum hins. Eina mögulega skýringin er sú, sem að framan greinir, það er verið að drepa aðalatriðum málsins á dreif og slá ryki í augu almennings. 27. september 2005.F.h. Baugs Group hf.Hreinn Loftsson stjórnarformaður.
Baugsmálið Fréttir Innlent Mest lesið Hafnaði hermönnum Trump: „Fullveldið er ekki til sölu“ Erlent Fjórtán börn handtekin eftir að drengur lést í eldsvoða Erlent Segist hafa skipað hæfasta fólkið þvert á athugasemdir verkfræðinga Innlent Bíða með að selja íbúðir frekar en að lækka verðið Innlent „Maður skyldi ætla að það þurfi tiltekið siðferði til að starfa í lögreglunni“ Innlent Afstýrðu sprengjutilræði á tveggja milljóna manna tónleikum Lady Gaga Erlent Ekki nein þörf á notkun kjarnorkuvopna og vonar að svo verði ekki Erlent Föður rafmyntajöfurs rænt og skorinn af honum fingur Erlent Vakinn af „ölvunarsvefni“ inni á baði og brást ókvæða við Innlent Til marks um „skringilega“ skautun víða um heim Erlent Fleiri fréttir Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Mörg hundruð óseldar fasteignir og sótt í sund Rykið dustað af sólbekkjunum Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Sjá meira