Ísfélagið kaupir Júpíter ÞH

Ísfélagið hefur keypt loðnuskipið Júpíter ÞH og ætlar að nota hann til loðnuflutninga af miðunum í loðnubræðslu félagsins í Krossanesi við Eyjafjörð. Aflanum verður þá dælt úr veiðarfærum veiðiskipa yfir í Júpíter sem flytur hann í land svo veiðiskipin tefjist ekki við að sigla í land sjálf með afla sinn. Júpíter er orðin 49 ára gamall og verður hann seldur til Danmerkur til niðurrifs strax að lokinni vertíðinni og nýtt skip keypt í staðinn. Mjög góð veiði er á miðunum og stefnir allt í einhverja bestu loðnuvertíð um árabil.