Öruggast á Austurlandi

Öruggast virðist að búa á Austurlandi, eftir því sem fram kemur í ritinu Afbrotatölfræði 2003, sem tekið er saman af Ríkislögreglustjóra, en fæst brot áttu sér stað á Austurlandi árið 2003. Flest tilkynnt hegningarlagabrot áttu sér stað á höfuðborgarsvæðinu; um 76 prósent tilkynntra hegningarlagabrota og rétt rúmur helmingur umferðarlagabrota. Næstflest brot áttu sér stað á Suðurlandi. Fjöldi brota er miðaður við hverja 10.000 íbúa. Brotum miðað við íbúafjölda fjölgaði mest á Seyðisfirði og Ísafirði, en fækkaði mest í Búðardal og Vestmannaeyjum.