Jólin

Styttra frí á næsta ári

Mörgum fannst hann heldur þunnur þrettándinn þetta árið því jólafríið var með allra stysta móti og sama máli gegnir um áramótin. Á næsta ári verður fríið þó enn styttra. Þessi jólin var aðeins frí á aðfangadag, sem raunar er ekki lögbundinn frídagur nema frá klukkan 13. Sú hefð hefur þó skapast víða að gefa fólki frí allan daginn. Sama er uppi á teningnum á gamlársdag, hann er ekki lögbundinn frídagur nema til hálfs. Frídagarnir um hátíðirnar að þessu sinni eru því aðeins tveir, aðfangadagur og gamlársdagur. Víða erlendis er það bundið í lög að falli frídagur á helgi skal vera frí mánudaginn á eftir. Háttar þannig víða til um þessar mundir að frí er í dag og í gær þar sem jóladagur og annar í jólum lögðust á helgina. Á næsta ári verða aðfangadagur og gamlársdagur á laugardegi og annar í jólum því eini lögbundni frídagurinn sem fellur á virkan dag. Lögbundnir frídagar sem flakka fram og aftur dagatalið og falla til skiptis á alla daga vikunnar eru allls sjö. Á árinu 2005 falla aðeins tveir þeirra á virka daga og gefa frí. Aðrir lögbundnir frídagar sem ávallt falla á virka daga eru sjö. Frídagar sem falla á virka daga: 2000 920011320021420031420041120059200610  


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×