Jólin

Sameinast um hlífðargleraugu

21 þúsund börnum og unglingum á aldrinum 10 til 15 ára verða send heim "flugeldagleraugu" í boði Blindrafélagsins og Slysavarnafélagsins Landsbjargar núna fyrir áramót. Fyrstu gleraugun voru afhent með viðhöfn í Skógarhlíð í Reykjavík á annan í jólum og skotið upp nokkrum flugeldum. Í tilkynningu Landsbjargar kemur fram að einnig hafi verið á staðnum systkini sem upplifðu að flugeldagleraugu björguðu augum annars þeirra um áramót og deildu þau reynslu sinni með gestum. Áramótin 2000/2001 hófu Blindrafélagið og Slysavarnafélagið Landsbjörg samstarf til að fækka augnslysum sem áður voru algeng um áramót. Frá þeim tíma hafa verið gefin hlífðargleraugu til barna og unglinga sem samkvæmt tölum slysadeilda hafa verið í mestri hættu að verða fyrir augnslysum. Slysavarnafélagið Landsbjörg vonast til þess að með því að vekja athygli á varnargleraugunum með þessum hætti í upphafi flugeldavertíðarinnar sé vonast til að ná til allra, bæði ungra sem aldinna, áður en meðhöndlun flugelda hefst um sjálf áramótin.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×