Meiri bókaafsláttur en í fyrra

13. desember 2004 00:01

Afsláttur á bókum virðist meiri í ár en undanfarin ár, segir Hrannar B. Arnarsson, markaðsstjóri bókaútgáfunnar Eddu. "Ég skýri það með því að jólabækurnar eru einfaldlega meira freistandi en oft áður og þar af leiðandi stífari ásókn smásöluaðilanna að ná af þeirri köku. Þeir virðast nota verðið til þess," segir hann. "Ég get staðfest að þess eru dæmi að endursöluaðilar hafi gefið meiri afslátt en þeir hafa verið að fá hjá okkur." Hrannar segir þetta hvorki koma niður á rithöfundum né bókaútgáfum. "Þegar endursöluaðilarnir eru að gefa þetta af sinni álagningu og jafnvel gott betur þá eru það þeir sem bera kostnaðinn."

Innlent Jól

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.