Forkostulegur forsetavinur 7. október 2004 00:01 Einhver skemmtilegasti viðmælandi sem ég hef komist í kynni við er gestur í Silfri Egils á sunnudaginn. Þetta er Bandaríkjamaðurinn James C. Humes, afkastamikill höfundur fjölda bóka um pólítík, sagnfræði og ræðuhöld, forkostulegur náungi, sem hefur þó unnið sér það helst til frægðar að vera ræðuskrifari fyrir hvorki meira né minna en fimm Bandaríkjaforseta: Eisenhower, Nixon, Ford, Reagan og Bush eldri. Humes hefur þekkt persónulega marga af frægustu heimsleiðtogum síðustu aldar, hann er hafsjór af sögum og skrítlum úr stjórnmálunum - og leggur áherslu á orð sín með því að herma eftir þeim sem hann er að segja frá. Þannig er viðtal við hann nánast eins og að horfa á leiksýningu. Humes er eftirsóttur fyrirlesari og tekur stórar fjárhæðir fyrir að koma fram. Helsta afrek Humes á ritvellinum er þó að hafa sett saman textann á plattann sem geimfararnir Armstrong og Aldrin fóru með til tunglsins 1969. Það gerði hann að beiðni Nixons forseta. "We come in peace for all mankind," stóð þar. Þetta leika víst ekki margir höfundar eftir. Sem fyrr segir hefur Humes skrifað mikinn fjölda bóka. Þar má nefna rit um Abraham Lincoln, Benjamin Franklin, Eisenhower, Nixon og Churchill - ætli megi ekki fullyrða að hann hneigist fremur til gamaldags persónusögu. Stóra hetjan í huga hans er Churchill og raunar má segja að hann sé búinn að herma svo mikið eftir breska stjórnmálaskörungnum að hann sé farinn að líkjast honum ansi mikið. Sjálfsævisaga Humes heitir "Confessions of a White House Ghostwriter" og fær fjórar og hálfa stjörnu hjá amazon.com Humes hefur líka skrifað bækur á gamansömum nótum, þar á meðal er ein sem fjallar um hvernig maður eigi að fara að því að láta bjóða sér í Hvíta húsið. Allavega get ég mælt með þessu viðtali, það er fjörugt og fyndið. Silfur Egils er á dagskrá á Stöð 2 sunnudaga klukkan 12, í opinni dagskrá. Viltu birta grein á Vísi? Sendu okkur póst. Senda grein Pistlar Silfur Egils Mest lesið Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Heiðmörk: Gaddavír og girðingar Auður Kjartansdóttir Skoðun Réttlát leiðrétting veiðigjalda Elín Íris Fanndal Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Stéttarkerfi Halldóra Lillý Jóhannsdóttir Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson Skoðun Hamas og átökin við Ísrael – hvað er ekki sagt upphátt? Einar G Harðarson Skoðun Halldór 24.05.2025 Halldór Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Einhver skemmtilegasti viðmælandi sem ég hef komist í kynni við er gestur í Silfri Egils á sunnudaginn. Þetta er Bandaríkjamaðurinn James C. Humes, afkastamikill höfundur fjölda bóka um pólítík, sagnfræði og ræðuhöld, forkostulegur náungi, sem hefur þó unnið sér það helst til frægðar að vera ræðuskrifari fyrir hvorki meira né minna en fimm Bandaríkjaforseta: Eisenhower, Nixon, Ford, Reagan og Bush eldri. Humes hefur þekkt persónulega marga af frægustu heimsleiðtogum síðustu aldar, hann er hafsjór af sögum og skrítlum úr stjórnmálunum - og leggur áherslu á orð sín með því að herma eftir þeim sem hann er að segja frá. Þannig er viðtal við hann nánast eins og að horfa á leiksýningu. Humes er eftirsóttur fyrirlesari og tekur stórar fjárhæðir fyrir að koma fram. Helsta afrek Humes á ritvellinum er þó að hafa sett saman textann á plattann sem geimfararnir Armstrong og Aldrin fóru með til tunglsins 1969. Það gerði hann að beiðni Nixons forseta. "We come in peace for all mankind," stóð þar. Þetta leika víst ekki margir höfundar eftir. Sem fyrr segir hefur Humes skrifað mikinn fjölda bóka. Þar má nefna rit um Abraham Lincoln, Benjamin Franklin, Eisenhower, Nixon og Churchill - ætli megi ekki fullyrða að hann hneigist fremur til gamaldags persónusögu. Stóra hetjan í huga hans er Churchill og raunar má segja að hann sé búinn að herma svo mikið eftir breska stjórnmálaskörungnum að hann sé farinn að líkjast honum ansi mikið. Sjálfsævisaga Humes heitir "Confessions of a White House Ghostwriter" og fær fjórar og hálfa stjörnu hjá amazon.com Humes hefur líka skrifað bækur á gamansömum nótum, þar á meðal er ein sem fjallar um hvernig maður eigi að fara að því að láta bjóða sér í Hvíta húsið. Allavega get ég mælt með þessu viðtali, það er fjörugt og fyndið. Silfur Egils er á dagskrá á Stöð 2 sunnudaga klukkan 12, í opinni dagskrá.
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun