Þátttaka almennings er mikilvæg 8. desember 2004 00:01 Fyrirhuguð endurskoðun stjórnarskrárinnar skapar jafnt ríkisstjórninni sem stjórnarandstöðunni á Alþingi pólitísk tækifæri sem þessir aðilar ættu ekki að láta sér úr greipum ganga. Verði vel að verki staðið geta stjórnarflokkarnir hlotið aukna tiltrú almennings. Þeim veitir ekki af því eftir þann álitshnekki sem þeir biðu í fjölmiðlafárinu og stjórnlagakreppunni í sumar sem leið. Og vegna þess hve opin og víðtæk endurskoðunin virðist eiga að vera hafa stjórnmálaflokkarnir allir einstakt tækifæri til að kynna grundvallarhugmyndir sínar um stjórnarfar og stjórnskipan. Löngu er orðið tímabært að flokkarnir ræði og takist á um slík efni. Samsetning stjórnarskrárnefndarinnar, fimm frá stjórnarflokkunum og fjórir frá stjórnarandstöðunni, kemur ekki á óvart. Hefð er fyrir því að stjórnarskrárnefndir séu skipaðar fulltrúum stjórnmálaflokkanna á Alþingi í ákveðnu hlutfalli við þingstyrk þeirra. Hitt kemur ánægjulega á óvart að Halldór Ásgrímsson forsætisráðherra skuli hafa skipað fastan starfshóp sérfræðinga til að starfa með stjórnarskrárnefndinni. Stjórnmálamenn sem að öllum líkindum munu veljast í stjórnarskrárnefndina fá þannig öflugan stuðning fagmanna um lögfræðileg og stjórnfræðileg efni. Eftir uppákomur á liðnu sumri er sérlega lofsvert að forsætisráðherra skuli hafa valið í nefndina sérfræðinga sem alþjóð veit að hafa ekki fylgt neinni opinberri línu frá stjórnvöldum heldur myndað sér skoðanir á grundvelli fræðilegra og málefnalegra röksemda. Þó að endurskoðunarvinnan sé formlega einskorðuð við stjórnarskrárnefndina og þá sérfræðinga sem með henni starfa og hún kallar til er ekkert sem segir að ekki sé hægt að víkka starfið út og gefa þjóðinni allri tækifæri til að koma að málinu. Slík vinnubrögð eru reyndar mjög æskileg og í samræmi við nútímahugmyndir um lýðræðisleg stjórnmál. Það væri ríkisstjórninni til framdráttar ef hún beitti sér fyrir því að starf stjórnarskrárnefndar færi fram fyrir opnum tjöldum og almenningi gæfist kostur á að leggja sitt til málanna. Slík vinnubrögð voru viðhöfð í Danmörku við síðustu endurskoðun stjórnarskrár þar í landi. Hugsa má sér að stjórnarskrárnefndin opni í þessu skyni vefsíðu þar sem tekið verði á móti tillögum og staðið fyrir umræðum um stjórnarskrármálið. Opinber málþing um einstaka þætti í vinnu stjórnarskrárnefndar eru einnig æskileg. Slík vinnubrögð gera vissulega miklar kröfur um röskleika og markvisst skipulag en tryggja um leið að niðurstaðan, hver sem hún verður, eigi víðtækan hljómgrunn í þjóðfélaginu. Á engan hátt væri verið að taka ábyrgð, frumkvæði og endanlegt vald frá stjórnarskrárnefndinni og Alþingi. Hér er tækifæri til að efla og bæta lýðræði á Íslandi. Það má ekki fara forgörðum. Viltu birta grein á Vísi? Sendu okkur póst. Senda grein Fastir pennar Guðmundur Magnússon Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun Halldór 01.06.2024 Halldór Svona getum komið í veg fyrir að Katrín vinni Björn B. Björnsson Skoðun Að skreyta sig með stolnum fjöðrum Sema Erla Serdaroglu Skoðun Taktísk skilyrðing umræðunnar Magnús Davíð Norðdahl, Skoðun Getur reiði valdið veikindum? Sigurbjörg Jónsdóttir Skoðun Ráðherrar hafa áhyggjur af valdbeitingu Tómas Ingvason Skoðun Halla, ekki Kata Sævar Þór Jónsson Skoðun Má Katrín Jakobsdóttir bjóða sig fram? Jón Ólafsson Skoðun Hatur og fyrirlitning Einar Scheving Skoðun
Fyrirhuguð endurskoðun stjórnarskrárinnar skapar jafnt ríkisstjórninni sem stjórnarandstöðunni á Alþingi pólitísk tækifæri sem þessir aðilar ættu ekki að láta sér úr greipum ganga. Verði vel að verki staðið geta stjórnarflokkarnir hlotið aukna tiltrú almennings. Þeim veitir ekki af því eftir þann álitshnekki sem þeir biðu í fjölmiðlafárinu og stjórnlagakreppunni í sumar sem leið. Og vegna þess hve opin og víðtæk endurskoðunin virðist eiga að vera hafa stjórnmálaflokkarnir allir einstakt tækifæri til að kynna grundvallarhugmyndir sínar um stjórnarfar og stjórnskipan. Löngu er orðið tímabært að flokkarnir ræði og takist á um slík efni. Samsetning stjórnarskrárnefndarinnar, fimm frá stjórnarflokkunum og fjórir frá stjórnarandstöðunni, kemur ekki á óvart. Hefð er fyrir því að stjórnarskrárnefndir séu skipaðar fulltrúum stjórnmálaflokkanna á Alþingi í ákveðnu hlutfalli við þingstyrk þeirra. Hitt kemur ánægjulega á óvart að Halldór Ásgrímsson forsætisráðherra skuli hafa skipað fastan starfshóp sérfræðinga til að starfa með stjórnarskrárnefndinni. Stjórnmálamenn sem að öllum líkindum munu veljast í stjórnarskrárnefndina fá þannig öflugan stuðning fagmanna um lögfræðileg og stjórnfræðileg efni. Eftir uppákomur á liðnu sumri er sérlega lofsvert að forsætisráðherra skuli hafa valið í nefndina sérfræðinga sem alþjóð veit að hafa ekki fylgt neinni opinberri línu frá stjórnvöldum heldur myndað sér skoðanir á grundvelli fræðilegra og málefnalegra röksemda. Þó að endurskoðunarvinnan sé formlega einskorðuð við stjórnarskrárnefndina og þá sérfræðinga sem með henni starfa og hún kallar til er ekkert sem segir að ekki sé hægt að víkka starfið út og gefa þjóðinni allri tækifæri til að koma að málinu. Slík vinnubrögð eru reyndar mjög æskileg og í samræmi við nútímahugmyndir um lýðræðisleg stjórnmál. Það væri ríkisstjórninni til framdráttar ef hún beitti sér fyrir því að starf stjórnarskrárnefndar færi fram fyrir opnum tjöldum og almenningi gæfist kostur á að leggja sitt til málanna. Slík vinnubrögð voru viðhöfð í Danmörku við síðustu endurskoðun stjórnarskrár þar í landi. Hugsa má sér að stjórnarskrárnefndin opni í þessu skyni vefsíðu þar sem tekið verði á móti tillögum og staðið fyrir umræðum um stjórnarskrármálið. Opinber málþing um einstaka þætti í vinnu stjórnarskrárnefndar eru einnig æskileg. Slík vinnubrögð gera vissulega miklar kröfur um röskleika og markvisst skipulag en tryggja um leið að niðurstaðan, hver sem hún verður, eigi víðtækan hljómgrunn í þjóðfélaginu. Á engan hátt væri verið að taka ábyrgð, frumkvæði og endanlegt vald frá stjórnarskrárnefndinni og Alþingi. Hér er tækifæri til að efla og bæta lýðræði á Íslandi. Það má ekki fara forgörðum.
Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun
Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun