Að komast aftur í vinnugírinn eftir geggjað páskafrí

Rakel Sveinsdóttir skrifar 22. apríl 2025 07:00

Æðisleg frí þýða oft að við náðum alveg að kúpla okkur frá vinnunni um tíma. Sem er frábært. Fyrir vikið er samt stundum svolítið erfitt að komast aftur í rétta vinnugírinn þegar við snúum aftur til vinnu. Vísir/Getty

Úff; Þvílíkt yndi sem þetta páskafrí var! Afslöppun, góður matur, frábær samvera, súkkulaði, spil, notalegheit, góð bók, geggjuð páskadagskrá í fjölmiðlum, útivera, garðyrkja, framkvæmdir, ferðalög, sól og svo framvegis.

Það skiptir ekki máli hvað við vorum að gera en eftir svona gott og langt frí er stundum svolítið erfitt að snúa aftur til vinnu; Og komast í gírinn á ný!

Hér eru nokkur góð ráð sem geta hjálpað.

Þú gerir ekki allt í dag

Það er eðlilegt að vera ekki alveg í sjötta gírnum strax í dag. Við þurfum líka að heyra frá vinnufélögunum hvernig páskafríið þeirra var og svo framvegis.

Stundum er því ágætt að leyfa okkur smá andrými. Þó þannig að við séum ekki að slugsa neitt.

Gott er að útbúa verkefnalista þar sem forgangsröðunin er skýr um hvað þú þarft að klára í dag og hvað má mögulega bíða þar til síðar í vikunni.

Hafðu morguninn nokkuð lausan

Það er ekki verra að vera með fyrsta morguninn eftir frí nokkuð lausan. Nýta hann í góðan forgangs- og verkefnalista frekar en að sitja marga fundi. Því stundum þurfum við einfaldlega smá tíma til að ná yfirsýn yfir verkefnin okkar á ný, sérstaklega eftir góð frí þar sem við náðum að kúpla okkur vel frá vinnu.

Settu þér mörk

Loks er það þó sá sjálfsagi að fylgja síðan verkefnalistanum eftir. Ekki bara fyrir daginn í dag, heldur líka fyrir komandi vinnuviku. Því við viljum ekki vera í hálfum gír út alla vikuna, enn að jafna okkur.

Að ná að strika yfir verkefnin á listanum okkar er líka svo geggjuð tilfinning. Þannig að þótt ætlunin sé að leyfa hversdags lífinu að kikka rólega inn eftir góða fríið okkar, er til mikils að vinna strax á fyrsta vinnudegi að fara heim með góða tilfinningu eftir góðan vinnudag.

Góðu ráðin Páskar Vinnumarkaður

Tengdar fréttir

Góð ráð gegn mánudagsvinnukvíðanum

Þótt við séum ánægð í vinnunni okkar kannast margir við að finna fyrir kvíða þegar líður á helgarfríið, hnútur sem stækkar á sunnudagskvöldum og er ekki enn farinn þegar að við mætum til vinnu á mánudagsmorgni.

31. janúar 2022 07:01

Góð ráð: Draumastarfið á draumavinnustaðnum

Að vinna á draumavinnustaðnum er geggjuð upplifun. Að hlakka til hvers dags til að fara að vinna og upplifa daginn sem ánægjuna eina: Svo gaman að vinna, svo frábær vinnustaður.

7. mars 2025 07:01

Þrjú snilldarráð fyrir góð samskipti

Góð samskipti eru alltaf lykilatriði. Hvort heldur sem er í leik eða starfi. Við viljum öll standa okkur sem best í góðum samskiptum en eigum það mögulega til að gleyma okkur.

12. janúar 2024 07:00

Góð ráð fyrir lata starfsmenn

Við eigum okkur öll okkar daga. Já, svona leti-daga. Mætum til vinnu og erum hálf löt allan daginn. Komum litlu í verk. Eigum erfitt með að einbeita okkur. Erum þreytt. Eða með hugann annars staðar. Sem betur fer, eru leti-dagarnir ekki viðvarandi. Daginn eftir mætum við til vinnu á ný, galvösk og brettum upp ermar.

12. júlí 2021 07:01

Krónísk óstundvísi: Skýringar og góð ráð

Í vikunni birtist frétt um að Hollywodd-stjarnan Dwayne Johnson, betur þekktur sem The Rock og af blaðamanni Vísis kallaður Steini, hafi verið sakaður um króníska óstundvísi við tökur á myndinni Red One.

3. maí 2024 07:00