Undur­fagurt og heillandi ein­býli í Mos­fells­bæ

Eignin er sérstök fyrir margar sakir en þá helst fyrir byggingarstíl hennar sem hefur verið varðveittur þegar kom að endurbótum. 

Skipulag hússins er skemmtilegt þá helst hvernig eldhús, stofa og borðstofa mætist þar sem bogadregið hurðarop milli eldhúss og setustofu setur sterkan svip á rýmið. 

Eldhúsið var endurnýjað og hannað af innanhússarkitektinum Rut Káradóttur árið 2022 þar sem ólíkum efnivið er blandað saman á heillandi máta. 

Frá eldhúsi er gengið inn í setustofu með hallandi lofti og bogadregnum gluggum í frönskum stíl. 

Þar má sjá hina formfögru Svani eftir Arne Jacobsen sem setja fágaðan svip á rýmið. Úr rýminu er útgengt í gróinn og fallegan garð í suðvestur og norðaustur með timburveröndum er beggja vegna hússins.

Ásett verð fyrir eignina er 150 milljónir.

Nánari upplýsingar um eignina á fasteignavef Vísis.