Iðnaðarmaður ársins 2024 er fundinn

X977 & Sindri 6. júní 2024 16:58

Gunnar Þór Reykdal, bifvélavirki er Iðnaðarmaður ársins 2024 en X977 og Sindri leita að verðugum keppendum um titilinn á hverju ári sem lesendur Vísis kjósa á milli.

Gunnar Þór Reykdal, bifvélavirki er Iðnaðarmaður ársins 2024. Kosning hefur staðið yfir hér á Vísi og kusu lesendur milli sjö frambærilegra iðnaðarmanna sem höfðu staðist stíft auga dómnefndar X977 og Sindra.

Gunnar Þór er með sveinspróf í bifvélavirkjun, 43 ára fjölskyldufaðir og hefur starfað hjá Brimborg í rúm 9 ár þar sem hann vinnur aðalega við viðgerðir á peugeot og Citroen bílum.

„Starfið getur verið mjög fjölbreytt allt frá hefðbundnum olíuskiptum og upp í vélauppgerðir. Maður þarf að vera tilbúinn að læra nýja hluti og maður er oft að sjá eitthvað nýtt sem maður þarf að finna útúr.”

Í umsögn sem fylgdi tilfefningu Gunnars var honum lýst sem einum þeim harðasta sem fyrirfinndist á landinu. Ef hann væri ekki að skipta um vélar væri hann að smíða heima hjá sér. Hann hatar víst sumarfrí en elskar að vera ber að ofan í tíu stiga frosti að skrúfa eitthvað saman eða sundur!

Dressaður upp í BLÅKLÄDER

Tommi Steindórs dreif nýkrýndan iðnaðarmann ársins í Sindra þar sem hann var dressaður upp í BLÅKLÄDER frá toppi til táar. Fékk meðal annars „Tomma Steindórs skyrtuna” og tók sig afskaplega vel út.

„Toma Steindórs skyrtan" er víst nokkuð vinsæl flík í versluninni.

Glæsilegur verkfærapakki frá DeWalt

Gunnar Þór fékk einnig glæsilegan DeWalt-rafmagnsverkfærapakka frá Sindra, átta rafmagnsverkfæri með öllum nauðsynlegum fylgihlutum.

„Ég er svolítið spenntur fyrir sverðsöginni,” sagði hann enda ýmislegt hægt að gera með henni, saga sig út úr læstum bíl til dæmis! Við óskum Gunnari til hamingju með titilinn.