Ofur­s­mart heils­árs­hús

Húsin eru það sem kallað er „Turnkey“ eða „Plug & play“ sem þýðir að þau koma tilbúin með öllum innréttingum og tækjum. „Það eina sem þú þarft að gera er að setja niður sökkla og tengir húsið við vatn og rafmagn,“ segir Gunnar Þór Sch. Elfarsson, sölustjóri Kampus.

„Við bjóðum upp á fjórar stærðir af húsum, 19 fm, 25 fm, 35 fm og 46 fm. Minni húsin henta einstaklega vel sem gestahús við stærri hús. Eins eru þau frábær fyrir ferðþjónustufyrirtæki en við höfum einmitt verið að selja minni húsin til slíkra fyrirtækja. Stærri húsin henta sem til dæmis heilsárshús, sumarbústaðir, skrifstofur og margt margt fleira.“

Húsin uppfylla íslenska byggingarreglugerð að sögn Gunnars enda teiknuð hér á landi en smíðuð í Lettlandi. „Við erum með fjögur sýningarhús á bílasölunni Braut, Bíldshöfða 3 í Reykjavík, sem eru standard hús frá okkur. Fólk getur svo valið um nánast allt eftir eigin höfði, eins og veggklæðningar og innréttingar. Það hefur verið lang vinsælast að taka timbur eða stál utanhúss því fólk vill hafa húsin sem mest viðhaldsfrí í dag. Húsin taka yfirleitt um 8-10 vikur í framleiðslu en ef óskað er eftir hraðari afhendingartíma er hægt að verða við þeim óskum.“

Það þarf þó að hugsa að ýmsum þáttum áður en hús er keypt. „Fyrst þarf auðvitað lóð. Næsta skref er að kíkja til okkar upp á Bíldshöfða 3 og ákveða hvernig hús hentar þér. Því næst þarf að fá arkitekt til að staðsetja húsið og klára þá útfærslu sem þú vilt hafa á húsinu. Síðan þarf að setja sökkul og rotþró á lóðina og gera rafmagn og vatn klárt. Húsið kemur svo fullbúið og er sett á sökkulinn og stungið í samband við rafmagn og vatn. Einfalt og þægilegt ferli.“

Nánari upplýsingar má finna á kampus.is.