Spilakassarnir eru versti vandi veðmála á Íslandi Sigurður G. Guðjónsson skrifar 13. mars 2024 11:01 Á undanförnum árum hefur ítrekað komið fram fram í útgáfu embættis Ríkislögreglustjóra á áhættumati um peningaþvætti og fjármögnun hryðjuverka fyrir Ísland, að „veruleg hætta er á því að spilakassar geti verið notaðir til að þvætta fé“ hér á landi og að „vísbendingar“ eru um að það hafi verið gert. Í nýjasta áhættumatinu er útskýrt að „peningaþvætti í gegnum spilakassa krefst ekki sérfræðiþekkingar, sérstaks undirbúnings eða tilkostnaðar.“ Aðferðin er einföld. Hægt er að hlaða reiðufé í spilakassana (allt að 100.000 kr. i hvert sinn) og svo prenta út vinningsmiða án þess að spila og fá greitt hjá gjaldkera. Þessi staða hefur verið þekkt í mörg ár, en þrátt fyrir það hafa viðbrögð félaganna tveggja sem reka spilakassana, Happdrætti Háskóla Íslands (HHÍ) og Íslandsspil (í eigu Rauða krossins og Landsbjargar), verið svo hverfandi lítil að Ríkislögreglustjóri vakti enn einu sinni athygli á þessari áhættu í nýjustu skýrslu sinni, sem kom út síðastliðinn desember. Betsson lýtur ströngum reglum ESB Á mánudag og þriðjudag hefur Bryndísi Hrafnkelsdóttur forstjóra Happdrættis Háskóla Íslands verið í viðtölum við Morgunblaðið og Bylgjuna. Í viðtölum þessum vék forstjórinn ekki einu orði að því af hverju HHÍ hefur ekki brugðist við marg ítrekuðum ábendingum Ríkislögreglustjóra, heldur kaus að beina athyglinni að erlendum netspilunarsíðum, setja þær allar undir sama hatt og tengja ólöglegri starfsemi. Það er vel þekkt að á flestum sviðum athafnalífsins eru fyrirtæki sem standa illa að málum, ýmist af getuleysi eða ráðnum hug, en að það eigi við um öll erlend netspilafyrirtæki er víðs fjarri sannleikanum. Staðreyndin er sú að sum þeirra halda miklu betur utanum starfsemi sína og viðskiptavini en íslensku happdrættisfyrirtækin. Þar á meðal er umbjóðandi minn, sænska fyrirtækið Betsson sem hvílir á rúmlega 60 ára gömlum grunni og er skráð í sænsku kauphöllinni Nasdaq í Stokkhólmi, með tilheyrandi gagnsæis- og upplýsingaskyldu. Vefsíðan betsson.com er starfrækt af fyrirtækinu BML Group Ltd, sem er með heimili á Möltu. Malta er aðildarríki Evrópusambandsins (ESB) og lúta fyrirtæki með aðsetur þar ströngum reglum ESB um varnir gegn peningaþvætti og fjármögnun hryðjuverka. Fyrirtækið lýtur einnig reglum ESB um gagnsæi og skyldur veðmálafyrirtækja, þar á meðal ber þeim skylda til að framkvæma áreiðanleikakannanir á viðskiptavinum sínum og tilkynna grunsamleg viðskipti. Eru þessar reglur mun strangari en gilda samkvæmt íslenskum lögum um spila- og happdrættisfyrirtæki. Íslensku fyrirtækin sinnulaus gagnvart spilafíkn En frammistaða íslensku happdrættisfélaganna er ekki aðeins dapurleg þegar kemur að vörnum gegn peningaþvætti og fjármögnun hryðjuverka. Sinnuleysi þeirra gagnvart þeim sem eru útsettir fyrir spilafíkn hefur verið þekkt löngu áður en Ríkislögreglustjóri hóf að benda á kæruleysi þeirra gagnvart misnotkun brotamanna á spilakössunum. Í skýrslu starfshóps dómsmálaráðherra um „Réttarbætur á sviði happdrættismála“, sem kom út í desember 2022, er bent á að „umfangsmestu og viðkvæmustu álitamálin sem takast þyrfti á við snéru að rekstri spilakassa og spilavéla sem rekin eru á grundvelli ákvæða sérlaga, en rekstur þeirra virðist nátengdur vandamálum tengdum spilavanda og spilafíkn.“ Þetta voru ekki nýjar fréttir. Margsinnis hefur verið bent á að spilakassarnir eru uppspretta sorglegustu dæmanna um að fólk hafi ánetjast spilafíkn. Það var af þeim sökum sem SÁÁ ákvað 2020 að hætta þátttöku í rekstri þeirra. Sama gildir um önnur lönd. Spilakassar eru skaðlegasta form veðmála. Af þeirri ástæðu voru svokölluð spilakort tekin upp í Noregi 2009 og 2014 í Svíþjóð. Notkun þeirra hefur hjálpað þeim sem glíma við spilafíkn að setja sér mörk og dregið úr tapi þeirra. Skylda er að nota spilakort í báðum löndum en með þeim þurfa spilarar að auðkenna sig og setja sér takmörk um hversu háa fjárhæð þeir geta sett inn á spilareikning sinn og spilað fyrir. Íslensku spilakassafélögin tvö hafa frá að minnsta kosti árinu 2017 talað um að koma hér upp spilakortum, en ekkert orðið úr verki. Mögulega óttast þau áhrifin á afkomu sína. Þetta er umfangsmikill rekstur. HHÍ er með tæplega 500 spilakassa í rekstri á rúmlega 20 stöðum, sem eru ýmist barir, söluturnar eða sérstakir spilasalir. Spilakassar Íslandsspila eru um 330 talsins og eru þeir aðgengilegir á um 50 stöðum, börum, söluturnum og sérstökum spilasölum. Heildarvelta árið 2022 í spilakössum var um tólf milljarðar, kemur fram í áhættumati Ríkislögreglustjóra. Ábyrg spilamennska lykilatriði Bryndís forstjóri HHÍ útskýrði ekki í viðtalinu við Morgunblaðið af hverju spilakassafélögin hafa dregið svona lappirnar í því að takast á við spilafíkn viðskiptavina sinna. Frammistaða þeirra í þeim efnum er hins vegar alveg á hinum endanum frá því hvernig Betsson hefur sinnt þessu málefni enda veit félagið að gott samband við viðskiptavini hefur verið er grunnurinn að farsælum rekstri í ríflega sextíu ára sögu þess. Betsson hefur um árabil verið leiðandi í nýsköpun og þróun á stafrænum lausnum í netleikjum. Félagið hefur alla tíð lagt ríka áherslu á ábyrga spilamennsku og vinur með Global Gambling Guidance Group (G4), sem vottar spilasíður á Netinu. Betsson býður ýmis tól og leiðir eru í boði til að koma í veg fyrir óheilbrigða spilamennsku. Gildir það bæði um ráðstafanir sem spilarar geta sjálfir stutt sig við og af hálfu fyrirtækisins, sem hefur samband við spilara ef hugbúnaður félagsins nemur vísbendingar um að spilamennska sé að fara úr böndunum. Ólöglegt fyrir aðila undir 18 ára aldri að opna reikninga og/eða spila fjárhættuspil hjá Betsson. Fyrirtækið áskilur sér rétt til þess að óska eftir sönnun um aldur frá öllum viðskiptavinum sínum og getur lokað reiknigum þangað til viðeigandi gögn hafa borist. Hér er hægt að kynna sér betur þau tól Betsson sem stuðla að ábyrgri spilamennsku. Eru þessar ráðstafanir um eigin ábyrga spilamennsku og möguleg inngrip til að stöðva óheilbrigða spilamennsku mun umfangsmeiri en eru í boði hjá íslenskum spila- og happdrættisfyrirtækjum. Það var gott að lesa í spjallinu við Bryndísi að þau ætli nú að fara að bæta ráð sitt. Höfundur er lögmaður Betsson. Viltu birta grein á Vísi? Sendu okkur póst. Senda grein Fjárhættuspil Mest lesið Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Daði Már týnir sjálfum sér Heiðrún Lind Marteinsdóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson Skoðun Traust í húfi Eyjólfur Ármannsson Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun Verðmætasköpun án virðingar Berglind Harpa Svavarsdóttir Skoðun Ég á þetta ég má þetta Arnar Atlason Skoðun Alvarleg staða í umhverfi fréttamiðla Rósa Guðbjartsdóttir Skoðun Æfingin skapar meistarann! Sigurjón Már Fox Gunnarsson Skoðun Skoðun Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Skoðun Búum til pláss fyrir framtíðina Birna Þórarinsdóttir skrifar Skoðun Hættuleg ofnotkun svefnlyfja á Íslandi Drífa Sigfúsdóttir skrifar Skoðun Kveikjum neistann um allt land Kolbrún Áslaugar Baldursdóttir skrifar Skoðun Ætlar Ísland að fara sömu leið og Evrópa í útlendingamálum? Kári Allansson skrifar Skoðun Samtökin 78 verðlauna sögufölsun Böðvar Björnsson skrifar Skoðun Afstaða – á vaktinni í 20 ár Arndís Vilhjálmsdóttir,Guðbjörg Sveinsdóttir skrifar Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar Skoðun Varað við embætti sérstaks saksóknara Gestur Jónsson skrifar Skoðun Út af sporinu en ekki týnd að eilífu María Helena Mazul skrifar Skoðun Meira að segja formaður Viðreisnar Hjörtur J. Guðmundsson skrifar Sjá meira
Á undanförnum árum hefur ítrekað komið fram fram í útgáfu embættis Ríkislögreglustjóra á áhættumati um peningaþvætti og fjármögnun hryðjuverka fyrir Ísland, að „veruleg hætta er á því að spilakassar geti verið notaðir til að þvætta fé“ hér á landi og að „vísbendingar“ eru um að það hafi verið gert. Í nýjasta áhættumatinu er útskýrt að „peningaþvætti í gegnum spilakassa krefst ekki sérfræðiþekkingar, sérstaks undirbúnings eða tilkostnaðar.“ Aðferðin er einföld. Hægt er að hlaða reiðufé í spilakassana (allt að 100.000 kr. i hvert sinn) og svo prenta út vinningsmiða án þess að spila og fá greitt hjá gjaldkera. Þessi staða hefur verið þekkt í mörg ár, en þrátt fyrir það hafa viðbrögð félaganna tveggja sem reka spilakassana, Happdrætti Háskóla Íslands (HHÍ) og Íslandsspil (í eigu Rauða krossins og Landsbjargar), verið svo hverfandi lítil að Ríkislögreglustjóri vakti enn einu sinni athygli á þessari áhættu í nýjustu skýrslu sinni, sem kom út síðastliðinn desember. Betsson lýtur ströngum reglum ESB Á mánudag og þriðjudag hefur Bryndísi Hrafnkelsdóttur forstjóra Happdrættis Háskóla Íslands verið í viðtölum við Morgunblaðið og Bylgjuna. Í viðtölum þessum vék forstjórinn ekki einu orði að því af hverju HHÍ hefur ekki brugðist við marg ítrekuðum ábendingum Ríkislögreglustjóra, heldur kaus að beina athyglinni að erlendum netspilunarsíðum, setja þær allar undir sama hatt og tengja ólöglegri starfsemi. Það er vel þekkt að á flestum sviðum athafnalífsins eru fyrirtæki sem standa illa að málum, ýmist af getuleysi eða ráðnum hug, en að það eigi við um öll erlend netspilafyrirtæki er víðs fjarri sannleikanum. Staðreyndin er sú að sum þeirra halda miklu betur utanum starfsemi sína og viðskiptavini en íslensku happdrættisfyrirtækin. Þar á meðal er umbjóðandi minn, sænska fyrirtækið Betsson sem hvílir á rúmlega 60 ára gömlum grunni og er skráð í sænsku kauphöllinni Nasdaq í Stokkhólmi, með tilheyrandi gagnsæis- og upplýsingaskyldu. Vefsíðan betsson.com er starfrækt af fyrirtækinu BML Group Ltd, sem er með heimili á Möltu. Malta er aðildarríki Evrópusambandsins (ESB) og lúta fyrirtæki með aðsetur þar ströngum reglum ESB um varnir gegn peningaþvætti og fjármögnun hryðjuverka. Fyrirtækið lýtur einnig reglum ESB um gagnsæi og skyldur veðmálafyrirtækja, þar á meðal ber þeim skylda til að framkvæma áreiðanleikakannanir á viðskiptavinum sínum og tilkynna grunsamleg viðskipti. Eru þessar reglur mun strangari en gilda samkvæmt íslenskum lögum um spila- og happdrættisfyrirtæki. Íslensku fyrirtækin sinnulaus gagnvart spilafíkn En frammistaða íslensku happdrættisfélaganna er ekki aðeins dapurleg þegar kemur að vörnum gegn peningaþvætti og fjármögnun hryðjuverka. Sinnuleysi þeirra gagnvart þeim sem eru útsettir fyrir spilafíkn hefur verið þekkt löngu áður en Ríkislögreglustjóri hóf að benda á kæruleysi þeirra gagnvart misnotkun brotamanna á spilakössunum. Í skýrslu starfshóps dómsmálaráðherra um „Réttarbætur á sviði happdrættismála“, sem kom út í desember 2022, er bent á að „umfangsmestu og viðkvæmustu álitamálin sem takast þyrfti á við snéru að rekstri spilakassa og spilavéla sem rekin eru á grundvelli ákvæða sérlaga, en rekstur þeirra virðist nátengdur vandamálum tengdum spilavanda og spilafíkn.“ Þetta voru ekki nýjar fréttir. Margsinnis hefur verið bent á að spilakassarnir eru uppspretta sorglegustu dæmanna um að fólk hafi ánetjast spilafíkn. Það var af þeim sökum sem SÁÁ ákvað 2020 að hætta þátttöku í rekstri þeirra. Sama gildir um önnur lönd. Spilakassar eru skaðlegasta form veðmála. Af þeirri ástæðu voru svokölluð spilakort tekin upp í Noregi 2009 og 2014 í Svíþjóð. Notkun þeirra hefur hjálpað þeim sem glíma við spilafíkn að setja sér mörk og dregið úr tapi þeirra. Skylda er að nota spilakort í báðum löndum en með þeim þurfa spilarar að auðkenna sig og setja sér takmörk um hversu háa fjárhæð þeir geta sett inn á spilareikning sinn og spilað fyrir. Íslensku spilakassafélögin tvö hafa frá að minnsta kosti árinu 2017 talað um að koma hér upp spilakortum, en ekkert orðið úr verki. Mögulega óttast þau áhrifin á afkomu sína. Þetta er umfangsmikill rekstur. HHÍ er með tæplega 500 spilakassa í rekstri á rúmlega 20 stöðum, sem eru ýmist barir, söluturnar eða sérstakir spilasalir. Spilakassar Íslandsspila eru um 330 talsins og eru þeir aðgengilegir á um 50 stöðum, börum, söluturnum og sérstökum spilasölum. Heildarvelta árið 2022 í spilakössum var um tólf milljarðar, kemur fram í áhættumati Ríkislögreglustjóra. Ábyrg spilamennska lykilatriði Bryndís forstjóri HHÍ útskýrði ekki í viðtalinu við Morgunblaðið af hverju spilakassafélögin hafa dregið svona lappirnar í því að takast á við spilafíkn viðskiptavina sinna. Frammistaða þeirra í þeim efnum er hins vegar alveg á hinum endanum frá því hvernig Betsson hefur sinnt þessu málefni enda veit félagið að gott samband við viðskiptavini hefur verið er grunnurinn að farsælum rekstri í ríflega sextíu ára sögu þess. Betsson hefur um árabil verið leiðandi í nýsköpun og þróun á stafrænum lausnum í netleikjum. Félagið hefur alla tíð lagt ríka áherslu á ábyrga spilamennsku og vinur með Global Gambling Guidance Group (G4), sem vottar spilasíður á Netinu. Betsson býður ýmis tól og leiðir eru í boði til að koma í veg fyrir óheilbrigða spilamennsku. Gildir það bæði um ráðstafanir sem spilarar geta sjálfir stutt sig við og af hálfu fyrirtækisins, sem hefur samband við spilara ef hugbúnaður félagsins nemur vísbendingar um að spilamennska sé að fara úr böndunum. Ólöglegt fyrir aðila undir 18 ára aldri að opna reikninga og/eða spila fjárhættuspil hjá Betsson. Fyrirtækið áskilur sér rétt til þess að óska eftir sönnun um aldur frá öllum viðskiptavinum sínum og getur lokað reiknigum þangað til viðeigandi gögn hafa borist. Hér er hægt að kynna sér betur þau tól Betsson sem stuðla að ábyrgri spilamennsku. Eru þessar ráðstafanir um eigin ábyrga spilamennsku og möguleg inngrip til að stöðva óheilbrigða spilamennsku mun umfangsmeiri en eru í boði hjá íslenskum spila- og happdrættisfyrirtækjum. Það var gott að lesa í spjallinu við Bryndísi að þau ætli nú að fara að bæta ráð sitt. Höfundur er lögmaður Betsson.
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun