Framkvæmdasýslan - Ríkiseignir f.h. ríkissjóðs óska eftir leiguhúsnæði fyrir umsækjendur um alþjóðlega vernd

Framkvæmdasýslan - Ríkiseignir f.h. ríkissjóðs 28. apríl 2023 07:00

Miðað er við að húsnæðið verði tekið á leigu, tímabundið til allt að 2 - 5 ára auk mögulegrar framlengingar til 2 - 3 ára.

Húsnæðið skal vera skráð í notkunarflokk 4 (gistirými) skv. byggingarreglugerð. Hægt er að bjóða húsnæði í þremur flokkum:

A) Gistiheimili fyrir 30-50 íbúa, leigutími allt að 2 ár.

B) Gistiheimili fyrir 51-100 íbúa, leigutími allt að 3 ár.

C) Gistiheimili fyrir fleiri en 100 íbúa, leigutími allt að 5 ár.

Gott aðgengi skal vera fyrir hreyfihamlaða, hjólandi og gangandi. Kostur er að húsnæðið sé í göngufærivið almenningssamgöngur, verslun og þjónustu.

Húsnæðið skal afhendast fullbúið og tilbúið til notkunar innan 12 mánaða frá undirritun leigusamnings.

Við mat á hagkvæmni tilboða verður m.a. tekið tillit til leiguverðs, stærðar húss og skipulags þess út frá fyrirhugaðri nýtingu, öryggis, afhendingartíma, staðsetningu, aðkomu, fjölda einstaklinga sem komast fyrir í húsnæðinu og nálægð við þjónustuskrifstofur Vinnumálastofnunar víðs vegar um landið, sem hafa eftirlit með starfseminni.

Frekari upplýsingar um þær kröfur sem húsnæðið verður að uppfylla verða aðgengilegar á www.utbodsvefur.is þriðjudaginn, 2. maí 2023.

Fyrirspurnir varðandi verkefnið Húsnæði fyrir umsækjendur um alþjóðlega vernd skulu sendar á netfangið leiguhusnaedi@fsre.is.

Fyrirspurnarfrestur rennur út 8. maí 2023 en svarfrestur er til og með 9. maí 2023.

Leigutilboð skal senda á leiguhusnaedi@fsre.is, eigi síðar en kl. 13:00 fimmtudaginn11. maí 2023.

Merkja skal tilboðin; nr. 230419 – Húsnæði fyrir umsækjendur um alþjóðlega vernd - Leiguhúsnæði

Leiga á grundvelli þessarar auglýsingar er undanskilin lögum um opinber innkaup nr. 120/2016, sbr. a. lið 1. mgr. 11. gr.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir