Matur

Hel­vítis jóla­kokkurinn: Lamb og bearna­ise

Sylvía Rut Sigfúsdóttir skrifar
Þættirnir Helvítis jólakokkurinn verða sýndir vikulega á Vísi og Stöð 2+ fram að jólum.
Þættirnir Helvítis jólakokkurinn verða sýndir vikulega á Vísi og Stöð 2+ fram að jólum. Stöð 2

Ívar Örn Hansen, betur þekktur sem Helvítis kokkurinn, er kominn í jólaskap. Hann ætlar að kenna ykkur að elda bragðgóðan mat á mannamáli á Vísi og á Stöð 2+ fram á jólum.

Matreiðsluþátturinn Helvítis jólakokkurinn verður sýndur vikulega fram að jólum. Líkt og fyrri þættir Ívars eru þeir fyrir þá sem vilja ekkert kjaftæði, bara elda bragðgóðan mat. Annan þáttinn má sjá í spilaranum hér fyrir neðan en uppskriftirnar má finna neðar í fréttinni.

Klippa: Helvítis jólakokkurinn - Lamb og bearnaise

Lamb og bearnaise

Lýsing: Skothelt lambalæri með landnámshænu-bearnaise, bökuðum kartöflum og gulrótum og brokkolí með karamellusmjöri

Uppskrift:

  • Heiðalæri með beini frá Kjarnafæði
  • 300 ml rauðvín
  • salt og pipar

Aðferð:

  1. Hellið víni í steikarpott.
  2. Kryddið læri með salt og pipar og leggið í pott.
  3. Setjið lokið á og steikið í ofni á 180° í 90 mín eða þangað til kjarnhiti hefur náð 63°.
  4. Hvílið læri í 30 mín áður en það er borðað.

Noisette (karamellu smjör)

  • 500 gr smjör

Aðferð:

  1. Setjið smjör í pott og kveikið undir, sjóðið þangað til efsta lagið í pottinum verður karamellubrúnt.
  2. Slökkvið undir og færið til hliðar í 15 mín.
  3. Hellið fitunni af hratinu í annan pott og geymið.

Bakaðar kartöflur og gulrætur með noisette

  • 600 gr smælki kartöflur
  • 300 gr gulrætur
  • noisette smjör
  • salt
  • pipar
  • 20 gr graslaukur saxaður

Aðferð:

  1. Skerið kartöflur og gulrætur í helminga.
  2. Setjið í ofnskúffu og hellið noisette yfir, blandið með salti og pipar og bakið á 190° í 25 mín.
  3. Stráið graslauk yfir eftir eldun.

Broccoli með karamellusmjöri

  • 1 haus broccoli
  • Noisette
  • Salt
  • Pipar

Aðferð:

  1. Skerið broccoli í bita.
  2. Steikið upp úr noisette á pönnu í 2 mín og bragðbætið með salti og pipar.
  3. Setið lok á pönnu og hvílið í 5 mín.

Karamellu-Bearnaise sósa

  • 6 eggjarauður Landnámshænuegg
  • 300 gr noisette smjör
  • 1 msk essence
  • 1 tsk estragon
  • 10 ml vatn
  • Kjötkraftur
  • Pipar

Aðferð:

  1. Hitið noisette litillega upp í potti og þeytið eggjarauðurnar létt og ljóst í skál.
  2. Hellið smá vatni saman við ef blandan er of þykk.
  3. Hrærið noisette rólega saman við.
  4. Kryddið með pipar, krafti, estragoni og essence.

Tengdar fréttir






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.