Neytendur

Engin jóla­­daga­töl frá Lions í ár

Bjarki Sigurðsson skrifar
Dagatölin þekkja nánast allir Íslendingar. Því miður verða aðdáendur þeirra að bíða eftir þeim þar til á næsta ár.
Dagatölin þekkja nánast allir Íslendingar. Því miður verða aðdáendur þeirra að bíða eftir þeim þar til á næsta ár. Vísir/Vilhelm

Hin sívinsælu jóladagatöl frá Lionsklúbbnum hafa ekki verið í sölu fyrir þessi jól. Ástæðan er sú að verksmiðjan sem framleiðir dagatölin fékk ekki þau hráefni sem þarf í framleiðsluna. 

Dagatölin eru þau vinsælustu hver jól en með þeim hefur ávallt fylgt lítil tannkremstúpa. Á dagatölunum er einnig límmiði með mynd af tannburstanum Tanna og tannkremstúpunni Túpu sem minna krakka á að bursta í sér tennurnar. 

Lionsklúbburinn Freyr hóf innflutning á þessum dagatölum fyrir rúmum fimmtíu árum en dagatölin hafa sést á flest öllum heimilum landsins. 

Dagatölin eru seld til fjáröflunar fyrir Lionsklúbbana en með sölu þeirra hafa klúbbarnir getað styrkt starf fjölda líknarfélaga, til dæmis deildir Landspítalans, þjónustuíbúðir DAS, Gigtarfélagið og fleiri. 

„Stefnt er að því að klúbbarnir geti hafið sölu Lions jóladagatalanna næsta ár og um leið er öllum þakkað stuðningurinn við þetta skemmtilega jólaverkefni, ekki síst verslununum sem allar hafa selt þau fyrir hver jól án þess að taka krónu fyrir það,“ segir í tilkynningu frá Lionsklúbbnum Frey.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.