Bílar

Fuell Fllow rafmótorhjólið nálgast markað

Kristinn Ásgeir Gylfason skrifar
Fuell Fllow.
Fuell Fllow.

Eftir að hafa fyrst verið kynnt til sögunnar í apríl árið 2019 er Fuell Fllow loks að nálgast markað. Opnað hefur verið fyrir pantanir á hjólinu.

Heimsfarandurinn og vöruskortur hafa haft veruleg áhrif á starfsemi Fuell sem og annarra. Markmið Fuell er að ná inn 3000 forpöntunum fyrir Fllow hjólið, hver forpöntun kostar 200 dollara eða um 29 þúsund krónur. Takist það mun fara fram hópfjármögnun til að setja hjólið í framleiðslu. Markmiðið er að hefja afhendingar árið 2024.

Fllow notast við einkaleyfavarið afturhjóladrif sem kallað er Transverse Flux Motor. Það er beintengt, engin keðja eða reim. Aflmesta hjólið verður 47 hestöfl, með niður í 15 hestafla týpu fáanlega.

Meðfylgjandi er myndband af YouTube-rásinni Electric Vehicle Space.

Rafhlaðan er 10kWh og vigtar hjólið um 180 kg. Drægnin er um 240 km. Rafhlöðuna er hægt að hlaða á um 30 mínútum. Veljir þú að hlaða frá 20% hleðslu upp í 90% er hægt að hlaða á um 15 mínútum samkvæmt Fuell.

Hjólið er hlaðið búnaði, svo sem snjall ABS hemlum, göngu- og bakk aðstoð, spólvörn, blindpunktsaðvörun og árekstrarviðvörun að framan og aftan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.