Einstaklingar sem búa í ríkinu og þéna upp að 40.000 dollurum á ári (5,64 milljónir króna) og hjón sem eru skattlögð saman mega þéna allt að 60.000 dollurum á ári (8,46 milljónir króna) til að geta fengið greiðsluna. Greiðslan nemur 1000 dollurum, sem eru um 141 þúsund krónur.
Það kann að hljóma sem góð hugmynd en upprunalegar áætlanir voru fyrir talsvert víðtækari hóp íbúa til að fá mögulega greiðslu fyrir bíllausan lífsstíl.
Upphaflega áttu allir að geta fengið 2500 dollara (um 352 þúsund krónur) fyrir bíllausan lífsstíl, óháð tekjum. Meira að segja heimili sem eru með færri bíla en heimilismeðlimi áttu að geta fengið greiðslu. En löggjafinn lítur á þetta sem nú er komið til sögunnar sem sigur.
Íbúar hafa bent á að þeta sé einskonar þvottur, þar sem almenningssamgöngur séu alls ekki boðlegar. Eins séu aðrir þættir sem valda vandræðum þegar kemur að bíllausum lífsstíl. Þeir íbúar sem falla undir ívilnunina búa í úthverfunum þar sem hátt húsnæðisverð hefur gert þeim nánast ómögulegt að búa í hverfum þar sem almenningssamgöngur ganga í miðbæinn þar sem margir þessara íbúa vinna.
