Albumm

Smástirni starfar með Öldu Music

Ritstjórn Albumm skrifar
Steinar Fjeldsted hjá Alda Music og Smári Guðmundsson hjá Smástirni
Steinar Fjeldsted hjá Alda Music og Smári Guðmundsson hjá Smástirni

Plötuútgáfan Smástirni hefur hafið samstarf við Alda Music.

Smástirni var stofnað árið 2018 en útgáfan er í eigu tónlistarmannsins Smára Guðmundssonar. Smástirni hefur gefið út nokkrar plötur og má þar nefna nýjustu plötu Fríðu Dísar, Lipstick On. Aðrar netútgáfur sem vert er að nefna eru t.d. Rolf Hautbentner Band og Trilogia.

Alda Music er stærsta plötuútgáfa landsins og hefur margt af okkar þekktasta tónlistarfólki á sínum snærum. Í upphafi þessa árs keypti tónlistarrisinn Universal Music Alda Music og tengslanetið því orðið enn stærra í sniðum.

„Það er virkilega frábært að ganga til liðs við Alda Music og fá gott teymi á bakvið það sem ég er að gera hjá Smástirni. Það eru spennandi tímar framundan og margt á döfinni” segir Smári.

Það er í nógu að snúast hjá Smára í Smástirni þessa dagana sem spilar einnig á gítar með Fríðu Dís en á döfinni hjá þeim eru meðal annars tvennir útgáfutónleikar Lipstick On, þeir fyrri í Hljómahöll þann 20. október og þeir seinni á Sirkus þann 22. október, ásamt vínyl útgáfu plötunnar. Punkturinn er ekki settur niður þar því Fríða Dís og Smári stefna á aðra stóra útgáfu í haust með plötunni Fall River.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.