Stóra Laxá komin í 100 laxa

Karl Lúðvíksson skrifar 6. júlí 2022 07:42

Sigmar Orri með maríulaxinn sinn og lax númer 100 úr Stóru Laxá

Veiðin í ánum í vatnasvæði Hvítár og Ölfusár er mun betri en undanfarin ár og það er alveg ljóst að netaupptaka er að skila því sem hún á að gera.

Stóra Laxá hefur heldur betur fundið vel fyrir þessu en veiðin þar frá fyrsta degi hefur verið mjög góð og er staða sú að í gær veiddist hundraðasti laxinn í ánni. Efra svæðið er komið í 36 laxa og í gær var neðra svæðið komið í 69 laxa. Hundraðasta laxinn veiddi SIgmar Orri Guðmundsson en það var jafnframt maríulax.

Stærstu laxarnir eru 98 sm en margir sem hefur verið landað hafa verið milli 90-97 sm og líklega um 40% milli 80 og 90 sm. Smálaxinn er þegar farin að sýna sig í ánni og eru flestir eins árs laxarnir um 60 sm. Áin er í frábæru vatni og göngur nokkuð kröftugar svo það stefnir í spennandi sumar í Stóru Laxá.

Stangveiði