Iðnaðarmaður ársins smíðar sumarbústað fyrir tengdó

Iðnaðarmaður ársins 7. júní 2022 13:47

Vestmannaeyingurinn og stálsmiðurinn Hannes Kristinn Eiríksson er nýkrýndur Iðnaðarmaður ársins 2022 af X977 og Sindra.

„Fyrst þegar ég fékk símtalið frá þér hélt ég að þetta væri eitthvert bull,“ segir Vestmannaeyingurinn og stálsmiðurinn Hannes Kristinn Eiríksson en hann er nýkrýndur Iðnaðarmaður ársins 2022 af X977 og Sindra. Við óskum Hannesi til hamingju með titilinn.

Reyndar hefði vel getað verið um steggja-hrekk að ræða því Hannes ætlar að gifta sig í sumar. Fyrir utan brúðkaupið verður sumarið einnig annasamt en Hannes er einn þeirra sem sér um brugghúsið Brother Brewery í Vestmannaeyjum og þar er „aksjón allar helgar“ að hans sögn. „Fólk er þyrst í góðan bjór eftir covidið,“ segir hann. „Svo er einn bústaður sem þarf að smíða,“ bætir hann við og vinningstólin munu því nýtast vel enda eins gott, bústaðurinn er fyrir tilvonandi tengdaforeldra! „Maður þarf að vinna sér inn punkta,“ segir hann hress.

Klippa: Iðnaðarmaður ársins 2022 er Hannes Kristinn Eiríksson

Hannes hlaut í verðlaun DeWalt 18v XR 6 vélasett að andvirði 340.000 króna frá Sindra og alklæðnað af fatnaði frá Blåkläder.

Þáttaka í Iðnaðarmanni ársins var frábær í ár og stóð dómnefnd frammi fyrir erfiðu vali milli einvalaliðs iðnaðarmanna um allt land. Átta iðnaðarmenn komust í gegnum forval dómnefndar og var hvert og eitt þeirra kynnt sérstaklega hér á Vísi. Þjóðin kaus svo á milli þeirra og bar Hannes sigur úr bítum. X977 og Sindri þakka öllum sem tóku þátt.

Iðnaðarmaður ársins X977

Tengdar fréttir

Þau kröfuhörðustu leita til Sindra

„Hjá okkur getur fólk komið inn og fatað sig upp frá toppi til táar í vinnufatadeildinni og fengið fatnaðinn merktan á meðan það þiggur einn kaffibolla, klárað svo hringinn í verkfæradeildinni og mætt klárt í vinnu með allt til alls. Við opnum klukkan 7.30 alla virka morgna og á laugardögum klukkan 8. Við vitum að fagfólkið fer snemma af stað,“ segir Þórður M. Kristinsson, framkvæmdastjóri verfæraverslunarinnar Sindra.

17. maí 2022 08:50

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir