Nýr Land Rover Defender 130 kynntur

Kristinn Ásgeir Gylfason skrifar 3. júní 2022 07:00

Land Rover í Bretlandi kynnti á dögunum nýjan Defender, 130, sem er fjórða og nýjasta útgáfa bílsins á eftir Defender 90, Defender 110 og Defender Hard Top sem kynntir hafa verið frá því í júní 2020. Nýi Defender 130 er 34 sentimetrum lengri að aftan en Defender 110. Bíllinn verður frumsýndur hjá BL í haust.

Meðfylgjandi er byggt á fréttatilkynningu frá BL vegna bílsins.

Land Rover Defender 130 verður fáanlegur sætum fyrir allt að átta farþega (2+3+3). Þá er nýi bíllinn búinn allri nýjustu tækni framleiðandans á sviði drif- og öryggisbúnaðar auk mikilla þæginda í farþegarými verður og fáanlegur í SE, HSE, X-Dynamic og X útgáfum, auk fyrstu útgáfu (First edition) sem verður búin sérstökum séreinkennum í ytra útliti og í farþegarýminu auk þess sem staðalbúnaður verður aukinn í tilefni frumsýningarinnar.

Sérkennandi Defender 130

Dæmi um búnað eru til að mynda loftpúðafjöðrun, 90 cm vaðgeta, 11,4“ Pivi Pro snertiskjár með fjölmörgum upplýsingum og vali um birtingamöguleika. Meðal annars býður Pivi Pro kerfið mjög nákvæmt og notendavænt leiðsögukerfi (what3words) sem þarfnast einskis símasambands til að leiðsegja ökumanni til næsta áfangastaðar hvar sem er í heiminum. Einnig má nefna Matrix LED aðalljós, hita í öllum sætum, fjögurra kerfa loftræstingu, Meridian hljóðkerfi og allt að 2.291 rúmlítra farangursrými í átta sæta bílnum. Einnig má nefna að átta sæta Defender 130 er með fimm Isofix bílastólafestingar auk þess sem hægt er að láta bílinn læsast sjálfkrafa sé bíllykillinn í meira en 1,5 metra fjarlægð.

Innra rými Land Rover Defender 130 í átta manna útgáfu.

Val um vélar

Land Rover býður Defender 130 með kraftmiklum og hagkvæmum vélum, þar á meðal P300 og P400 sex strokka Ingenium bensínvélar með mildri tvinntækni (MHEV) og D250 og D300 sex strokka Ingenium dísilvélar. P300 vélin skilar áreynslulausum og mjúkum afköstum og er hröðum úr kyrrstöðu í 100 km/klst 8,0 sekúndur, en 6,6 sekúndur með P400. Ingenium dísilvélarnar bjóða aukið tog, mjúkt viðbragð og mikla sparneytni. Hröðun D300 úr kyrrstöðu í 100 km/klst er 7,5 sekúndur og 8,9 sekúndur með D250 dísilvélinni sem skilar einnig áreynslulausum og góðum afköstum.

Mikil torfærugeta og góðir aksturseiginleikar

Allar útgáfur Defender 130 eru búnar fjórhjóladrifi (iAWD) og átta þrepa sjálfskiptingu, þar sem iAWD-kerfið stjórnar sjálfkrafa afköstum og dreifingu vélaraflsins til fram- og afturhjólanna ásmt því sem rafstýrð loftpúðafjöðrun og háþróuð driftækni, m.a. Terrain Response® Land Rover, hámarka aksturseiginleika og drifgetu við mismunandi vegaðstæður.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.