Til hvers að kjósa Framsókn? Ólafur Kr. Guðmundsson skrifar 25. apríl 2022 06:01 Á síðasta kjörtímabili 2014 - 2018 áttu Framsókn og flugvallarvinir 2 borgarfulltrúa í Reykjavík. Það byggðist á einarðri kostningabaráttur fyrir áframhaldandi veru Reykjavíkurflugvallar í Vatnsmýri. Borgarstjóri og formaður Framsóknarflokksins, Sigurður Ingi Jóhannsson innviðaráðherra skrifuðu undir samning varðandi framtíð flugvallarins, en það virðist hafa verið gert með ósýnilegu bleki. Það tók Einar Þorsteinsson, nýjan leiðtoga Framsóknarflokksins í Reykjavík, því ekki langan tíma að svíkja loforð flokksins að standa vörð um Reykjavíkurflugvöll og lýsa yfir stuðningi við áform núverandi meirihluta um að völlurinn fari. Framsókn - flugvallarvinir hvað? Samningi formanns flokksins og innviðaráðherra þar með endanlega rift, eða hvað! Við Sæbrautina stendur enn auglýsing frá Framsóknarflokknum frá síðustu kosningum. Þar stendur orðrétt: „Er ekki bara best að kjósa Framsókn“. Nú segja Framsóknarmenn í Reykjavík að engin þörf sé fyrir flugvöllinn og virðist hinn nýi leiðtogi þegar hafa hafið störf með meirihlutanum. Þessir ráðamenn Framsóknar ætla þannig að slíta á samskipti við landsbyggðina og hundsa það mikilvæga samgöngu- og öryggishlutverk sem flugvöllurinn gegnir nú þegar öll áform um annan varaflugvöll eru í óvissu og jarðhræringar á Reykjanesi valda enn frekari óvissu um hvaða flugvellir séu yfir höfuð öruggir. Því hljóta menn að spyrja sig: Til hvers að kjósa Framsókn? Vanefndur samgöngusáttmáli En þetta er ekki einu svikin, Framsóknarflokkurinn í Reykjavík virðist hugsa nákvæmlega eins og meirihluti Dags B. Eggertssonar þegar kemur að samgöngumálum í höfuðborginni, þau eigi að snúast um óskir og nálgun meirihlutans en ekki vilja og þarfir allra borgarbúa. Samgöngusáttmálinn sem Framsókn skrifaði undir við borgina er í klakaböndum, vanefndur víða og á villigötum annars staðar. Umferðarmannvirki sem áttu að koma birtast ekki, tafir og ógöngur umferðarinnar aukast. Því hljóta menn að spyrja sig: Til hvers að kjósa Framsókn? Borgarlína án farþega Framsóknarflokkurinn virðist núna styðja hugmynd og útfærslu borgarstjórnarmeirihlutans um grjótþunga Borgarlínu til að fá "Glópagulls" viðurkenninguna, "BRT Gold". Það eru flestir búnir að átta sig á því að fokdýr Borgarlína með engum farþegum skilar engu nema samfélagslegu tapi öfugt við t.d. Sundabrautina sem Framsóknarflokkurinn segist vera búinn að samþykkja margoft án þess að framkvæmdir hefjist. Framsóknarmenn stýra samgöngumálum á landsvísu í núverandi ríkisstjórn, en í borginni eru þeir í hlekkjum meirihlutans í borginni. Nú lýsir oddviti flokksins í borginni yfir algjörum stuðningi við þau óheillaáform og ekki ólíklegt þar með að verða 5. hjólið undir borgarlínuvagni borgarstjóra. Því hljóta menn að spyrja sig: Til hvers að kjósa Framsókn? Húsnæðissáttmáli í stað húsnæðis Enginn veit hvað Framsókn vill í húsnæðismálum eftir síðasta útspil nýs leiðtoga Framsóknarflokksins í Reykjavík. Fyrir stuttu sagðist hann vera glaður vegna þess að borgarstjóri hefur lýst yfir áhuga sínum á einhverju lausnaplaggi sem hann kallar „húsnæðissáttmála“. Eftir að hafa vanrækt að útvega byggingarland og styðja við íbúðamarkaðinn kallar borgarstjóri eftir húsnæðissáttmála og Framsóknarflokknum dettur það helst í hug að fagna. Er það eitthvert fagnaðarefni að húsnæðis- og skipulagsmál eru komin í nýtt innviðaráðuneyti, þar sem sveitarstjórnar-, samgöngu- og byggðamál eru fyrir? Hefur Framsókn einhverjar lausnir eða sjálfstæðan vilja í þessum málum? Því hljóta menn að spyrja sig: Til hvers að kjósa Framsókn Loforð, en engin þjóðarhöll Framsóknarflokkurinn hefur nánast lofað í hverri viku síðustu misseri að þjóðarhöll og þjóðarleikvangur rísi. Ráðherrar flokksins virðast hafa talið sér til tekna að tala og tala um hana án þess að nokkuð gerist. Enginn hefur gengið lengra en Ásmundur Einar Daðason í því að lofa fjármunum til þess að byggja nýjan þjóðarleikvang fyrir fótbolta og annan fyrir handbolta. Í fjármálaáætlun blasir við að næstu ríkisstjórn er ætlað að leysa þau mál. Það gerist bara ekkert, frekar en með Sundabraut, enda hefur núverandi meirihluti í Reykjavík með borgarstjóra í broddi fylkingar nánast útilokað alla möguleika á þeirri framkvæmd. Því hljóta menn að spyrja sig: Til hvers að kjósa Framsókn? Málefni barna enn í ólestri Þegar Ásmundur Einar Daðason tók við félagsmálaráðuneytinu ákvað hann að endurskíra það barnamálaráðuneytið og hann hefur nú verið ráðherra málaflokksins í hartnær fimm ár. Þegar hann tók við var vandi biðlista allsráðandi. Þar er um að ræða lista yfir börn sem bíða eftir þjónustu í félagslega kerfinu og heilbrigðiskerfinu. Þrátt fyrir mikið tal og mikla fjölmiðlaathygli hefur það eitt gerst í þessum efnum að biðlistarnir hafa lengst á fimm ára valdatíma barnamálaráðherrans. Þó að hann hafi endurskoðað lög um málefni barna er árangursleysi hans í biðlistamálunum æpandi. Því hljóta menn að spyrja sig enn og aftur: Til hvers að kjósa Framsókn? Setjum X við M þann 14 maí næstkomandi. Höfundur er umferðarsérfræðingur og skipar 6. sæti á lista Miðflokksins til borgarstjórnar. Viltu birta grein á Vísi? Sendu okkur póst. Senda grein Sveitarstjórnarkosningar 2022 Miðflokkurinn Samgöngur Skoðun: Kosningar 2022 Reykjavíkurflugvöllur Mest lesið Konur sem stinga hvor aðra í bakið Sigríður Svanborgardóttir Skoðun Sameining sem eflir íslenskan landbúnað Egill Gautason Skoðun Það er list að lifa með krabbameini Hlíf Steingrímsdóttir Skoðun Um kynjafræði og pólítík Hanna Björg Vilhjálmsdóttir Skoðun Fjölbreytileiki er styrkleiki Guðmundur Ingi Kristinsson Skoðun Eitt spilakort, betri spilamenning – er skaðaminnkandi Ingvar Örn Ingvarsson Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun Skoðun Skoðun Eitt spilakort, betri spilamenning – er skaðaminnkandi Ingvar Örn Ingvarsson skrifar Skoðun Sameining sem eflir íslenskan landbúnað Egill Gautason skrifar Skoðun Konur sem stinga hvor aðra í bakið Sigríður Svanborgardóttir skrifar Skoðun Fjölbreytileiki er styrkleiki Guðmundur Ingi Kristinsson skrifar Skoðun Það er list að lifa með krabbameini Hlíf Steingrímsdóttir skrifar Skoðun Um kynjafræði og pólítík Hanna Björg Vilhjálmsdóttir skrifar Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Sjá meira
Á síðasta kjörtímabili 2014 - 2018 áttu Framsókn og flugvallarvinir 2 borgarfulltrúa í Reykjavík. Það byggðist á einarðri kostningabaráttur fyrir áframhaldandi veru Reykjavíkurflugvallar í Vatnsmýri. Borgarstjóri og formaður Framsóknarflokksins, Sigurður Ingi Jóhannsson innviðaráðherra skrifuðu undir samning varðandi framtíð flugvallarins, en það virðist hafa verið gert með ósýnilegu bleki. Það tók Einar Þorsteinsson, nýjan leiðtoga Framsóknarflokksins í Reykjavík, því ekki langan tíma að svíkja loforð flokksins að standa vörð um Reykjavíkurflugvöll og lýsa yfir stuðningi við áform núverandi meirihluta um að völlurinn fari. Framsókn - flugvallarvinir hvað? Samningi formanns flokksins og innviðaráðherra þar með endanlega rift, eða hvað! Við Sæbrautina stendur enn auglýsing frá Framsóknarflokknum frá síðustu kosningum. Þar stendur orðrétt: „Er ekki bara best að kjósa Framsókn“. Nú segja Framsóknarmenn í Reykjavík að engin þörf sé fyrir flugvöllinn og virðist hinn nýi leiðtogi þegar hafa hafið störf með meirihlutanum. Þessir ráðamenn Framsóknar ætla þannig að slíta á samskipti við landsbyggðina og hundsa það mikilvæga samgöngu- og öryggishlutverk sem flugvöllurinn gegnir nú þegar öll áform um annan varaflugvöll eru í óvissu og jarðhræringar á Reykjanesi valda enn frekari óvissu um hvaða flugvellir séu yfir höfuð öruggir. Því hljóta menn að spyrja sig: Til hvers að kjósa Framsókn? Vanefndur samgöngusáttmáli En þetta er ekki einu svikin, Framsóknarflokkurinn í Reykjavík virðist hugsa nákvæmlega eins og meirihluti Dags B. Eggertssonar þegar kemur að samgöngumálum í höfuðborginni, þau eigi að snúast um óskir og nálgun meirihlutans en ekki vilja og þarfir allra borgarbúa. Samgöngusáttmálinn sem Framsókn skrifaði undir við borgina er í klakaböndum, vanefndur víða og á villigötum annars staðar. Umferðarmannvirki sem áttu að koma birtast ekki, tafir og ógöngur umferðarinnar aukast. Því hljóta menn að spyrja sig: Til hvers að kjósa Framsókn? Borgarlína án farþega Framsóknarflokkurinn virðist núna styðja hugmynd og útfærslu borgarstjórnarmeirihlutans um grjótþunga Borgarlínu til að fá "Glópagulls" viðurkenninguna, "BRT Gold". Það eru flestir búnir að átta sig á því að fokdýr Borgarlína með engum farþegum skilar engu nema samfélagslegu tapi öfugt við t.d. Sundabrautina sem Framsóknarflokkurinn segist vera búinn að samþykkja margoft án þess að framkvæmdir hefjist. Framsóknarmenn stýra samgöngumálum á landsvísu í núverandi ríkisstjórn, en í borginni eru þeir í hlekkjum meirihlutans í borginni. Nú lýsir oddviti flokksins í borginni yfir algjörum stuðningi við þau óheillaáform og ekki ólíklegt þar með að verða 5. hjólið undir borgarlínuvagni borgarstjóra. Því hljóta menn að spyrja sig: Til hvers að kjósa Framsókn? Húsnæðissáttmáli í stað húsnæðis Enginn veit hvað Framsókn vill í húsnæðismálum eftir síðasta útspil nýs leiðtoga Framsóknarflokksins í Reykjavík. Fyrir stuttu sagðist hann vera glaður vegna þess að borgarstjóri hefur lýst yfir áhuga sínum á einhverju lausnaplaggi sem hann kallar „húsnæðissáttmála“. Eftir að hafa vanrækt að útvega byggingarland og styðja við íbúðamarkaðinn kallar borgarstjóri eftir húsnæðissáttmála og Framsóknarflokknum dettur það helst í hug að fagna. Er það eitthvert fagnaðarefni að húsnæðis- og skipulagsmál eru komin í nýtt innviðaráðuneyti, þar sem sveitarstjórnar-, samgöngu- og byggðamál eru fyrir? Hefur Framsókn einhverjar lausnir eða sjálfstæðan vilja í þessum málum? Því hljóta menn að spyrja sig: Til hvers að kjósa Framsókn Loforð, en engin þjóðarhöll Framsóknarflokkurinn hefur nánast lofað í hverri viku síðustu misseri að þjóðarhöll og þjóðarleikvangur rísi. Ráðherrar flokksins virðast hafa talið sér til tekna að tala og tala um hana án þess að nokkuð gerist. Enginn hefur gengið lengra en Ásmundur Einar Daðason í því að lofa fjármunum til þess að byggja nýjan þjóðarleikvang fyrir fótbolta og annan fyrir handbolta. Í fjármálaáætlun blasir við að næstu ríkisstjórn er ætlað að leysa þau mál. Það gerist bara ekkert, frekar en með Sundabraut, enda hefur núverandi meirihluti í Reykjavík með borgarstjóra í broddi fylkingar nánast útilokað alla möguleika á þeirri framkvæmd. Því hljóta menn að spyrja sig: Til hvers að kjósa Framsókn? Málefni barna enn í ólestri Þegar Ásmundur Einar Daðason tók við félagsmálaráðuneytinu ákvað hann að endurskíra það barnamálaráðuneytið og hann hefur nú verið ráðherra málaflokksins í hartnær fimm ár. Þegar hann tók við var vandi biðlista allsráðandi. Þar er um að ræða lista yfir börn sem bíða eftir þjónustu í félagslega kerfinu og heilbrigðiskerfinu. Þrátt fyrir mikið tal og mikla fjölmiðlaathygli hefur það eitt gerst í þessum efnum að biðlistarnir hafa lengst á fimm ára valdatíma barnamálaráðherrans. Þó að hann hafi endurskoðað lög um málefni barna er árangursleysi hans í biðlistamálunum æpandi. Því hljóta menn að spyrja sig enn og aftur: Til hvers að kjósa Framsókn? Setjum X við M þann 14 maí næstkomandi. Höfundur er umferðarsérfræðingur og skipar 6. sæti á lista Miðflokksins til borgarstjórnar.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun