Ölvaðir ökumenn fjárhagslega ábyrgir fyrir afkomendum fórnarlamba

Það ætti ekki að þurfa að segja það, en ekki keyra undir áhrifum áfengis. Þjóðvegaöryggisráð Bandaríkjanna (NHTSA) áætlar að nærri 30 manns láti lífið á degi hverjum í Bandaríkjunum vegna ölvunaraksturs. Þessi atvik kosta 44 milljarða dollara á ári, eða um 5.707 milljarða íslenskra króna.

Tennessee fylki er að reyna að bregðast við þessum atvikum með því að gera ökumönnum sem valda dauða foreldris að halda börnum viðkomandi uppi fjárhagslega, þar til börnin verða fullorðin við 18 ára aldur.

Ekki er um hefðbundnar meðlagsgreiðslur, í þeim skilningi að þær taki að einhverju leyti mið af tekjum greiðenda. Greiðslurnar eru miðaðar við ýmsa utanaðkomandi þætti, til að mynda fjárhagslegum þörfum barnanna. Dómstólar hafa ákvörðunarvald um fjárhæðir stuðningsins.

Lögin bera nafn þriggja systkina, Ethan Haile og Bentley (e. Ethan, Haile, and Bentley's Law) sem eru börn lögreglumannsins Nicholas Galinger. Galinger var drepinn af ölvuðum ökumanni árið 2019.