Atvinnulíf

Það sem við eigum að forðast í samskiptum við yfirmanninn

Rakel Sveinsdóttir skrifar
Við getum skemmt fyrir okkur sjálfum ef við vöndum okkur ekki í samskiptum við yfirmann. Þótt vinskapur hafi myndast. Því hlutverk yfirmannsins er alltaf að meta starfsfólk og frammistöðu, ekki síst með tilliti til liðsheildar.
Við getum skemmt fyrir okkur sjálfum ef við vöndum okkur ekki í samskiptum við yfirmann. Þótt vinskapur hafi myndast. Því hlutverk yfirmannsins er alltaf að meta starfsfólk og frammistöðu, ekki síst með tilliti til liðsheildar. Vísir/Getty

Samskiptin okkar við yfirmenn geta verið af alls kyns toga. Stundum tengt okkur sjálfum eða starfinu okkar en stundum einfaldlega spjall eða samtöl um einhver verkefni.

Margir kynnast yfirmanninum sínum nokkuð vel og oft myndast góður vinskapur á milli.

Þó eru nokkur atriði sem gott er að hafa í huga í samskiptum við yfirmann. Hvort sem þau fara fram auglitis til auglitis, í síma eða í tölvupósti. 

Hér eru nokkur atriði sem ber að forðast.

Að vera neikvæð/ur í tali, óháð því hvert umræðuefnið er

Að kjafta um samstarfsfélaga þína

Að tala í hugsunarleysi eða af hvatvísi, í pirring og svo framvegis

Að taka því of persónulega ef yfirmaðurinn er að reyna að leiðbeina þér til góðs með gagnrýnni endurgjöf

Að sniðganga yfirmanninn þinn með því að tala beint við yfirboðara hans/hennar

Að hóta eða gefa í skyn að þú hættir EF eitthvað sem þú vilt nær ekki fram að ganga

Að neita verkefnum eða sinna þeim ekki, án rökstuðnings

Að vera of sjálfhverf/ur í tali, láta egóið skína í gegn (monta þig)

Að vera með minnimáttakennd því yfirmaðurinn er hærra sett/ur en þú

Í samskiptum gildir það almennt að það sem við segjum eða hvernig við hegðum okkur og komum fram við fólk, segir fyrst og fremst allt um okkur en ekkert um annað fólk.

Að vanda sig í samskiptum við stjórnendur snýst því ekkert um boð og bönn, heldur eingöngu það að skemma ekki fyrir okkur sjálfum. Því hlutverk stjórnandans er alltaf að meta starfsfólk með tilliti til liðsheildar og árangurs. 


Tengdar fréttir

Þegar snobbaðir vinnufélagar fara í taugarnar á þér

Það er með ólíkindum hvernig hugurinn getur fengið okkur til að eyða orku að óþörfu. Mjög oft þá að láta eitthvað í fari annarra fara óskaplega í taugarnar á okkur. Til dæmis þeirra snobb.

Að vera óánægður í nýju vinnunni

Á tímum heimsfaraldurs upplifa flestir þakklæti fyrir það að hafa vinnu og framfærsluöryggi. Og þeir sem hafa upplifað atvinnuleysi, eru ekki síst þakklátir þegar þeir fá loksins starf. En hvað ef okkur líður þannig að við erum svo óánægð í nýju vinnunni? 

Góð ráð fyrir fólk sem þolir ekki yfirmanninn

Það getur verið erfitt að vera í vinnu þar sem þú þolir ekki yfirmanninn þinn. Þetta er þó algengari staða en marga grunar. Þannig sýna niðurstöður kannana Gallup í Bandaríkjunum að þar hefur um helmingur útivinnandi fólks hætt í einhverju starfi, vegna þess að það þoldi ekki yfirmanninn. Sömu sögu er að segja frá Evrópu þar sem hlutfallið mælist hærra, sem og í Asíu, Miðausturlöndunum og Afríku.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×