Bílar

41 milljón króna úri rænt af úlnlið Charles Leclerc

Kristinn Ásgeir Gylfason skrifar
Charles Leclerc
Charles Leclerc EPA-EFE/JOEL CARRETT

Formúlu 1 ökumaðurinn Charles Leclerc, sem ekur fyrir Ferrari liðið og leiðir heimsmeistaramótið eftir þrjár fyrstu keppnirnar varð fyrir því að Richard Mille úri var stolið af úlnlið hans. Úrið kostar 320.000 dollara eða um 41,5 milljón króna. Meira en margir Ferrari bílar.

Hinn 24 ára ökumaður var rændur úrinu á mánudagskvöld í Viareggio í Toskana á Ítalíu. Hópur aðdáenda hópaðist að Leclerc með von um myndir og eiginhandaráritanir. Þegar hópurinn dreifði úr sér aftur tók Leclrec eftir því að úrið var horfið.

Yfirvöld eru að rannsaka málið og hugsanlega hvort hópurinn hafi unnið saman að því að rugla í ökumanninum og dreifa athygli hans og ná þannig úrinu af honum.

Úrið er af gerðinni Richard Mille RM 67-02 úr koltrefjum og títaníum og er því frekar létt á úlnliðnum. Ólin er úr teygjuefni og er ekki með smellu. Það má því ætla að það geti verið auðvelt að ná því af án þess að hafa of mikið fyrir því.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.