Leikjavísir

Staðfesta loks framleiðslu nýs GTA-leikjar

Samúel Karl Ólason skrifar
GTA V hefur notið gífurlegra vinsælda í nærri því áratug.
GTA V hefur notið gífurlegra vinsælda í nærri því áratug.

Framleiðsla nýs leikjar í Grand Theft Auto seríunni sem notið hefur gífurlegra vinsælda í áratugi er hafin og jafnvel vel á veg komin. Forsvarsmenn fyrirtækisins Rockstar staðfestu fyrst í dag að svo væri en fjölmargir orðrómar hafa verið á kreiki undanfarna mánuði.

Í yfirlýsingu sem birt var á Twitter á fjórða tímanum í dag segir að við framleiðslu allra leikja Rockstar sé það markmið starfsmanna að gera betur en áður.

„Það gleður okkur að staðfesta að framleiðsla næsta leikjar í seríunni er hafin.“ Í tístinu segir einnig að frekari upplýsingar verði veittar um leið og það sé hægt.

Sambærileg yfirlýsing var birt á vef Rockstar en þar er að mestu verið að fjalla um GTA V. Í lok hennar segir þó að framleiðsla GTA 6 sé „vel á veg komin“. 

GTA V er einhver vinsælasti tölvuleikur heimsins og árið 2018 náði leikurinn þeim áfanga að verða arðbærasta skemmtanaafurð sögunnar. Þá höfðu Rockstar og Take Two þénað um sex milljarða dala af honum.

Framleiðslukostnaður leiksins var 265 milljónir dala, sem gerði hann að dýrasta tölvuleik sem hefur verið gerður.

Leikurinn var fyrst gefinn út árið 2013. Hann var fyrst gefinn út fyrir PlayStation 3 og Xbox 360. Hann var svo seinna uppfærður fyrir PS4 og Xbox One og svo enn seinna fyrir PC-tölvur. Nú er verið að gefa leikinn út enn eina ferðina fyrir PS5 og Xbox Series X.

Sjá einnig: Segja langt í útgáfu GTA 6, allt of langt

Enn er ekkert vitað með vissu um sögusvið GTA 6 en orðrómur um að spilarar gætu verið að heimsækja borgina Vice City á nýjan leik hefur verið hávær.


Tengdar fréttir

Franklin snýr aftur í GTA og Dr Dre einnig

Leikjafyrirtækið Rockstar opinberaði í dag nýja uppfærslu við Grand Theft Auto Online sem inniheldur nýja sögu um eina af aðalpersónum upprunalega leiksins og rapparans Dr. Dre. Franklin snýr aftur í leiknum og spilarar þurfa að hjálpa honum og rapparanum að gefa út ný lög.

GTA Trilogy: Fóru framúr sjálfum sér

„Fokk it. Þetta verður bara að duga.“ Þetta ímynda ég mér að forsvarsmenn Rockstar hafi sagt um nýútgefna endurgerð klassísku leikjanna GTA III (2001), GTA Vice City (2002) og GTA San Andreas (2004). Endurgerðin ber hinn einfalda og ljóðræna titil Grand Theft Auto: The Trilogy – The Definitive Edition.

Gefa GTA V út í nóvember, enn eina ferðina

Leikjafyrirtækið Rockstar tilkynnti í dag að Grand Theft Auto 5 myndi koma út í uppfærðri útgáfu í nóvember. Þá væri hann sniðinn að nýjustu kynslóð leikjatölva Microsoft og Sony.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.