Horft til framtíðar um áramót Jón Björn Hákonarson skrifar 31. desember 2021 09:01 Nú við áramót, þegar enn eitt árið hefur þotið hjá, er við hæfi að horfa til nýs árs með þeim verkefnum sem áætluð eru hjá sveitarfélaginu Fjarðabyggð á komandi ári. Framundan er að venju viðburðaríkt ár en verkefni sveitarfélagins á hinum ýmsu sviðum eru mörg. Hér á eftir ætla ég að horfa aðeins til framtíðar og fara i stuttu máli yfir helstu verkefni ársins sem framundan er. Það er ástæða til bjartsýni, okkar kraftmikla samfélag er byggt á traustum grunni og því enginn ástæða til annars en að horfa björtum augum á verkefni ársins. Fjárhagsáætlun Fjarðabyggð – byggt á traustum grunni Nú í lok nóvember var fjárhagsáætlun Fjarðabyggðar fyrir árið 2022, ásamt þriggja ára áætlun 2023 – 2025 samþykkt í bæjarstjórn Fjarðabyggðar. Það er alltaf ákveðinn áfangi þegar vinnu við fjárhagsáætlun lýkur enda liggur á bak við hana mikil vinna, bæði frá starfsmönnum og kjörnum fulltrúum. Og það er ánægjulegt að sjá að fjárhagsáætlun Fjarðabyggðar fyrir árið 2022 sýnir sterka stöðu sveitarfélagsins til framtíðar litið. Góð samstaða var meðal allra flokka í bæjarstjórn Fjarðabyggðar um áætlunina og var hún samþykkt samhljóða á fundi bæjarstjórnar þann 28. nóvember. Það er afar mikilvægt að góð samstaða ríki meðal bæjarfulltrúa um jafn stórt mál og fjárhagsáætlun er og gefur það henni aukið vægi að allir flokkar standi að henni. Auknar tekjur kalla á öflugt utanumhald í rekstri Með tilkomu loðnuveiða veturinn 2021 og síðan aukins loðnukvóta sem gefin var út á haustmánuðum 2021 er ljóst að tekjur sveitarfélagsins munu aukast bæði í bæjarsjóði og hafnarsjóði. Þrátt fyrir að þessi aukning í loðnuveiðum fylli samfélagið allt bjartsýni þá er það mat sveitarfélagsins að tekjuspá þessi sé eigi að síður varfærin. Gert er ráð fyrir að staðgreiðslutekjur vaxi um 12% frá árinu 2021 og tekjur hafnarsjóðs um 28%. Þrátt fyrir að útlit sé fyrir að tekjur sveitarfélagsins muni aukast næsta ári, er mikilvægt að missa ekki sjónar af því markmiði að utanumhald í rekstri sveitarfélagsins sé gott. Mikið hefur verið rýnt í rekstur þess á því ári sem nú er að renna skeið sitt á enda líkt og liðin ár til að greina hvert hann stefnir og hvernig sem best sé að hlutum staðið. Ljóst er launakostnaður fer hækkandi með styttingu vinnuvikunnar en metnaður bæjarstjórnar er til þess að þjónustustig sveitarfélagsins sé óbreytt og hefur því verið mætt í áætlun komandi árs. Vel þarf að halda utan um mannauð sveitarfélagsins og hefur bæjarstjórn markað sér stefnu í þeim málum sem komin er til framkvæmda. Sérstök áhersla er nú lögð á starfsmannamál með hliðsjón af líðan starfsmanna á vinnustað og fyrirbyggjandi aðgerðum sem hægt er að grípa inn í til að varna fjarvistum. Er það von okkar að ráðstafanir þessar skili sér í betri líðan og starfsánægju starfsmanna sem er meginatriði okkar sem vinnuveitanda og til framtíðar skili fjárhagslegum ávinningi einnig. Þá verður einnig lögð áhersla á innkaupamál sveitarfélagsins á komandi ári og horft til þess að skoða kaup á þjónustu og vörum með það fyrir augum að auka kostnaðarvitund stjórnenda og starfsmanna auk þess að tryggja betur að sveitarfélagið njóti ávallt sem hagstæðustu kjara. Áherslur sem þessar eru mjög mikilvægar með hliðsjón af fjárhag sveitarfélagsins til framtíðar litið enda eru þessir málaflokkar stórir í því tilliti. Þá er mikilvægt að nálgast þá með langtímahagsmuni að leiðarljósi frekar en ráðast í stórtækan skammtímaniðurskurð sem til framtíðar skilar ekki árangri í rekstri. Fjárfest til framtíðar Þrátt fyrir að sveitarfélagið hafi staðið í miklum fjárfestingum síðustu ár og hyggi á áframhald í þeim efnum þá er ekki gert ráð fyrir lántökum í áætlun ársins 2022. Það er afar mikilvægt markmið til framtíðar litið að stilla fjárfestingar í takt við rekstur þess á hverjum tíma. Gert er ráð fyrir að fjárfestingar í A- og B- hluta verði samtals um 900 milljónir króna. Fjárfestingar í íþróttamannvirkjum og skólamannvirkjum eru þar að venju fyrirferðamikilar, en einnig önnur verkefni. Meðal helstu verkefna sem framundan eru má nefna að lokið verður við byggingu nýs íþrótthúss á Reyðarfirði. Þá verður haldið áfram með endurbætur á Félagslundi sem verður samvinnuhús fyrir félagsmiðstöð og sal leikskóla í takt við þá stefnumörkun bæjarstjórnar að nýta húsnæði sveitarfélagsins sem best. Þá verður farið í fyrsta áfanga að endurbótum á lóð Nesskóla sem beðið hefur lengi ásamt ýmsum öðrum verkefnum vítt og breitt um sveitarfélagið. Fyrirhuguð stækkun á leikskólanum Dalborg á Eskifirði er á dagskrá. Verkið var boðið út nú á haustdögum 2021, en það voru mikil vonbrigði að engin tilboð bárust þá í verkið sem sýnir vel þá miklu þenslu sem er nú í atvinnulífinu í sveitarfélaginu. Þrátt fyrir að mikil umsvif samfélagsins séu gleðiefni þá setur það sveitarfélaginu skorður í uppbyggingu innviða sinna. Farið verður í annað útboð í byrjun nýs árs sem vonandi leiðir til að viðunandi tilboð komi í verkið Aðalfjárfesting Fjarðabyggðarhafna 2022 verður áframhaldandi vinna við höfninni á Eskifirði þar sem stefnt er að því að ljúka bryggjunni við fiskiðjuver og frystigeymslu Eskju. Fjölskyldur í fyrirrúmi Eins og verið hefur undanfarin ár leggur fjárhagsáætlun sveitarfélagsins áfram áherslu á velferð fjölskyldufólks í Fjarðabyggð. Fæðisgjaldskrá grunnskóla og gjaldskrá leik- og tónlistarskóla standast vel samanburð við önnur sveitarfélög með systkinaafslætti , sem og afsláttarkjörum milli frístundaheimila og leikskóla. Systkinaafsláttur leikskólagjalda ásamt tónlistarskólagjöldum er með því hagstæðasta sem gerist á landinu. Þá eru skólamáltíðir í Fjarðabyggð orðnar gjaldfrjálsar frá og með haustinu 2021. Á árinu 2022 verður stigið fyrsta skrefið við innleiðingu á íþrótta- og tómstundastyrkjum handa börnum og ungmennum í Fjarðabyggð. Greiddur verður 10 þúsund króna styrkur á hvert barn sem innheimtur verður í gegnum viðkomandi félag. Er það von okkar að þetta verði til að styrkja þátttöku barna og ungmenna í íþrótta- og tómstundastarfi um leið og félögin sjálf. Innleiðing Spretts, sem er þverfaglegt teymi sérfræðinga, er kominn vel á veg. Þar er lögð áhersla á snemmtæka íhlutun með það að markmiði að bæta utanumhald þeirra sem þurfa á stuðningi að halda sem stuðlar að betri lífsgæðum og lækkun kostnaðar til framtíðar litið. Með verkefninu er nú samþætt starfsemi skólaþjónustu, Heilbrigðisstofnunar Austurlands, skólanna í Fjarðabyggð og félagsþjónustu. Á haustdögum 2021 var hleypt af stokkunum nýju kerfi almenningssamganga í Fjarðabyggð sem tengir sveitarfélagið frá Breiðdal til Norðfjarðar með reglulegum ferðum og með tengingu við ferju til Mjóafjarðar. Er þetta mjög mikilvægt skref til að auðvelda íbúum að sækja hvort sem er atvinnu, íþróttir, menningu og félagslíf eða nám þvert á sveitarfélagið. Öll þessi verkefni sýna að velferð fjölskyldna er í fyrrirúmi í öllum áætlunum sveitarfélagsins og hér eftir sem hingað til mun áhersla verða lögð á að þjónusta við fjölskyldufólk í Fjarðabyggð verði framúrskarandi. Framtíðin er björt! Sýnt er að sterkir innviðir sveitarfélagsins vekja áhuga fjárfesta. Undanfarna mánuði hefur talsvert verið fjallað um viljayfirlýsingar sem sveitarfélagið gerði við Landsvirkjun og Copenhagen Infrastruktur Partner, ásamt fleiri hugsanlegum samstarfsaðilum, um uppbyggingu græns orkugarðs þar sem höfuðáhersla verður á framleiðslu rafeldsneytis ásamt öðrum spennandi grænum fjárfestingarverkefnum. Hér er á ferðinni mjög mikilvægt verkefni sem renna mun enn frekar stoðum undir uppbyggingu í sveitarfélaginu um leið og þetta er mikilvægt umhverfismál með orkuskipti samfélagsins og baráttuna við loftslagsvána í huga. Mun sveitarfélagið leggja mikla áherslu á þróun þessa verkefnis á árinu 2022 enda er það markmið okkar að Fjarðabyggð verði miðstöð fyrir framleiðslu rafeldsneytis á Íslandi. Allt þetta sýnir, að mínu mati, sterka stöðu Fjarðabyggðar til framtíðar litið sem við getum verið stolt af og höldum því til fundar við nýtt ár með bjartsýni að leiðarljósi. Ég vill nota tækifærið og óska íbúum Fjarðabyggðar, sem og landsmönnum öllum, gleðilegs og farsæls nýs árs með þökk fyrir það sem er að renna sitt skeið á enda. Höfundur er bæjarstjóri Fjarðabyggðar. Viltu birta grein á Vísi? Sendu okkur póst. Senda grein Jón Björn Hákonarson Fjarðabyggð Mest lesið Daði Már týnir sjálfum sér Heiðrún Lind Marteinsdóttir Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun 140 sinnum líklegra að verða fyrir eldingu Sigurður G. Guðjónsson Skoðun Stéttarkerfi Halldóra Lillý Jóhannsdóttir Skoðun Verðmætasköpun án virðingar Berglind Harpa Svavarsdóttir Skoðun Traust í húfi Eyjólfur Ármannsson Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Æfingin skapar meistarann! Sigurjón Már Fox Gunnarsson Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun Skoðun Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Skoðun Búum til pláss fyrir framtíðina Birna Þórarinsdóttir skrifar Skoðun Hættuleg ofnotkun svefnlyfja á Íslandi Drífa Sigfúsdóttir skrifar Skoðun Kveikjum neistann um allt land Kolbrún Áslaugar Baldursdóttir skrifar Skoðun Ætlar Ísland að fara sömu leið og Evrópa í útlendingamálum? Kári Allansson skrifar Skoðun Samtökin 78 verðlauna sögufölsun Böðvar Björnsson skrifar Skoðun Afstaða – á vaktinni í 20 ár Arndís Vilhjálmsdóttir,Guðbjörg Sveinsdóttir skrifar Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar Skoðun Varað við embætti sérstaks saksóknara Gestur Jónsson skrifar Skoðun Út af sporinu en ekki týnd að eilífu María Helena Mazul skrifar Skoðun Meira að segja formaður Viðreisnar Hjörtur J. Guðmundsson skrifar Sjá meira
Nú við áramót, þegar enn eitt árið hefur þotið hjá, er við hæfi að horfa til nýs árs með þeim verkefnum sem áætluð eru hjá sveitarfélaginu Fjarðabyggð á komandi ári. Framundan er að venju viðburðaríkt ár en verkefni sveitarfélagins á hinum ýmsu sviðum eru mörg. Hér á eftir ætla ég að horfa aðeins til framtíðar og fara i stuttu máli yfir helstu verkefni ársins sem framundan er. Það er ástæða til bjartsýni, okkar kraftmikla samfélag er byggt á traustum grunni og því enginn ástæða til annars en að horfa björtum augum á verkefni ársins. Fjárhagsáætlun Fjarðabyggð – byggt á traustum grunni Nú í lok nóvember var fjárhagsáætlun Fjarðabyggðar fyrir árið 2022, ásamt þriggja ára áætlun 2023 – 2025 samþykkt í bæjarstjórn Fjarðabyggðar. Það er alltaf ákveðinn áfangi þegar vinnu við fjárhagsáætlun lýkur enda liggur á bak við hana mikil vinna, bæði frá starfsmönnum og kjörnum fulltrúum. Og það er ánægjulegt að sjá að fjárhagsáætlun Fjarðabyggðar fyrir árið 2022 sýnir sterka stöðu sveitarfélagsins til framtíðar litið. Góð samstaða var meðal allra flokka í bæjarstjórn Fjarðabyggðar um áætlunina og var hún samþykkt samhljóða á fundi bæjarstjórnar þann 28. nóvember. Það er afar mikilvægt að góð samstaða ríki meðal bæjarfulltrúa um jafn stórt mál og fjárhagsáætlun er og gefur það henni aukið vægi að allir flokkar standi að henni. Auknar tekjur kalla á öflugt utanumhald í rekstri Með tilkomu loðnuveiða veturinn 2021 og síðan aukins loðnukvóta sem gefin var út á haustmánuðum 2021 er ljóst að tekjur sveitarfélagsins munu aukast bæði í bæjarsjóði og hafnarsjóði. Þrátt fyrir að þessi aukning í loðnuveiðum fylli samfélagið allt bjartsýni þá er það mat sveitarfélagsins að tekjuspá þessi sé eigi að síður varfærin. Gert er ráð fyrir að staðgreiðslutekjur vaxi um 12% frá árinu 2021 og tekjur hafnarsjóðs um 28%. Þrátt fyrir að útlit sé fyrir að tekjur sveitarfélagsins muni aukast næsta ári, er mikilvægt að missa ekki sjónar af því markmiði að utanumhald í rekstri sveitarfélagsins sé gott. Mikið hefur verið rýnt í rekstur þess á því ári sem nú er að renna skeið sitt á enda líkt og liðin ár til að greina hvert hann stefnir og hvernig sem best sé að hlutum staðið. Ljóst er launakostnaður fer hækkandi með styttingu vinnuvikunnar en metnaður bæjarstjórnar er til þess að þjónustustig sveitarfélagsins sé óbreytt og hefur því verið mætt í áætlun komandi árs. Vel þarf að halda utan um mannauð sveitarfélagsins og hefur bæjarstjórn markað sér stefnu í þeim málum sem komin er til framkvæmda. Sérstök áhersla er nú lögð á starfsmannamál með hliðsjón af líðan starfsmanna á vinnustað og fyrirbyggjandi aðgerðum sem hægt er að grípa inn í til að varna fjarvistum. Er það von okkar að ráðstafanir þessar skili sér í betri líðan og starfsánægju starfsmanna sem er meginatriði okkar sem vinnuveitanda og til framtíðar skili fjárhagslegum ávinningi einnig. Þá verður einnig lögð áhersla á innkaupamál sveitarfélagsins á komandi ári og horft til þess að skoða kaup á þjónustu og vörum með það fyrir augum að auka kostnaðarvitund stjórnenda og starfsmanna auk þess að tryggja betur að sveitarfélagið njóti ávallt sem hagstæðustu kjara. Áherslur sem þessar eru mjög mikilvægar með hliðsjón af fjárhag sveitarfélagsins til framtíðar litið enda eru þessir málaflokkar stórir í því tilliti. Þá er mikilvægt að nálgast þá með langtímahagsmuni að leiðarljósi frekar en ráðast í stórtækan skammtímaniðurskurð sem til framtíðar skilar ekki árangri í rekstri. Fjárfest til framtíðar Þrátt fyrir að sveitarfélagið hafi staðið í miklum fjárfestingum síðustu ár og hyggi á áframhald í þeim efnum þá er ekki gert ráð fyrir lántökum í áætlun ársins 2022. Það er afar mikilvægt markmið til framtíðar litið að stilla fjárfestingar í takt við rekstur þess á hverjum tíma. Gert er ráð fyrir að fjárfestingar í A- og B- hluta verði samtals um 900 milljónir króna. Fjárfestingar í íþróttamannvirkjum og skólamannvirkjum eru þar að venju fyrirferðamikilar, en einnig önnur verkefni. Meðal helstu verkefna sem framundan eru má nefna að lokið verður við byggingu nýs íþrótthúss á Reyðarfirði. Þá verður haldið áfram með endurbætur á Félagslundi sem verður samvinnuhús fyrir félagsmiðstöð og sal leikskóla í takt við þá stefnumörkun bæjarstjórnar að nýta húsnæði sveitarfélagsins sem best. Þá verður farið í fyrsta áfanga að endurbótum á lóð Nesskóla sem beðið hefur lengi ásamt ýmsum öðrum verkefnum vítt og breitt um sveitarfélagið. Fyrirhuguð stækkun á leikskólanum Dalborg á Eskifirði er á dagskrá. Verkið var boðið út nú á haustdögum 2021, en það voru mikil vonbrigði að engin tilboð bárust þá í verkið sem sýnir vel þá miklu þenslu sem er nú í atvinnulífinu í sveitarfélaginu. Þrátt fyrir að mikil umsvif samfélagsins séu gleðiefni þá setur það sveitarfélaginu skorður í uppbyggingu innviða sinna. Farið verður í annað útboð í byrjun nýs árs sem vonandi leiðir til að viðunandi tilboð komi í verkið Aðalfjárfesting Fjarðabyggðarhafna 2022 verður áframhaldandi vinna við höfninni á Eskifirði þar sem stefnt er að því að ljúka bryggjunni við fiskiðjuver og frystigeymslu Eskju. Fjölskyldur í fyrirrúmi Eins og verið hefur undanfarin ár leggur fjárhagsáætlun sveitarfélagsins áfram áherslu á velferð fjölskyldufólks í Fjarðabyggð. Fæðisgjaldskrá grunnskóla og gjaldskrá leik- og tónlistarskóla standast vel samanburð við önnur sveitarfélög með systkinaafslætti , sem og afsláttarkjörum milli frístundaheimila og leikskóla. Systkinaafsláttur leikskólagjalda ásamt tónlistarskólagjöldum er með því hagstæðasta sem gerist á landinu. Þá eru skólamáltíðir í Fjarðabyggð orðnar gjaldfrjálsar frá og með haustinu 2021. Á árinu 2022 verður stigið fyrsta skrefið við innleiðingu á íþrótta- og tómstundastyrkjum handa börnum og ungmennum í Fjarðabyggð. Greiddur verður 10 þúsund króna styrkur á hvert barn sem innheimtur verður í gegnum viðkomandi félag. Er það von okkar að þetta verði til að styrkja þátttöku barna og ungmenna í íþrótta- og tómstundastarfi um leið og félögin sjálf. Innleiðing Spretts, sem er þverfaglegt teymi sérfræðinga, er kominn vel á veg. Þar er lögð áhersla á snemmtæka íhlutun með það að markmiði að bæta utanumhald þeirra sem þurfa á stuðningi að halda sem stuðlar að betri lífsgæðum og lækkun kostnaðar til framtíðar litið. Með verkefninu er nú samþætt starfsemi skólaþjónustu, Heilbrigðisstofnunar Austurlands, skólanna í Fjarðabyggð og félagsþjónustu. Á haustdögum 2021 var hleypt af stokkunum nýju kerfi almenningssamganga í Fjarðabyggð sem tengir sveitarfélagið frá Breiðdal til Norðfjarðar með reglulegum ferðum og með tengingu við ferju til Mjóafjarðar. Er þetta mjög mikilvægt skref til að auðvelda íbúum að sækja hvort sem er atvinnu, íþróttir, menningu og félagslíf eða nám þvert á sveitarfélagið. Öll þessi verkefni sýna að velferð fjölskyldna er í fyrrirúmi í öllum áætlunum sveitarfélagsins og hér eftir sem hingað til mun áhersla verða lögð á að þjónusta við fjölskyldufólk í Fjarðabyggð verði framúrskarandi. Framtíðin er björt! Sýnt er að sterkir innviðir sveitarfélagsins vekja áhuga fjárfesta. Undanfarna mánuði hefur talsvert verið fjallað um viljayfirlýsingar sem sveitarfélagið gerði við Landsvirkjun og Copenhagen Infrastruktur Partner, ásamt fleiri hugsanlegum samstarfsaðilum, um uppbyggingu græns orkugarðs þar sem höfuðáhersla verður á framleiðslu rafeldsneytis ásamt öðrum spennandi grænum fjárfestingarverkefnum. Hér er á ferðinni mjög mikilvægt verkefni sem renna mun enn frekar stoðum undir uppbyggingu í sveitarfélaginu um leið og þetta er mikilvægt umhverfismál með orkuskipti samfélagsins og baráttuna við loftslagsvána í huga. Mun sveitarfélagið leggja mikla áherslu á þróun þessa verkefnis á árinu 2022 enda er það markmið okkar að Fjarðabyggð verði miðstöð fyrir framleiðslu rafeldsneytis á Íslandi. Allt þetta sýnir, að mínu mati, sterka stöðu Fjarðabyggðar til framtíðar litið sem við getum verið stolt af og höldum því til fundar við nýtt ár með bjartsýni að leiðarljósi. Ég vill nota tækifærið og óska íbúum Fjarðabyggðar, sem og landsmönnum öllum, gleðilegs og farsæls nýs árs með þökk fyrir það sem er að renna sitt skeið á enda. Höfundur er bæjarstjóri Fjarðabyggðar.
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun