Bílar

13 nýjar rafhlöðuverksmiðjur í Bandaríkjunum árin fyrir lok árs 2025

Kristinn Ásgeir Gylfason skrifar
Gígaverksmiðja 3 - sem vissulega er í Sjanghæ, ekki Texas.
Gígaverksmiðja 3 - sem vissulega er í Sjanghæ, ekki Texas. Getty

Ætla má að þriðji áratugur 20. aldar muni einkennast af rafhlöðuæði. Til stendur að reisa 13 nýjar rafhlöðuverksmiðjur í Bandaríkjunum fyrir árslok 2025. Hingað til er Gígaverksmiðja Tesla í Nevada sú stærsta. Mikil eftirspurn er eftir rafhlöðum í rafbíla. Áætlað er að framleiðslan muni tífaldast á næstu fimm árum.

Um er að ræða verksmiðjur sem framleiða rafhlöður sem notaðar verða í rafbíla. Þessari 13 verksmiðjur eru einungis það sem formlega hefur verið tilkynnt, enn er tími til að bæta við verkefnum á listann fyrir árslok 2025.

Ford, General Motors, SKJ Innovation, Stellantis, Toyota, LG og Samsung eru þau fyrirtæki sem ætla sér að reisa verksmiðjurnar. Volkswagen hefur einnig tilkynnt um áætlanir um smíði verksmiðju en nákvæm tímasetning hefur ekki verið tilkynnt.

Miðað við uppgefnar áætlanir munu þessar nýju verksmiðjur framleiða rafhlöður sem skila meira en 300 GWh á ári eftir árið 2025. Þar með er ekki talið hið stóra verkefni sem Tesla vinnur að í Texas með 4680-gerðina af sívölum rafhlöðum. Sú Gígaverksmiðja gæti skilað upp undir 100 GWh á ári í framleiðslugetu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.