Albumm

Fortíð hittir nútíð

Steinar Fjeldsted skrifar

Hljómsveitin ÞAU voru að gefa út tvö ný lög af væntanlegri plötu. Einnig mun sveitin halda tónleika í Bæjarbíó í lok desember. ÞAU eru Rakel Björk Björnsdóttir og Garðar Borgþórsson. (Rakel og Gaddi)

Um er að ræða frumsamda tónlist eftir ÞAU við ljóð eftir vestfirsk skáld. Hjörtur Ingvi Jóhannsson spilar með okkur á píanó í þessum tveimur lögum: Glóey (texti e. Ólínu Þorvarðardóttur) Alltaf er einhver sem grætur (texti e. Jakobínu Sigurðardóttur).

ÞAU koma fram Bæjarbíói þann 27. desember og flytja ný lög. Tónleikarnir eru framhald af tónleikaröðinni „ÞAU taka Vestfirði“ sem haldin var á Vestfjörðum í sumar, auk þess sem útgáfa efnisins á 12 laga plötu er væntanleg í febrúar. Á tónleikunum koma ÞAU fram ásamt píanóleikaranum Agnari Má Magnússyni. Lögin eru flutt í eins konar sögumannsstíl þar sem saga ljóðsins fleytir lögunum áfram í rokkuðum, blúsuðum og ljúfum tónum.

Lögin og ljóðin veita innsýn í sögu, menningu og líf fólks í landinu okkar á ólíkum tímum. Hér sameinast gamlar raddir og ungar í blóma. Fortíð hittir nútíð og ljóðin öðlast framhaldslíf í vönduðum tónlistarflutningi. Höfundar ljóðanna eru m.a. Eiríkur Örn Norðdahl, Halla skáldkona, Jakobína Sigurðardóttir, Jón úr Vör, Ólína Þorvarðardóttir og Steinn Steinarr.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í albumm@albumm.is.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.