Samantekt COP26 Jan Erik Saugestad skrifar 15. desember 2021 08:01 Jarðefnaeldsneytisnotkun sætir takmörkunum, náttúran sett í forgang – frekari skerpingar á markmiðum á döfinni Þótt COP26-ráðstefnan hafi verið árangursrík vantar enn upp á að aðildarlöndin komi sér saman um stefnu er leggur grunninn að áþreifanlegum skuldbindingum sem geri okkur kleift að ná markmiðum Parísarsáttmálans um að takmarka hitnun jarðar við 1,5°C. Samningi hefur verið náð, þótt ófullkominn sé, og hann hefur raunveruleg áhrif á atvinnulífið. Við lítum svo á að COP26-samningurinn geri vel stæðum fyrirtækjum kleift að njóta ávinnings af því að vera opin og heiðarleg um það hvernig þeim vegni á vegferð sinni að aukinni sjálfbærni, og að fjárfesta samkvæmt sjálfbærnimarkmiðum. Í stórum dráttum lítur þetta út svona: Jarðefnaeldsneyti sett til hliðar Notkun kola er að líða undir lok. Í fyrsta skipti hafa kol verið nefnd sérstaklega í lokaákvörðun COP. Helsta einkenni samningsins er skýrt loforð um að „skipta yfir í orkukerfi sem minnki útblástur, m.a. með því að hraða þróun aðgerða sem stuðli að framleiðslu hreinnar orku og bættri orkunýtni, auk þess að draga hraðar úr notkun kola til orkuframleiðslu og sömuleiðis að draga úr óskilvirkum styrkjum sem stuðli að notkun jarðefnaeldsneytis.“ Samningurinn kallar á endalok „óskilvirkra jarðefnaeldsneytisstyrkja“ en án þess að tilgreina tímasetningar eða útskýra hvað „óskilvirkur“ þýði. Í ákvæðinu er einnig viðurkennt að þörf sé á því að styðja starfsfólk í þessum atvinnugreinum svo það geti fundið aðra vinnu. Yfir 40 ríki hafa samþykkt að draga úr notkun kola, sem eru meginorsök loftslagsbreytinga og voru notuð til að framleiða um 37% raforku í heiminum árið 2019. Mörg þau ríki sem eru mest háð kolum, þ.m.t. Ástralía, Indland, Kína og Bandaríkin, hafa ekki skuldbundið sig til að minnka notkun þeirra. Mikil minnkun á útblæstri metans Um 100 ríki hafa samþykkt áætlun um að minnka útblástur metans um 30% frá núverandi gildum fyrir árið 2030. Metan er ein stórvirkasta gróðurhúsalofttegund sem til er og er völd að þriðjungi jarðhlýnunar af manna völdum. Meirihluti metanútblásturs kemur frá margvíslegri starfsemi, svo sem nautgriparækt og förgun úrgangs. Stórþjóðir eins og Kína, Rússland og Indland hafa ekki enn skrifað undir samninginn þótt þær beri ábyrgð á stórum hluta metanútblásturs, en vonir standa til að þær skrifa undir síðar. Reglur um kolefnismarkað fela í sér tækifæri til fjárfestinga COP26-samningurinn gerir þjóðum kleift að ná hluta loftslagsmarkmiða sinna með því að kaupa svokallaða útblástursinneign þeirra sem hafa dregið úr útblæstri. Slík viðskipti geta fjármagnað verkefni að virði billjóna bandaríkjadala í tengslum við skógarvernd, þróun og eflingu endurnýtanlegrar orku og aðrar aðgerðir gegn loftslagsbreytingum. Þetta viðskiptafyrirkomulag er einn kafli í svo kallaðri Reglubók Parísarsáttmálans sem er loksins fullbúinn. Með reglunum sem samþykktar hafa verið er hægt að þróa markað fyrir einingar sem endurspegli minnkun á útblæstri og megi fara kaupum og sölum á markaði samkvæmt 6. grein samningsins. Markmiðið er að koma í veg fyrir tvítalningu inneignar og undanskilja inneign frá því fyrir árið 2013 í því skyni að tryggja að áhersla sé á nýrri inneign sem leiði til raunverulegrar minnkunar á útblæstri. Náttúran og skógareyðing settar í forgang Náttúran skipaði mikilvægan sess á dagskrá COP-ráðstefnunnar, auk sameiginlegs sjónarmiðs um að líffræðileg fjölbreytni sé jafn mikil áskorun og loftslagsmál og að þau séu tengdir þættir. Leiðtogar frá fleiri en 100 ríkjum heims sem hafa að geyma um 85% skóglendis jarðarinnar lofuðu að stöðva skógareyðingu fyrir árið 2030. Fyrri átaksverkefni af svipuðu tagi hafa ekki stöðvað eyðingu skóga en í þetta skipti er málefnið betur fjármagnað en áður. Hins vegar er ekki komið á hreint hvernig eftirliti með loforðunum verði háttað. Fjármálafyrirtæki hafa stigið fram til stuðnings skógarverndar. Í þessari viku hafa þrjátíu og þrjú leiðandi fjármálafyrirtæki með um 8,7 billjónir bandaríkjadala í stýringu skuldbundið sig til að binda enda, fyrir árið 2025, á fjárfestingum í landbúnaðarhráefni sem stuðli að skógareyðingu. Einhver fjármögnun til sanngjarna orkuskipta Í samningnum er viðurkennt að þörf sé á því að „styðja við þá fátækustu og viðkvæmustu m.t.t. ríkisaðstæðna og að viðurkenna nauðsyn þess að styðja við sanngjörn orkuskipti.“ Felur þetta í sér mikið flæði fjármagns frá þróuðum ríkjum til þróunarlanda. Í lokaútgáfu samningsins er „harmað“ að ríkari lönd skuli ekki hafa náð markmiði sínu fyrir árið 2020 um að veita árlegan fjárstuðning að upphæð 100 milljarða bandaríkjadala til að aðstoða þróunarlönd. Tekið er fram að þau skuldbindi sig til að veita a.m.k. þá upphæð til ársins 2025. Minnkun á útblæstri frá bílaflotanum í brennidepli Hópur ríkja og fyrirtækja skrifuðu undir skuldbindingu um að skipta yfir í útblásturslausa bíla fyrir árið 2040, og ekki síðar en 2035 á leiðandi bílamörkuðum. Bentu gagnrýnendur á að stórþjóðir á borð við Bandaríkin, Þýskaland, Kína og Japan ásamt nokkrum stærstu bílaframleiðendum heims hafi setið hjá. Samkvæmt Alþjóðaorkumálastofnun þurfi 60 prósent nýrra bíla að vera rafhlöðuknúnir árið 2030 og binda þurfi enda á notkun sprengihreyfilsbíla fyrir 2035 til þess að ná markmiðinu um að takmarka jarðhlýnun við 1,5°C. Margir eru þeirrar skoðunar að þessi skuldbinding nægi ekki til að ná því markmiði. Fjármagn gegni stærra hlutverki Einkageirinn er hvattur til að gegna hlutverki sínu í að afla þess fjármagns sem þarf til að innleiða áætlanir um loftslagsaðlögun. Einkafjármagn að fjárhæð yfir 130 milljarðar bandaríkjadala var eyrnamerkt skiptum hagkerfisins yfir í kolefnishlutleysi. Fleiri en 450 fyrirtæki frá 45 þjóðlöndum hafa skuldbundið sig til að veita fjármagn til málefnisins. Sér í lagi hafa 450 fjármálafyrirtæki með um 130 billjónir bandaríkjadala í stýringu samþykkt að styðja „hreina“ tækni á borð við endurnýtanlega orku og að beina fjármagni frá jarðefnaeldsneytisfrekum iðnaði. Þetta átak felur í sér tilraun til að fá einkafyrirtæki til að taka þátt í að ná markmiðum um kolefnishlutleysi og að veita fjármagn til grænnar tækni. Sem stendur er engin formleg skilgreining á því hvað hlutleysismarkmið feli í sér en nokkrar leiðandi stofnanir hafa sett skammtímamarkmið og sýnt hollustu við málefnið. Útblæstri í vöruflutningi minnki Danmörk átti frumkvæði að því að setja strangari loftslagsmarkið í vöruflutningum en ríki á borð við Noreg og Bandaríkin fylgdu í kjölfarið. Þótt Alþjóðsiglingamálastofnunin (International Maritime Organization, IMO) hafi áður sett útblástursmarkmið utan Parísarsáttmálans er afar mikilvægt að COP26-samningurinn skuli taka til vöruflutnings. Þar sem allt að því 90 prósent vöru í heimsviðskiptum er flutt á sjó orsakar vöruflutningur nærri því 3 prósent losunar CO2 á heimsvísu. Auknar skuldbindingar í náinni framtíð Þótt Glasgow ráðstefnan hafi ekki leitt til lokunar á svokölluðu útblástursbili, sem er brýnn þáttur í að ná 1,5 gráðu markmiðinu, hefur hún komið af stað ferli sem tekur á þessu bili og skorar á ríki heims að setja strangari þjóðleg markmið fyrir lok ársins 2022. Flest stjórnvöld hafa sett markmið um kolefnishlutleysi en ekki skilgreint hvernig þau muni ná þeim. Það sést þó ljós við endann á göngunum. Fyrir lok ársins 2022 eru þjóðir beðnar um að uppfæra og herða loftslagsmarkmið sín sem náð skuli árið 2030, og á árinu 2023 munu samningsaðilar koma saman að nýju til að endurskoða markmiðin á heimsvísu. Það þýðir að við megum vænta þess að frekari skuldbindingar bætist við þær sem samkomulag var um í Glasgow. Höfundur er forstjóri norska eignastýringafyrirtækisins Storebrand. Viltu birta grein á Vísi? Sendu okkur póst. Senda grein Loftslagsráðstefna Sameinuðu þjóðanna (COP) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Jarðakaup í nýjum tilgangi Halla Hrund Logadóttir Skoðun Brúarsmið á Bessastaði Jóhanna Vigdís Guðmundsdóttir Skoðun Borgar þú 65 prósent skatt af þínum tekjum? Guðfinnur Sigurvinsson Skoðun Forsetaframboð í Fellini stíl Stefán Ólafsson Skoðun Nú getum við brotið blað Ragnheiður Davíðsdóttir Skoðun Af hverju bara hálft skref áfram? Gísli Rafn Ólafsson Skoðun Við þurfum loftslagsaðgerðir, ekki grænþvott Andrés Ingi Jónsson Skoðun Af auðvaldsmönnum og undirlægjuhætti Ester Hilmarsdóttir Skoðun Norska veiðistöðin Friðrik Erlingsson Skoðun Örlætisgerningur Vilhjálmur H. Vilhjálmsson Skoðun Skoðun Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Skoðun Við þurfum loftslagsaðgerðir, ekki grænþvott Andrés Ingi Jónsson skrifar Skoðun Af hverju bara hálft skref áfram? Gísli Rafn Ólafsson skrifar Skoðun Baldur í þágu mannúðar og samfélags Anna María Gunnarsdóttir skrifar Skoðun Hvar er Reykjavegur? Ari Trausti Guðmundsson skrifar Skoðun Af auðvaldsmönnum og undirlægjuhætti Ester Hilmarsdóttir skrifar Skoðun Hafðu áhrif á líf barna Ída Björg Unnarsdóttir skrifar Skoðun Stórbætum samgöngur Logi Einarsson skrifar Skoðun Norska veiðistöðin Friðrik Erlingsson skrifar Skoðun Köllum það réttu nafni: Fordóma Derek Terell Allen skrifar Skoðun Ótrúverðugt plan að annars góðum markmiðum Þorbjörg Sigríður Gunnlaugsdóttir skrifar Skoðun Formleg uppgjöf Hjörtur J. Guðmundsson skrifar Skoðun Örlætisgerningur Vilhjálmur H. Vilhjálmsson skrifar Skoðun Fjármunum veitt þangað sem neyðin er mest Diljá Mist Einarsdóttir skrifar Skoðun Sjálfbær framtíð Vestfjarða Sigríður Ólöf Kristjánsdóttir,Aðalsteinn Óskarsson skrifar Skoðun Burt með pólitík á Bessastöðum Kristmundur Carter skrifar Skoðun Náttúran njóti vafans, ótímabundið Bjarkey Olsen Gunnarsdóttir skrifar Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar Skoðun „Almennings“ samgöngur? Bragi Gunnlaugsson skrifar Skoðun Góður forseti G. Pétur Matthíasson skrifar Skoðun Hvers vegna Halla Tómasdóttir? Guðjón Sigurðsson skrifar Skoðun Heimildin sem hvarf úr frumvarpi matvælaráðherra Vala Árnadóttir skrifar Skoðun Sníða sér stakk eftir vexti Guðni Magnús Ingvason skrifar Skoðun Norskir herrar eða íslenskir? Þóra Bergný Guðmundsdóttir skrifar Skoðun Af hverju ertu að bjóða þig fram? Sigurður Ragnarsson skrifar Sjá meira
Jarðefnaeldsneytisnotkun sætir takmörkunum, náttúran sett í forgang – frekari skerpingar á markmiðum á döfinni Þótt COP26-ráðstefnan hafi verið árangursrík vantar enn upp á að aðildarlöndin komi sér saman um stefnu er leggur grunninn að áþreifanlegum skuldbindingum sem geri okkur kleift að ná markmiðum Parísarsáttmálans um að takmarka hitnun jarðar við 1,5°C. Samningi hefur verið náð, þótt ófullkominn sé, og hann hefur raunveruleg áhrif á atvinnulífið. Við lítum svo á að COP26-samningurinn geri vel stæðum fyrirtækjum kleift að njóta ávinnings af því að vera opin og heiðarleg um það hvernig þeim vegni á vegferð sinni að aukinni sjálfbærni, og að fjárfesta samkvæmt sjálfbærnimarkmiðum. Í stórum dráttum lítur þetta út svona: Jarðefnaeldsneyti sett til hliðar Notkun kola er að líða undir lok. Í fyrsta skipti hafa kol verið nefnd sérstaklega í lokaákvörðun COP. Helsta einkenni samningsins er skýrt loforð um að „skipta yfir í orkukerfi sem minnki útblástur, m.a. með því að hraða þróun aðgerða sem stuðli að framleiðslu hreinnar orku og bættri orkunýtni, auk þess að draga hraðar úr notkun kola til orkuframleiðslu og sömuleiðis að draga úr óskilvirkum styrkjum sem stuðli að notkun jarðefnaeldsneytis.“ Samningurinn kallar á endalok „óskilvirkra jarðefnaeldsneytisstyrkja“ en án þess að tilgreina tímasetningar eða útskýra hvað „óskilvirkur“ þýði. Í ákvæðinu er einnig viðurkennt að þörf sé á því að styðja starfsfólk í þessum atvinnugreinum svo það geti fundið aðra vinnu. Yfir 40 ríki hafa samþykkt að draga úr notkun kola, sem eru meginorsök loftslagsbreytinga og voru notuð til að framleiða um 37% raforku í heiminum árið 2019. Mörg þau ríki sem eru mest háð kolum, þ.m.t. Ástralía, Indland, Kína og Bandaríkin, hafa ekki skuldbundið sig til að minnka notkun þeirra. Mikil minnkun á útblæstri metans Um 100 ríki hafa samþykkt áætlun um að minnka útblástur metans um 30% frá núverandi gildum fyrir árið 2030. Metan er ein stórvirkasta gróðurhúsalofttegund sem til er og er völd að þriðjungi jarðhlýnunar af manna völdum. Meirihluti metanútblásturs kemur frá margvíslegri starfsemi, svo sem nautgriparækt og förgun úrgangs. Stórþjóðir eins og Kína, Rússland og Indland hafa ekki enn skrifað undir samninginn þótt þær beri ábyrgð á stórum hluta metanútblásturs, en vonir standa til að þær skrifa undir síðar. Reglur um kolefnismarkað fela í sér tækifæri til fjárfestinga COP26-samningurinn gerir þjóðum kleift að ná hluta loftslagsmarkmiða sinna með því að kaupa svokallaða útblástursinneign þeirra sem hafa dregið úr útblæstri. Slík viðskipti geta fjármagnað verkefni að virði billjóna bandaríkjadala í tengslum við skógarvernd, þróun og eflingu endurnýtanlegrar orku og aðrar aðgerðir gegn loftslagsbreytingum. Þetta viðskiptafyrirkomulag er einn kafli í svo kallaðri Reglubók Parísarsáttmálans sem er loksins fullbúinn. Með reglunum sem samþykktar hafa verið er hægt að þróa markað fyrir einingar sem endurspegli minnkun á útblæstri og megi fara kaupum og sölum á markaði samkvæmt 6. grein samningsins. Markmiðið er að koma í veg fyrir tvítalningu inneignar og undanskilja inneign frá því fyrir árið 2013 í því skyni að tryggja að áhersla sé á nýrri inneign sem leiði til raunverulegrar minnkunar á útblæstri. Náttúran og skógareyðing settar í forgang Náttúran skipaði mikilvægan sess á dagskrá COP-ráðstefnunnar, auk sameiginlegs sjónarmiðs um að líffræðileg fjölbreytni sé jafn mikil áskorun og loftslagsmál og að þau séu tengdir þættir. Leiðtogar frá fleiri en 100 ríkjum heims sem hafa að geyma um 85% skóglendis jarðarinnar lofuðu að stöðva skógareyðingu fyrir árið 2030. Fyrri átaksverkefni af svipuðu tagi hafa ekki stöðvað eyðingu skóga en í þetta skipti er málefnið betur fjármagnað en áður. Hins vegar er ekki komið á hreint hvernig eftirliti með loforðunum verði háttað. Fjármálafyrirtæki hafa stigið fram til stuðnings skógarverndar. Í þessari viku hafa þrjátíu og þrjú leiðandi fjármálafyrirtæki með um 8,7 billjónir bandaríkjadala í stýringu skuldbundið sig til að binda enda, fyrir árið 2025, á fjárfestingum í landbúnaðarhráefni sem stuðli að skógareyðingu. Einhver fjármögnun til sanngjarna orkuskipta Í samningnum er viðurkennt að þörf sé á því að „styðja við þá fátækustu og viðkvæmustu m.t.t. ríkisaðstæðna og að viðurkenna nauðsyn þess að styðja við sanngjörn orkuskipti.“ Felur þetta í sér mikið flæði fjármagns frá þróuðum ríkjum til þróunarlanda. Í lokaútgáfu samningsins er „harmað“ að ríkari lönd skuli ekki hafa náð markmiði sínu fyrir árið 2020 um að veita árlegan fjárstuðning að upphæð 100 milljarða bandaríkjadala til að aðstoða þróunarlönd. Tekið er fram að þau skuldbindi sig til að veita a.m.k. þá upphæð til ársins 2025. Minnkun á útblæstri frá bílaflotanum í brennidepli Hópur ríkja og fyrirtækja skrifuðu undir skuldbindingu um að skipta yfir í útblásturslausa bíla fyrir árið 2040, og ekki síðar en 2035 á leiðandi bílamörkuðum. Bentu gagnrýnendur á að stórþjóðir á borð við Bandaríkin, Þýskaland, Kína og Japan ásamt nokkrum stærstu bílaframleiðendum heims hafi setið hjá. Samkvæmt Alþjóðaorkumálastofnun þurfi 60 prósent nýrra bíla að vera rafhlöðuknúnir árið 2030 og binda þurfi enda á notkun sprengihreyfilsbíla fyrir 2035 til þess að ná markmiðinu um að takmarka jarðhlýnun við 1,5°C. Margir eru þeirrar skoðunar að þessi skuldbinding nægi ekki til að ná því markmiði. Fjármagn gegni stærra hlutverki Einkageirinn er hvattur til að gegna hlutverki sínu í að afla þess fjármagns sem þarf til að innleiða áætlanir um loftslagsaðlögun. Einkafjármagn að fjárhæð yfir 130 milljarðar bandaríkjadala var eyrnamerkt skiptum hagkerfisins yfir í kolefnishlutleysi. Fleiri en 450 fyrirtæki frá 45 þjóðlöndum hafa skuldbundið sig til að veita fjármagn til málefnisins. Sér í lagi hafa 450 fjármálafyrirtæki með um 130 billjónir bandaríkjadala í stýringu samþykkt að styðja „hreina“ tækni á borð við endurnýtanlega orku og að beina fjármagni frá jarðefnaeldsneytisfrekum iðnaði. Þetta átak felur í sér tilraun til að fá einkafyrirtæki til að taka þátt í að ná markmiðum um kolefnishlutleysi og að veita fjármagn til grænnar tækni. Sem stendur er engin formleg skilgreining á því hvað hlutleysismarkmið feli í sér en nokkrar leiðandi stofnanir hafa sett skammtímamarkmið og sýnt hollustu við málefnið. Útblæstri í vöruflutningi minnki Danmörk átti frumkvæði að því að setja strangari loftslagsmarkið í vöruflutningum en ríki á borð við Noreg og Bandaríkin fylgdu í kjölfarið. Þótt Alþjóðsiglingamálastofnunin (International Maritime Organization, IMO) hafi áður sett útblástursmarkmið utan Parísarsáttmálans er afar mikilvægt að COP26-samningurinn skuli taka til vöruflutnings. Þar sem allt að því 90 prósent vöru í heimsviðskiptum er flutt á sjó orsakar vöruflutningur nærri því 3 prósent losunar CO2 á heimsvísu. Auknar skuldbindingar í náinni framtíð Þótt Glasgow ráðstefnan hafi ekki leitt til lokunar á svokölluðu útblástursbili, sem er brýnn þáttur í að ná 1,5 gráðu markmiðinu, hefur hún komið af stað ferli sem tekur á þessu bili og skorar á ríki heims að setja strangari þjóðleg markmið fyrir lok ársins 2022. Flest stjórnvöld hafa sett markmið um kolefnishlutleysi en ekki skilgreint hvernig þau muni ná þeim. Það sést þó ljós við endann á göngunum. Fyrir lok ársins 2022 eru þjóðir beðnar um að uppfæra og herða loftslagsmarkmið sín sem náð skuli árið 2030, og á árinu 2023 munu samningsaðilar koma saman að nýju til að endurskoða markmiðin á heimsvísu. Það þýðir að við megum vænta þess að frekari skuldbindingar bætist við þær sem samkomulag var um í Glasgow. Höfundur er forstjóri norska eignastýringafyrirtækisins Storebrand.
Skoðun Íþróttir fyrir öll, jöfnum og bætum leikinn Hólmfríður Sigþórsdóttir,Anna Þorsteinsdóttir skrifar
Skoðun Nýr „loftslagsvænn“ iðnaður - neikvæð áhrif á lífríki og fiskveiðar Sæunn Júlía Sigurjónsdóttir skrifar