Upptalningin á ánum þar sem hnúðlaxar hafa veiðst er orðin ansi löng og vikulega bætast við ein til ár á þennan lista. Sandá er ein af þeim en þar veiddist þessi hængur sem er á meðfylgjandi mynd. Í sumum ánum er bara nokkuð mikið af þeim til dæmis í Soginu, Fögruhlíðarós, Brunná og Hvannadalsá bara svo nokkrar séu nefndar.

Veiðimenn eru vinsamlegast beðnir um að drepa laxana sem veiðast, heilfrysta þá og senda á Hafrannsóknarstofnun. Hnúðlaxinn er um þessar mundir að koma sér í hrygningu og það er þess vegna mikilvægt að fækka eins og kostur er í ánum en önnur úrræði en veiði eru til í boði fyrir okkur. Sem betur fer er hnúðlaxinn ekki orðinn sú plága sem hann er í nokkrum ám í Noregi þar sem það þarf hreinlega að draga á suma hylji til að tæma þá og hnúðlaxi.