Veiði

Nýr leigutaki tekur við Stóru Laxá

Karl Lúðvíksson skrifar
Nýr leigutaki tekur við Stóru Laxá eftir þetta sumar

Stóra Laxá hefur verið eitt af flaggskipunum hjá Lax-Á en þetta er síðasta sumarið sem félagið verður leigutaki af ánni.

Málið hefur farið afar hljóðlega um veiðisamfélagið en virðist hafa lekið út og er staðfest af tveimur heimildarmönnum Veiðivísis. 

Nýr leigutaki er Finnur B. Harðarson en hann er einn af landeigendum við ánna. Stóra Laxá hefur verið mjög vinsæl síðustu ár eftir að ánni var breytt þannig að aðeins er veitt á flugu og svo til öllum afla sleppt. Hún er best þekkt fyrir að eiga oft frábæra endaspretti og dæmi eru um að síðsumars holl hafa verið að fá 100 laxa á fjórar stangir og mest af því verið í yfirvigt.

Ekki liggur ennþá fyrir hvort breytt fyrirkomulag á veiðum við ánni verði sett á en lengi hefur verið talað um á milli þeirra sem veiða ánna mikið að svæði 3 þurfi að renna í svæði 1-2 þar sem svæði 3 gefur fáa laxa á hverju sumri á meðan svæðin fyrir ofan og neðan geta verið mjög góð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.