Bílar

Stefnubreyting hjá Volkswagen Group

Kristinn Ásgeir Gylfason skrifar
Herbert Diess.
Herbert Diess.

Volkswagen kynnti á dögunum nýja stefnu fyrir Volkswagen samsteypuna. Volkswagen skilgreinir sig nú sem hugbúnaðardrifið ferðalausna fyrirtæki með áherslu á vörumerkin sín og tækni grundvöll sem með samlegðaráhrifum eflir og opnar nýjar leiðir í átt að nýjum tekjustraumum.

„Við settum okkur markmið um að verða leiðandi á heimsvísu í rafknúnum ökutækjum og við erum komin vel á veg,“ sagði Herbert Diess forstjóri Volkswagen Group við kynningu á stefnunni.

Stefnan ber nafnið New Auto og á að vera leiðarljós fyrir Volkswagen til ársins 2030.

„Næstu róttæku breytingar verða byggðar á hugbúnaði og munu stuðla að auknu öryggi, snjallari og að endingu sjálfkeyrandi bílum. Þetta hefur þá þýðingu fyrir okkur að tækni, hraði og skölun mun skipta meira máli en í dag. Framtíðin er björt fyrir bílaiðnaðinn!“ bætti Diess við.

Markmið Volkswagen Group eru að auka rekstraravöxtun í sölu fyrir árið 2025 úr 7-8% í 8-9% sem er grunnurinn að nýjum markmiðum.

Volkswagen hefur eyrnamerkt 73 milljarða evra (um 10.686 milljarða króna) til að þróa tæknilausnir framtíðarinnar frá 2021 til og með 2025. Það verður áhugavert að fylgjast með þróun Volkswagen í framtíðinni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.