Kynningarfundur um þróunarskýrslu Sameinuðu þjóðanna á morgun

Heimsljós 26. maí 2021 16:17

Niðurstöður þróunarskýrslu Sameinuðu þjóðanna verða kynntar á Zoom.

Norðurlandaskrifstofa Þróunarstofnunar SÞ (UNDP) og Félag Sameinuðu þjóðanna á Íslandi, í samvinnu við utanríkisráðuneytið, bjóða til kynningar á þrítugustu þróunarskýrslu Sameinuðu þjóðanna á morgun, fimmtudaginn 27. maí frá kl. 12:00 – 13:30. Niðurstöður skýrslunnar verða kynntar og settar í íslenskt samhengi. Fundurinn fer fram á Zoom.

Í kynningartexta um viðburðinn segir að í fyrsta sinn í 300 þúsund ára sambandi sé það mannkynið sem móti jörðina, í stað þess að plánetan móti mannkynið. Í þrítugustu þróunarskýrslu Sameinuðu þjóðanna (Human Development Report, 2020) sé kannað hvernig mannkynið geti þrætt sig í gegnum nýja öld, þar sé krufið samband mannfólks og jarðar og hvert við stefnum til að marka nýjar leiðir að framförum mannkyns.

Camilla Brükner framkvæmdastjóri Norðurlandaskrifstofu Þróunarstofnunar Sameinuðu þjóðanna opnar fundinn en Halldór Þorgeirsson formaður Loftslagsráðs flytur aðalerindið. Petro Conceicao, einn ritstjóra skýrslunnar kynnir helstu niðurstöður hennar, og þrír Íslendingar veita umsögn um skýrsluna, Geir Oddsson deildarstjóri á alþjóða- og þróunarsamvinnuskrifstofu utanríkisráðuneytsins, Lára Jóhannsdóttir prófessor í umhverfis- og auðlindafræði við Viðskiptafræðideild Háskóla Íslands og Tinna Hallgrímsdóttir formaður ungra umhverfissinna (UU) og ungmennafulltrúi Íslands hjá Sameinuðu þjóðunum.

Skráning á viðburðinn er hér.

Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.

Þróunarsamvinna Sameinuðu þjóðirnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.