Ráðherra undirritar nýjan rammasamning við UNICEF Heimsljós 11. maí 2021 11:31 Nýr samningur við UNICEF gildir til loka ársins 2023. Guðlaugur Þór Þórðarson, utanríkis- og þróunarsamvinnuráðherra, og Henrietta Fore, framkvæmdarstjóri UNICEF, Barnahjálpar Sameinuðu þjóðanna, skrifuðu í gær undir nýjan rammasamning um stuðning Íslands við UNICEF. Samningurinn gildir til loka árs 2023 og veitir heildræna umgjörð um samstarf Íslands og stofnunarinnar. Ísland leggur áherslu á kjarnaframlag sem veitir stofnuninni sveigjanleika til að bregðast við þar sem þörfin er mest. Kjarnaframleg Íslands til UNICEF fyrir árið 2021 nemur 130 milljónum íslenskra króna. Henrietta Fore, framkvæmdarstjóri UNICEF. „UNICEF er leiðandi í báráttunni fyrir réttindum barna og býr yfir langri og dýrmætri reynslu þegar kemur að hjálparstarfi fyrir börn í neyð. Sú reynsla hefur reynst ómetanleg á tímum heimsfaraldurs COVID-19 og við erum stolt af okkar samstarfi við þessa mikilvægu stofnun,“ sagði Guðlaugur Þór við tilefnið, en samningurinn var undirritaður á fjarfundi. UNICEF er ein af áherslustofnunum Íslands í þróunarsamvinnu og sinnir fjölmörgum verkefnum sem ætlað er að efla réttindi barna, sinna neyðarhjálp, og bæta lífsgæði og aðgang að þjónustu. Ísland hefur stutt við stofnunina í fjölda ára, bæði með kjarnaframlögum og framlögum í tvíhliða þróunarsamvinnu. Heimsfaraldur COVID-19 hefur haft gífurleg áhrif á aðgang barna að hreinu vatni, hreinlætisvörum, næringu, menntun og heilbrigðisþjónustu. Þá er talið að um tíu milljónir stúlkna eigi á hættu að vera þvingaðar í barnahjónaband næsta áratuginn sem afleiðing af COVID-19. Undanfarið ár hefur UNICEF leikið lykilhlutverk sem viðbragðsaðili vegna neyðarástands sem skapast hefur vegna heimsfaraldurs COVID-19. Stofnunin hefur auk þess margra áratuga reynslu í bólusetningum og leiðir nú innkaup og afhendingu á bóluefnunum gegn kórónaveirunni til yfir níutíu lág- og millitekjuríkja. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent
Guðlaugur Þór Þórðarson, utanríkis- og þróunarsamvinnuráðherra, og Henrietta Fore, framkvæmdarstjóri UNICEF, Barnahjálpar Sameinuðu þjóðanna, skrifuðu í gær undir nýjan rammasamning um stuðning Íslands við UNICEF. Samningurinn gildir til loka árs 2023 og veitir heildræna umgjörð um samstarf Íslands og stofnunarinnar. Ísland leggur áherslu á kjarnaframlag sem veitir stofnuninni sveigjanleika til að bregðast við þar sem þörfin er mest. Kjarnaframleg Íslands til UNICEF fyrir árið 2021 nemur 130 milljónum íslenskra króna. Henrietta Fore, framkvæmdarstjóri UNICEF. „UNICEF er leiðandi í báráttunni fyrir réttindum barna og býr yfir langri og dýrmætri reynslu þegar kemur að hjálparstarfi fyrir börn í neyð. Sú reynsla hefur reynst ómetanleg á tímum heimsfaraldurs COVID-19 og við erum stolt af okkar samstarfi við þessa mikilvægu stofnun,“ sagði Guðlaugur Þór við tilefnið, en samningurinn var undirritaður á fjarfundi. UNICEF er ein af áherslustofnunum Íslands í þróunarsamvinnu og sinnir fjölmörgum verkefnum sem ætlað er að efla réttindi barna, sinna neyðarhjálp, og bæta lífsgæði og aðgang að þjónustu. Ísland hefur stutt við stofnunina í fjölda ára, bæði með kjarnaframlögum og framlögum í tvíhliða þróunarsamvinnu. Heimsfaraldur COVID-19 hefur haft gífurleg áhrif á aðgang barna að hreinu vatni, hreinlætisvörum, næringu, menntun og heilbrigðisþjónustu. Þá er talið að um tíu milljónir stúlkna eigi á hættu að vera þvingaðar í barnahjónaband næsta áratuginn sem afleiðing af COVID-19. Undanfarið ár hefur UNICEF leikið lykilhlutverk sem viðbragðsaðili vegna neyðarástands sem skapast hefur vegna heimsfaraldurs COVID-19. Stofnunin hefur auk þess margra áratuga reynslu í bólusetningum og leiðir nú innkaup og afhendingu á bóluefnunum gegn kórónaveirunni til yfir níutíu lág- og millitekjuríkja. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent