Bílar

Land Rover Defender kjörinn best hannaði bíll ársins

Kristinn Ásgeir Gylfason skrifar
Land Rover Defender.
Land Rover Defender.

Land Rover Defender var í vikunni kjörinn best hannaði bíll ársins 2021 (World Car Design of the Year 2021) á árlegri verðlaunahátíð World Car Awards í Toronto sem af sóttvarnarástæðum var send út í streymi á netinu.

Meðfylgjandi er fréttatilkynning frá BL.

Þetta er í sjötta sinn sem Jaguar Land Rover hlýtur fyrstu verðlaun fyrir fallega hönnun hjá World Car Awards og hefur enginn af helstu bílaframleiðendum heims hlotið verðlaunin jafn oft og Jaguar Land Rover.

World Car Awards hafa verið veitt undanfarin sautján ár. Árið 2012 var Range Rover Evoque kjörinn fallegasti bíll ársins, Jaguar F-Type ári síðar, F-PACE árið 2017, Range Rover Velar árið 2018 og ári síðar Jaguar I-PACE. Nú var komið að Land Rover Defender sem 93 blaðamenn frá 28 löndum veittu hönnunarverðlaun ársins 2021.

Við það tækifæri sagði Gerry McGovern yfirmaður skapandi hönnunar hjá Jaguar Land Rover að við þróun og hönnun Defender hefðu mörk mögulegrar verkfræði, tækni og hönnunar verið hugsuð til hins ítrasta án þess að tapa sjónum á megineinkennum í arfleifð Defender sem viðhaldið hafa vinsældum hans í áratugi. Góð viðbrögð viðskiptavina um allan heim og mikil eftirspurn eftir Defender bera vott um að vel hafi tekist til í hönnun þessa nýja þægilega og kraftmikla vinnuþjarks.

Hægt er að horfa á útsendingu World Car Awards hér.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.