Atvinnulíf

Vísbendingar um að starfsmaður ætli sér að segja upp

Rakel Sveinsdóttir skrifar
Það getur verið dýrt fyrir vinnustaði ef starfsmannavelta er mjög mikil.
Það getur verið dýrt fyrir vinnustaði ef starfsmannavelta er mjög mikil. Vísir/Getty

Mikil starfsmannavelta er vinnustöðum kostnaðarsöm. Ekki aðeins getur verið dýrt að ráða inn eða þjálfa nýtt starfsfólk, heldur er það líka missir ef duglegt starfsfólk með góða reynslu og þekkingu hættir.

Hér eru nokkur atriði sem geta verið vísbendingar um að starfsmaður ætli sér að segja upp og hætta.

  1. Viðkomandi tekur ekki lengur þátt í langtímaverkefnum
  2. Viðkomandi hefur nýlega uppfært upplýsingar um sjálfan sig á LinkedIn
  3. Talar minna en áður á fundum, tekur minni þátt en áður á fundum
  4. Sýnir mikinn áhuga á að mæta á ráðstefnur, málþing eða vinnustofur sem haldnar eru annars staðar
  5. Meiri fjarvera en verið hefur
  6. Heldur sig meira til hlés en áður
  7. Fer meira afsíðis til að sinna persónulegum samtölum í síma
  8. Stöðuhækkun innan teymisins gæti hafa virkað á viðkomandi þannig að hann/hún hafi verið sniðgengin (hefði frekar átt að fá stöðuhækkunina)
  9. Sýnir minni áhuga en áður á að læra eitthvað nýtt eða sýna framfarir í vinnu
  10. Starf viðkomandi hefur staðnað (rannsóknir sýna að ef starfsmaður upplifir sig staðnaðan í starfi eftir tíu mánuði í starfi, aukast líkurnar á að viðkomandi vilji hætta)
  11. Viðkomandi fór nýlega í gegnum miklar breytingar í persónulegu lífi (til dæmis skilnaður, barneignir, veikindi ástvinar eða fasteignakaup)
  12. Afköst hafa minnkað hjá viðkomandi
  13. Náinn starfsfélagi viðkomandi hætti nýlega
  14. Virðist ekki sýna eins mikinn áhuga og áður á að fá jákvæða endurgjöf frá yfirmanni
  15. Núningar við annan starfsfélaga, óleyst samskiptavandamál
  16. Forðast þátttöku í félagslífi starfsfólks/teymis
  17. Úthlutar verkefnum oftar til annarra
  18. Kemur sjaldnar en áður með nýjar hugmyndir eða tillögur
  19. Er lengur en áður í mat- eða kaffihléum
  20. Sýnileg breyting á því hvernig viðkomandi mætir eða fer úr vinnu. Til dæmis starfsmaður sem hefur oft verið að vinna þar til á síðustu stundu í dagslok og nýtir hverja mínútu, en fer allt í einu að sýna þá hegðun að vera klár til að yfirgefa vinnustaðinn og bíða eftir því að honum ljúki og leyfilegt að fara
  21. Kvartar ekki lengur. Ef starfsmaður sem var vanur að segja ef honum/henni fannst eitthvað mega betrumbæta en hættir því allt í einu, gæti það verið vísbending um að viðkomandi er að undirbúa sig undir það að hætta
  22. Byrjaður að kvarta. Hér er breytt hegðun á hinn veginn og þá meira þannig að starfsmaður sem var vanur að kvarta sjaldan og vera mjög jákvæður er allt í einu orðin neikvæðari og/eða er farinn að kvarta oftar en áður
  23. Var að klára nám eða öðlast viðbótarréttindi
  24. Er ekki eins opin/n í samskiptum og áður og sýnir jafnvel tilburði til að annað fólk sjái ekki á tölvuskjáinn sinn eða sambærileg breyting á hegðun
  25. Svarar ekki eins fljótt skilaboðum og áður, í tölvupóstum, Messenger, Teams eða annars staðar

Þá er stjórnendum bent á að fylgja eftir sinni eigin sannfæringu eða innsæi. Ef stjórnandi hefur á tilfinningunni að starfsmaður sé að hugsa sér til hreyfings, er það oft eitt og sér tilefni til þess að setjast niður með viðkomandi og ræða málin.


Tengdar fréttir

Rakst á auglýsingu á Facebook sem breytti öllu

„Það erfiðasta við að vera atvinnulaus og vilja virkilega fara aftur út á atvinnumarkaðinn er að fá endalaust neitanir. Síðan fylgir oft svörunum að svo svakalega margir, eða þrjú hundruð manns, hafi verið að sækja um sömu stöðu og ég,“ segir Thelma Sjöfn Hannesdóttir, rafvirki og þriggja barna móðir á Akranesi sem nú er að læra kerfisstjórn.

Stakk upp á nýju starfi fyrir sjálfa sig og endaði sem framkvæmdastjóri

„Ég myndi án efa hvetja fólk til þess að bera sig eftir því sem það vill, að hugsa aðeins hvað það virkilega langar að vinna við og yrði frábært í og hreinlega taka stöðuna. Það er þá ekkert verra en „Nei“ sem kemur, sem gæti svo alveg breyst í „Já“ síðar eins og það gerði hjá mér,“ segir Klara Símonardóttir aðspurð um það hvaða ráð hún myndi gefa fólki í atvinnuleit. Klara er í dag framkvæmdastjóri Petmark. Árið 2016 hafði hún samband við það fyrirtæki og stakk upp á því að hún yrði ráðin sem vörumerkjastjóri. Starfið var ekki til hjá fyrirtækinu og þaðan af síður hafði það verið auglýst. En í kjölfar þess að Klara hafði samband, var starfið búið til og hún ráðin.

Ætti ég að skipta um starf? Þrjú atriði til umhugsunar

Ert þú að velta fyrir þér að skipta um starfsvettvang? Hvers vegna? Er það til að þróa þig áfram, ná lengra í starfsframa eða ertu óánægð/ur í því starfi þar sem þú ert? Hér eru þrjú atriði sem gott er að hafa í huga áður en endanleg ákvörðun er tekin.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×