„Hérna er hægt að hengja upp rólu“

Hugrún Halldórsdóttir er þáttastjórnandinn en þátturinn er alls ekki aðeins fyrir fólk í kaup- eða söluhugleiðingum heldur fá áhorfendur góð ráð og innblástur fyrir sín eigin heimili.

Draumaheimilið er sjónvarpsþáttur þar sem fylgst er með Íslendingum í fasteignahugleiðingum taka eina af stærstu ákvörðunum lífsins, hvaða eign skal kaupa.

Í gær skoðaði Tómas Hrói Viðarsson þrjár fasteignir en hann er 21 árs smiður og var í leit að sinni fyrstu íbúð. Hann fékk móður sína, Önnu Karen Kristjánsdóttur, til að aðstoða sig við leitina.

Tómas skoðaði eing við Grettisgötu, Rauðárstíg og í Hafnarfirðinum. Íbúðin við Grettisgötu var kjallaraíbúð í miðborginni og var um ósamþykkta eign að ræða. Það var Vernharð Þorleifsson fasteignasali, sem meðal annars er þekktur sem skemmtikrafturinn Venni Páer, sem sýndi þeim eignirnar. Hann kom meðal auga á stað fyrir rólu í eigninni og sagði: „Hérna er hægt að hengja upp rólu.“

Hér að neðan má sjá þegar Tómas og Anna skoðuðu þá eign í þætti gærkvöldsins.