Veiði

Hylurinn hlaðvarp - nýr þáttur

Karl Lúðvíksson skrifar

Hylurinn er þáttur sem kemur út vikulega bæði á YouTube, í video formi, sem og sem hlaðvarp á helstu veitum.

Hylurinn er þáttur sem kemur út vikulega bæði á YouTube, í video formi, sem og sem hlaðvarp á helstu veitum. Viðmælendur eru framúrskarandi veiði og sagnafólk. Eitthvað sem allt áhugafólk um stangveiði ætti að geta haft gaman af.

Í þessari vikur er gestur þáttarins Sindri Hlíðar Jónsson, annar eigenda Fish Partner, en þeir félagar hafa verið fyrirferðar miklir í að flytja inn veiðimenn erlendis frá til silungsveiða. Eins og gefur að skilja var árið 2020 erfitt fyrir þá Fish Partner menn sökum Covid-19 en þó er engan bilbug á þeim að finna og eru þeir frekar að gefa í en hitt eins og kemur fram í þættinum. Sindri á sér áhugaverða sögu í veiðibransanum og er síður en svo fæddur með fluguveiði silfurskeið í munni sér.

Hylurinn hefur fengið frábærar viðtökur hjá veiðimönnum og miðvikudaginn 13. janúar munu þeir félagar í samstarfi við Pardus.is standa fyrir "pub quiz" um stangaveiði í gegnum netið. Áhugasamir ættu að taka daginn frá og jafnvel setja 1-2 kalda í kælingu því að veglegir vinningar verða í boði.

Þú getur hlustað á þáttinn HÉR.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.