Sex dæmi um hvernig kórónuveiran er að breyta okkur hægt og hljótt Rakel Sveinsdóttir skrifar 4. maí 2020 11:00 Ingrid Kuhlman er með meistaragráðu í jákvæðri sálfræði og framkvæmdastjóri Þekkingarmiðlunar. Hún segir heimsfaraldurinn geta kennt okkur ýmislegt og tíman nú vera stórt námskeið í seiglu. Vísir/Silla Pálsdóttir „Kórónuveiran er að breyta okkur hægt og hljóðalaust en hugsanlega erum við ekki öll meðvituð um það hvernig viðhorf okkar og hegðun er að breytast vegna óreiðunnar sem kórónuveiran hefur skapað,“ segir Ingrid Kuhlman. Að hennar mati mun kórónuveiran hafa mun fleiri varanleg áhrif önnur en aukin áhersla á hreinlæti, almenna tillitssemi eða það hvernig við vinnum vinnuna okkar. „Tilvera okkar er gjörbreytt“ segir Ingrid. Ingrid er með meistaragráðu í hagnýtri jákvæðri sálfræði og er framkvæmdastjóri Þekkingarmiðlunar. Hún telur að margt af því sem kórónuveiran er að breyta muni fylgja okkur inn í það hvernig við tökumst á við komandi tíma. Á vinnustöðum mun umgengni og verklag breytast þar sem hreinlæti skiptir mun meira máli en áður, fleiri munu vinna í fjarvinnu og nú bíður fyrirtækja og hópa að hugsa út fyrir boxið til að takast á við komandi áskoranir. Í þeim efnum getur það nýst okkur að vera meðvituð um það hvernig kórónuveiran er að breyta okkur. „Heimsfaraldurinn getur kennt okkur ýmislegt nýtt og breytt sjónarhóli okkar. Við verðum líklega öll betri og sveigjanlegri í að aðlagast nýjum aðstæðum. Þetta er stórt námskeið í seiglu,“ segir Ingrid. Að mati Ingrid mun þessi sveigjanleiki og breytt viðhorf hjálpa okkur í að ná fótfestu á ný, hvort heldur sem er í atvinnulífinu eða samfélaginu sem heild. Ingrid bendir á sex atriði. 1. Við áttum okkur á því sem við höfum tekið sem sjálfsögðum hlut Við finnum öll fyrir afleiðingum veirunnar óháð aldri, þjóðfélagsstöðu, stjórnmálaskoðunum eða öðrum einstaklingsbundnum þáttum. Takmarkanir eru á félagslegum samskiptum og mörg getum við ekki sinnt grunnþáttum starfs okkar, ef við erum svo heppin að hafa enn vinnu. Faraldurinn kennir okkur að taka lifnaðarháttum okkar, fólkinu í kringum okkur og heilsunni ekki sem sjálfsögðum hlut. 2. Við upplifum minni stjórn Við erum vön því að hafa sjálfstæði og geta stjórnað því hvað við gerum og hvernig við lifum lífinu. Í aðstæðunum í dag eru það veiran og aðgerðir til að sporna við útbreiðslu hennar sem stjórna athöfnum okkar. En við erum líka að átta okkur á því að við getum samt sem áður haft áhrif með því að velja viðbragð okkar. Eins og geðlæknirinn Viktor E. Frankl, sem lifði af útrýmingarbúðir nasista, benti á í bók sinni Leitinni að tilgangi lífsins þá er aldrei hægt að taka frá okkur hvernig við bregðumst við aðstæðum í lífinu. 3. Við öðlumst skýrleika í gegnum einfaldleikann Vegna takmarkana á hreyfanleika höfum við verið knúin til að hægja á hraðanum og einfalda líf okkar. Það gefur okkur skýrari sýn á það sem skiptir okkur raunverulega máli, eins og t.d. að verja tíma með okkar nánustu, hringja í gamla vini, fara í langa göngutúra eða slaka á í góða veðrinu á meðan við hunsum smávægileg óþægindi daglegs lífs. Atriði sem sköpuðu pirring áður virðast ekki jafn mikilvæg núna. Þetta tímabil getur verið tækifæri til að endurmeta lífið og gera jákvæðar breytingar. 4. Langtímamarkmið virðast minna mikilvæg Margir hafa tilhneigingu til að hlakka meira til framtíðarmarkmiða en að njóta augnabliksins, þess sem er hér og nú. Óvissan sem umlykur líf okkar hefur þau áhrif að langtímamarkmið virðast minna mikilvæg. Við einblínum meira á daginn í dag og daginn á morgun. Þetta er jákvæð þróun því rannsóknir sýna að fólk sem lifir í núinu og nýtur þess sem það er að gera upplifir meiri vellíðan en þeir sem dvelja við fortíðina eða einblína á framtíðina. 5. Þakklætið og samstaðan hafa aukist Við upplifum og tjáum meira þakklæti, t.d. í garð heilbrigðisstarfsmanna, starfsfólks sem sinnir framlínustörfum, einstaklinga og fyrirtækja sem gefa gjafir, þríeykisins sem hefur stjórnað málum af yfirvegun og festu, og vina og kunningja sem eru til staðar fyrir okkur á krefjandi tímum. Samfélagshyggjan hefur aukist og við sýnum meiri samstöðu, samhjálp, umhyggju og manngæsku. 6. Við skiljum loks hvað við höfum það gott Hvort sem við gerum okkur grein fyrir því eða ekki, og óháð þeim persónulegu áskorunum sem við gætum þurft að takast á við, eruð við mun betur sett en margir aðrir í þessum heimi. Tökum sem dæmi fólk í flóttamannabúðum þar sem nándin er mikil og litlir möguleikar á að virða tveggja metra regluna eða þvo sér reglulega um hendurnar með sápu. Á meðan höfum við sjálf kannski aðeins þurft að breyta ferðaáætlunum eða flytja vinnustöðina heim. Að setja hlutina í samhengi er góð leið til að átti sig á því hversu heppinn maður er. Faraldur kórónuveiru (COVID-19) Vinnustaðamenning Stjórnun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vonast til að koma dánarbúinu í góðar hendur Neytendur Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Sagðir vilja frekar loka TikTok en selja Viðskipti erlent Fleiri fréttir Forstjóri, snúsari, mótorhjólatöffari, veiðimaður og framúrskarandi á ryksugunni Endurgjöf: Það sem þú átt ekki að gera Eitruð vinnustaðamenning algeng og margfaldar líkur á kulnun „Enda hefði hún hreinlega ekki nennt að þræta við mig endalaust“ Ljúfustu stundirnar þegar allir eru saman í hjónarúminu Þrjú atriði til að auka á sjálfsöryggið okkar í vinnunni Tók fimm mánuði að byrja að tala íslensku Finnur þægilegu heimatilfinninguna þegar hann lendir í Keflavík „Einn mjög fárra karla á mínum aldri sem er ekki í golfi!“ Að vera bestur í teyminu er allt annað en að vera góður stjórnandi Kynslóðaskipti: Arftakaáætlunin virkjuð, vinnustaðaskóli og ný tækifæri fyrir starfsfólk 55-74 ára fjölgar hlutfallslega mest á vinnumarkaði „Ótrúlega vel gift honum Obba sem er A-manneskja“ Algengt að starfsfólk læri ekki af mistökum Hjón í nýsköpun: „Það er reyndar hún sem er Þjóðverjinn en ég Íslendingurinn“ Vandræðalega kvöldsvæfur framkvæmdastjóri Öfund í vinnu og afbrýðisamir vinnufélagar Gæðasamtöl við dótturina, mömmu eða vinkonu á leið í vinnu Sex einkenni um að þú sért í miðaldrakrísu í vinnunni Plankavinir, kaka fyrir vinnufélaga, leika sér með börnum og hafa gaman Spennuþrungin sigling Mottumarssokkana til Íslands dæmi um hvað margt getur komið upp „What do you mean by shit-mix, are you mixing the shit?“ Sofnar í leikhúsi, á tónleikum, í kirkjum og fleiri stöðum Deilur og leiðindi við vinnufélaga og góð ráð Fögnum fjölbreytileikanum: Pólverjar flestir, síðan Litháar, síðan Íslendingar Eiga ekki bara að vera Íslendingar í betur launuðu störfunum „Menn trúðu því um tíma að hægt væri að semja við skrattann“ Nú er hægt að kúra og slappa af á morgnana „Karlarnir segja konur of reynslulausar“ Eðlilegt að starfsmenn og stjórnendur skipti um vinnu reglulega Sjá meira
„Kórónuveiran er að breyta okkur hægt og hljóðalaust en hugsanlega erum við ekki öll meðvituð um það hvernig viðhorf okkar og hegðun er að breytast vegna óreiðunnar sem kórónuveiran hefur skapað,“ segir Ingrid Kuhlman. Að hennar mati mun kórónuveiran hafa mun fleiri varanleg áhrif önnur en aukin áhersla á hreinlæti, almenna tillitssemi eða það hvernig við vinnum vinnuna okkar. „Tilvera okkar er gjörbreytt“ segir Ingrid. Ingrid er með meistaragráðu í hagnýtri jákvæðri sálfræði og er framkvæmdastjóri Þekkingarmiðlunar. Hún telur að margt af því sem kórónuveiran er að breyta muni fylgja okkur inn í það hvernig við tökumst á við komandi tíma. Á vinnustöðum mun umgengni og verklag breytast þar sem hreinlæti skiptir mun meira máli en áður, fleiri munu vinna í fjarvinnu og nú bíður fyrirtækja og hópa að hugsa út fyrir boxið til að takast á við komandi áskoranir. Í þeim efnum getur það nýst okkur að vera meðvituð um það hvernig kórónuveiran er að breyta okkur. „Heimsfaraldurinn getur kennt okkur ýmislegt nýtt og breytt sjónarhóli okkar. Við verðum líklega öll betri og sveigjanlegri í að aðlagast nýjum aðstæðum. Þetta er stórt námskeið í seiglu,“ segir Ingrid. Að mati Ingrid mun þessi sveigjanleiki og breytt viðhorf hjálpa okkur í að ná fótfestu á ný, hvort heldur sem er í atvinnulífinu eða samfélaginu sem heild. Ingrid bendir á sex atriði. 1. Við áttum okkur á því sem við höfum tekið sem sjálfsögðum hlut Við finnum öll fyrir afleiðingum veirunnar óháð aldri, þjóðfélagsstöðu, stjórnmálaskoðunum eða öðrum einstaklingsbundnum þáttum. Takmarkanir eru á félagslegum samskiptum og mörg getum við ekki sinnt grunnþáttum starfs okkar, ef við erum svo heppin að hafa enn vinnu. Faraldurinn kennir okkur að taka lifnaðarháttum okkar, fólkinu í kringum okkur og heilsunni ekki sem sjálfsögðum hlut. 2. Við upplifum minni stjórn Við erum vön því að hafa sjálfstæði og geta stjórnað því hvað við gerum og hvernig við lifum lífinu. Í aðstæðunum í dag eru það veiran og aðgerðir til að sporna við útbreiðslu hennar sem stjórna athöfnum okkar. En við erum líka að átta okkur á því að við getum samt sem áður haft áhrif með því að velja viðbragð okkar. Eins og geðlæknirinn Viktor E. Frankl, sem lifði af útrýmingarbúðir nasista, benti á í bók sinni Leitinni að tilgangi lífsins þá er aldrei hægt að taka frá okkur hvernig við bregðumst við aðstæðum í lífinu. 3. Við öðlumst skýrleika í gegnum einfaldleikann Vegna takmarkana á hreyfanleika höfum við verið knúin til að hægja á hraðanum og einfalda líf okkar. Það gefur okkur skýrari sýn á það sem skiptir okkur raunverulega máli, eins og t.d. að verja tíma með okkar nánustu, hringja í gamla vini, fara í langa göngutúra eða slaka á í góða veðrinu á meðan við hunsum smávægileg óþægindi daglegs lífs. Atriði sem sköpuðu pirring áður virðast ekki jafn mikilvæg núna. Þetta tímabil getur verið tækifæri til að endurmeta lífið og gera jákvæðar breytingar. 4. Langtímamarkmið virðast minna mikilvæg Margir hafa tilhneigingu til að hlakka meira til framtíðarmarkmiða en að njóta augnabliksins, þess sem er hér og nú. Óvissan sem umlykur líf okkar hefur þau áhrif að langtímamarkmið virðast minna mikilvæg. Við einblínum meira á daginn í dag og daginn á morgun. Þetta er jákvæð þróun því rannsóknir sýna að fólk sem lifir í núinu og nýtur þess sem það er að gera upplifir meiri vellíðan en þeir sem dvelja við fortíðina eða einblína á framtíðina. 5. Þakklætið og samstaðan hafa aukist Við upplifum og tjáum meira þakklæti, t.d. í garð heilbrigðisstarfsmanna, starfsfólks sem sinnir framlínustörfum, einstaklinga og fyrirtækja sem gefa gjafir, þríeykisins sem hefur stjórnað málum af yfirvegun og festu, og vina og kunningja sem eru til staðar fyrir okkur á krefjandi tímum. Samfélagshyggjan hefur aukist og við sýnum meiri samstöðu, samhjálp, umhyggju og manngæsku. 6. Við skiljum loks hvað við höfum það gott Hvort sem við gerum okkur grein fyrir því eða ekki, og óháð þeim persónulegu áskorunum sem við gætum þurft að takast á við, eruð við mun betur sett en margir aðrir í þessum heimi. Tökum sem dæmi fólk í flóttamannabúðum þar sem nándin er mikil og litlir möguleikar á að virða tveggja metra regluna eða þvo sér reglulega um hendurnar með sápu. Á meðan höfum við sjálf kannski aðeins þurft að breyta ferðaáætlunum eða flytja vinnustöðina heim. Að setja hlutina í samhengi er góð leið til að átti sig á því hversu heppinn maður er.
Faraldur kórónuveiru (COVID-19) Vinnustaðamenning Stjórnun Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vonast til að koma dánarbúinu í góðar hendur Neytendur Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Tryggðu sér 300 milljóna króna fjármögnun Viðskipti innlent Sagðir vilja frekar loka TikTok en selja Viðskipti erlent Fleiri fréttir Forstjóri, snúsari, mótorhjólatöffari, veiðimaður og framúrskarandi á ryksugunni Endurgjöf: Það sem þú átt ekki að gera Eitruð vinnustaðamenning algeng og margfaldar líkur á kulnun „Enda hefði hún hreinlega ekki nennt að þræta við mig endalaust“ Ljúfustu stundirnar þegar allir eru saman í hjónarúminu Þrjú atriði til að auka á sjálfsöryggið okkar í vinnunni Tók fimm mánuði að byrja að tala íslensku Finnur þægilegu heimatilfinninguna þegar hann lendir í Keflavík „Einn mjög fárra karla á mínum aldri sem er ekki í golfi!“ Að vera bestur í teyminu er allt annað en að vera góður stjórnandi Kynslóðaskipti: Arftakaáætlunin virkjuð, vinnustaðaskóli og ný tækifæri fyrir starfsfólk 55-74 ára fjölgar hlutfallslega mest á vinnumarkaði „Ótrúlega vel gift honum Obba sem er A-manneskja“ Algengt að starfsfólk læri ekki af mistökum Hjón í nýsköpun: „Það er reyndar hún sem er Þjóðverjinn en ég Íslendingurinn“ Vandræðalega kvöldsvæfur framkvæmdastjóri Öfund í vinnu og afbrýðisamir vinnufélagar Gæðasamtöl við dótturina, mömmu eða vinkonu á leið í vinnu Sex einkenni um að þú sért í miðaldrakrísu í vinnunni Plankavinir, kaka fyrir vinnufélaga, leika sér með börnum og hafa gaman Spennuþrungin sigling Mottumarssokkana til Íslands dæmi um hvað margt getur komið upp „What do you mean by shit-mix, are you mixing the shit?“ Sofnar í leikhúsi, á tónleikum, í kirkjum og fleiri stöðum Deilur og leiðindi við vinnufélaga og góð ráð Fögnum fjölbreytileikanum: Pólverjar flestir, síðan Litháar, síðan Íslendingar Eiga ekki bara að vera Íslendingar í betur launuðu störfunum „Menn trúðu því um tíma að hægt væri að semja við skrattann“ Nú er hægt að kúra og slappa af á morgnana „Karlarnir segja konur of reynslulausar“ Eðlilegt að starfsmenn og stjórnendur skipti um vinnu reglulega Sjá meira