Hægt að kaupa hvað birtist um mann á netinu

Nokkur fyrirtæki segjast geta lofað að stýra því hvað birtist um fólk á internetinu, hvort sem það er að fjarlægja óheppilegt efni eða slæma fréttaumfjöllun - fyrir nokkurt verð.

„Við getum fjarlægt hluti sem ættu ekki að finnast á netinu,“ sagði Chris Dinota, forstjóri og stofnandi eins slíks fyrirtækis Solvera Group í samtali við CNN.

Kostnaðurinn er á milli 50 til 300 þúsund dollara, sem jafngildir tæplega sex til 34 fjórum milljónum króna, eftir því hvert verkefnið er auk mánaðargjalds.

Solvera segir þeirra þjónustu betri en þá sem fyrir er sem færir ákveðna umfjöllun neðar á leitarsíðum þar sem þeirra þjónusta getur fjarlægt neikvæða umfjöllun alveg og þannig stjórnað leitarniðurstöðum.

Fyrirtæki Dinota framkvæmir kannanir á bakgrunni viðskiptavina og starfar ekki með þeim sem vilja láta fjarlægja umfjöllun sem er rétt.

Þjónustan fjarlægir umfjöllun af leitarvélum eins og Google, Yahoo og Bing.

„Mikið af viðskiptavinum okkar hafa verið kúgaðir og leita til okkar í algjörri neyð,“ sagði Dinota.