Kia kynnir nýjan og háþróaðan undirvagn fyrir rafbíla

Kristinn Ásgeir Gylfason skrifar 7. desember 2020 07:00

Kia í samvinnu við Hyundai Motor Group kynnti í dag nýjan og háþróaðan E-GMP undirvagn (Electric-Global Modular Platform) sem er sérstaklega hannaður fyrir rafbíla. Þessi nýi undirvagn verður notaður í næstu kynslóðir rafbíla hjá samsteypunni.

Hann mun skila rafbílunum yfir 500 km drægni í fullri hleðslu samkvæmt WLTP staðli og bílarnir munu geta náð 80% hleðslu á innan við 18 mínútum með háhraða hleðslustöð. Öflugri rafbílar munu ná meiri hröðun með E-GMP undirvagninum eða úr kyrrstöðu í hundrað km hraða á innan við 3,5 sekúndum. Þeir munu ná allt að 260 km hámarkshraða, segir í fréttatilkynningu frá Öskju, umboðsaðila Kia á Íslandi.

E-GMP undirvagninn með gólfi yfirbyggingar.

Nýi undirvagninn mun auk þess skila rafbílunum betri aksturseiginleikum, meira öryggi og meira innanrými. Kia Motors, sem er innan Hyundai Motor Group samsteypunnar, ætlar sér að vera leiðandi í þróun rafbíla með hinum nýja E-GMP undirvagni. Kia, Hyundai og Genesis tengjast í gegnum þessa öflugu suður-kóresku samstæðu.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.