Rafbílaframleiðandinn Arrival ætlar á markað

Kristinn Ásgeir Gylfason skrifar 23. nóvember 2020 07:00

Breski rafbilaframleiðandinn Arrival, sem framleiðir rafknúna sendibíla er á leiðinni á markað í Bandaríkjunum með verðmat upp á 5,4 milljarða dollara eða um735 milljarða íslenskra króna, eftir samruna við CIIG.

CIIG er félag sem sérhæfir sig í að safna fé á hlutabréfamarkaði og hefur áður unnið með rafbílasprotum eins og Nikola og Fisker. CIIG mun fara með 12 prósent hlut í Arrivel og aðrir hluthafar því 88 prósent, meðal þeirra eru Hyundai og UPS, póstþjónustan.

Áætlað er að félagið geti með skráningunni safnað allt að 660 milljónum dollara eða um 90 milljörðum króna. Félagið hefur þegar náð í 118 milljón dollara, um 16 milljarða fjárfestingu frá BlackRock í október.

UPS hefur þegar pantað um 10.000 rafsendibíla frá Arrival með möguleika á að tvöfalda þá pöntun.

Bílarnir sem UPS fær verða búnir vélbúnaði til að vera sjálfkeyrandi. „Hugbúnaðinn er hægt að uppfæra þegar hann verður reiðubúinn,“ sagði Avinash Rugoorbur, forseti Arrival.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.