Áhrif og viðbrögð heimsfaraldurs efst á baugi þróunarnefndar Heimsljós 20. október 2020 09:28 Höfuðstöðvar Alþjóðabankans í Washington. WB Áhrif heimsfaraldursins á þróunarríki og viðbrögð alþjóðasamfélagsins voru efst á baugi þróunarnefndar Alþjóðabankans og Alþjóðagjaldeyrissjóðsins í ár. Alþjóðabankinn brást hratt við og tilkynnti við upphaf faraldursins í mars að hann hygðist verja allt að 160 milljörðum Bandaríkjadala á næstu 15 mánuðum í viðbragðsaðgerðir sem náðu í síðasta mánuði til 111 landa. Þá samþykkti stjórn bankans í síðustu viku tillögu um að bankinn veiti samstarfslöndum sínum stuðning og lán upp á 12 milljarða Bandaríkjadala fyrir kaupum og dreifingu á bóluefni gegn COVID-19. Sá stuðningur kemur til viðbótar við yfirstandandi neyðaraðgerðir bankans. Ársfundir Alþjóðabankans og Alþjóðagjaldeyrissjóðsins fara fram þessa dagana í netheimum. Fundur þróunarnefndar Alþjóðbankans og Alþjóðagjaldeyrissjóðsins var haldinn í síðustu viku og nefndin – skipuð ráðherrum 25 landa – er vettvangur fyrir samstöðu milli ríkja um alþjóðleg þróunarmál. Nefndin hefur umboð til að ráðleggja bankastjórn bankans og sjóðsins um mikilvæg þróunarmál og um það fjármagn sem til þarf til að efla efnahagsþróun í þróunarlöndum. Norðmenn áttu sæti í nefndinni í ár fyrir hönd kjördæmis Norðurlanda og Eystrasaltsríkja og Dag-Inge Ulstein, norski þróunarmálaráðherrann, flutti ávarp fyrir hönd kjördæmisins. Í ávarpinu lagði norski ráðherrann meðal annars áherslu á græna enduruppbyggingu, jafnréttismál og félagsleg öryggisnet í tengslum við heimsfaraldurinn. David Malpass, forseti Alþjóðabankans, ávarpaði fundinn og lagði áherslu á að heimsfaraldurinn ógni lífi og lífsviðurværi fólks, sérstaklega þeirra fátækustu og berskjölduðustu með því að auka fátækt og ójöfnuð ásamt því að hafa neikvæð áhrif á langtíma efnahagshorfur landa. Hann sagði að faraldurinn gæti haft þær afleiðingar að heill áratugur glataðist með tilliti til efnahags- og félagslegrar þróunar. Einkennin yrðu veikur hagvöxtur, hrun heilbrigðis- og menntakerfa margra landa, og ný skuldakreppa“. Skuldasöfnun í lágtekjuríkjum var til umræðu og þróunarnefndin studdi framlengingu á tímabundnum gjaldfresti á skuldum sem tvíhliða opinberir lánveitendur veittu fátækustu löndunum (Debt Service Suspension Initiative – DSSI) eftir ákall frá Alþjóðabankanum og Alþjóðagjaldeyrissjóðnum. Afborganir skulda setja mörg fátæk ríki í afar þrönga stöðu til að bregðast við faraldrinum. DSSI tók gildi 1. maí á þessu ári og átti upphaflega að gilda til loka árs 2020. Nú hefur verið samþykkt að framlengja um sex mánuði til viðbótar. Nefndin hvatti jafnframt bankann og sjóðinn til að halda áfram að vinna að því að skoða skuldavanda samstarfslanda, ekki síst lágtekjuríkja, og reyna að koma með lausnir sem henta ólíkum löndum. Sjá fréttatilkynningu Alþjóðabankans um fundi þróunarnefndarinnar. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Líkir Katrínu við „stalínista“ og skýtur á Vilhjálm Birgisson Innlent Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent „Er búinn að blokka 237 manneskjur á tíu dögum“ Innlent Forsetavaktin 2024: Hver verður sjöundi forseti lýðveldisins? Innlent De Niro kallaði Trump skrímsli fyrir utan dómshúsið Erlent „Fyrirvarinn var í rauninni enginn“ Innlent
Áhrif heimsfaraldursins á þróunarríki og viðbrögð alþjóðasamfélagsins voru efst á baugi þróunarnefndar Alþjóðabankans og Alþjóðagjaldeyrissjóðsins í ár. Alþjóðabankinn brást hratt við og tilkynnti við upphaf faraldursins í mars að hann hygðist verja allt að 160 milljörðum Bandaríkjadala á næstu 15 mánuðum í viðbragðsaðgerðir sem náðu í síðasta mánuði til 111 landa. Þá samþykkti stjórn bankans í síðustu viku tillögu um að bankinn veiti samstarfslöndum sínum stuðning og lán upp á 12 milljarða Bandaríkjadala fyrir kaupum og dreifingu á bóluefni gegn COVID-19. Sá stuðningur kemur til viðbótar við yfirstandandi neyðaraðgerðir bankans. Ársfundir Alþjóðabankans og Alþjóðagjaldeyrissjóðsins fara fram þessa dagana í netheimum. Fundur þróunarnefndar Alþjóðbankans og Alþjóðagjaldeyrissjóðsins var haldinn í síðustu viku og nefndin – skipuð ráðherrum 25 landa – er vettvangur fyrir samstöðu milli ríkja um alþjóðleg þróunarmál. Nefndin hefur umboð til að ráðleggja bankastjórn bankans og sjóðsins um mikilvæg þróunarmál og um það fjármagn sem til þarf til að efla efnahagsþróun í þróunarlöndum. Norðmenn áttu sæti í nefndinni í ár fyrir hönd kjördæmis Norðurlanda og Eystrasaltsríkja og Dag-Inge Ulstein, norski þróunarmálaráðherrann, flutti ávarp fyrir hönd kjördæmisins. Í ávarpinu lagði norski ráðherrann meðal annars áherslu á græna enduruppbyggingu, jafnréttismál og félagsleg öryggisnet í tengslum við heimsfaraldurinn. David Malpass, forseti Alþjóðabankans, ávarpaði fundinn og lagði áherslu á að heimsfaraldurinn ógni lífi og lífsviðurværi fólks, sérstaklega þeirra fátækustu og berskjölduðustu með því að auka fátækt og ójöfnuð ásamt því að hafa neikvæð áhrif á langtíma efnahagshorfur landa. Hann sagði að faraldurinn gæti haft þær afleiðingar að heill áratugur glataðist með tilliti til efnahags- og félagslegrar þróunar. Einkennin yrðu veikur hagvöxtur, hrun heilbrigðis- og menntakerfa margra landa, og ný skuldakreppa“. Skuldasöfnun í lágtekjuríkjum var til umræðu og þróunarnefndin studdi framlengingu á tímabundnum gjaldfresti á skuldum sem tvíhliða opinberir lánveitendur veittu fátækustu löndunum (Debt Service Suspension Initiative – DSSI) eftir ákall frá Alþjóðabankanum og Alþjóðagjaldeyrissjóðnum. Afborganir skulda setja mörg fátæk ríki í afar þrönga stöðu til að bregðast við faraldrinum. DSSI tók gildi 1. maí á þessu ári og átti upphaflega að gilda til loka árs 2020. Nú hefur verið samþykkt að framlengja um sex mánuði til viðbótar. Nefndin hvatti jafnframt bankann og sjóðinn til að halda áfram að vinna að því að skoða skuldavanda samstarfslanda, ekki síst lágtekjuríkja, og reyna að koma með lausnir sem henta ólíkum löndum. Sjá fréttatilkynningu Alþjóðabankans um fundi þróunarnefndarinnar. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Líkir Katrínu við „stalínista“ og skýtur á Vilhjálm Birgisson Innlent Átök á aðalfundi og lögregla kölluð til Innlent Segir samstarfsfólk Katrínar hafa hvatt sig til að draga sig úr leik Innlent Um 200 bíða þess að vera flutt af landi í þvinguðum brottflutningi Innlent Íbúar varaðir við rusl- og skítabelgjum frá Norður-Kóreu Erlent Sindri Freyr er látinn Innlent „Er búinn að blokka 237 manneskjur á tíu dögum“ Innlent Forsetavaktin 2024: Hver verður sjöundi forseti lýðveldisins? Innlent De Niro kallaði Trump skrímsli fyrir utan dómshúsið Erlent „Fyrirvarinn var í rauninni enginn“ Innlent