Nýr Renault Megane eVision er fyrstur í nýrri rafbílafjölskyldu

Kristinn Ásgeir Gylfason skrifar 16. október 2020 07:00

Franski bílaframleiðandinn Renault hefur kynnt til sögunnar Megane eVision sem er ætlað að „enduruppgötva sígílda hlaðbakinn“ samkvæmt Renault. Bíllinn er hugmyndabíll eins og er en er líkur þeim bíl sem er ætlað að fara í framleiðslu undir lok árs 2021.

Bíllinn verður smíðaður á Renault-Nissan-Mitsubishi CMF-EV grunninum, sem einnig hefur verið notaður fyrir Nissan Ariya.

Megane eVision er keimlíkur Ariya en hönnunin er samkvæmt Luca de Meo, yfirmanni hjá Renault „framúrstefnulegur og er 95% eins og fjöldaframleidda útgáfan mun vera“.

„Megane eVision er að endurhanna Megane og Renault er að endurhanna Renault. Þetta er bara upphafið af heilli kynslóð uppfinningafylltra rafbíla sem eru væntanlegir. Það verður heil fjölskylda bíla byggð á CMF-EV grunninum - hingað til hafa yfir 300 einkaleyfi verið skráð,“ sagði De Meo.

Hugmyndabíllinn er búinn 60kWh rafhlöðu sem er hægt að hraðhlaða á allt að 130kWh. De Meo segir að bíllinn muni drífa um 450 km samkvæmt WLTP staðlinum. De Meo segir að bíllinn gæti náð meiri drægni í framtíðinni. Rafmótorinn skilar 215 hestöflum og bíllinn er framhjóladrifin, Renault hefur gefið úr að bíllinn geti farið úr kyrrstöðu í 100 km/klst. á innan við átta sekúndum.

Megane eVision verður 4210mm langur og 1800mm breiður og 1505mm á hæð. Hjólhafið er 2700mm og hann vegur 1650kg.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.